強迫症又發作.....

ocd患者here 自己食藥食咗好多年 一路都斷唔到尾 巴打有冇睇過醫生？

想問下係咪大部份強迫症患者都係好怕犯錯嘅人？有冇啲經歷或者幾時開始令你好驚犯錯？

食幾重
咩劑量
血清素

小學開始有ocd行為
每晚都要有儀式咁檢查自己有無執好書包
比起好驚犯錯 應該係家長（老豆）好嚴格
到後來就算無人要我完美都要追求完美

冇睇醫生...
幾年前排期排成一年先見醫生
一年後,果陣既情況冇咁嚴重就冇去睇...

童年真係影響好大.....
我細過家教都係好嚴...

頂 check到精神緊張
手指出汗有少少水整左落個mon度
又覺得唔夠完美

仲feel到個心臟跳得好勁

我呢排開始每晚抽少少時間做ERP,即係特登自己去做啲令自己恐懼既嘢，試咗兩日諗住長做觀望下有無效果，始終藥日日都食我都理唔到佢有無作用，見好多人都話用ERP暴露係恐懼中係最有效。

我雖然同Ching你症狀唔同但個本質都係驚一樣嘢，驚個後果同克服唔到個種不安感。 之前有講個我既問題係腦會不斷自己把聲講啲令自己好厭惡既說話好像播帶咁，所以我而家夜晚就搵張紙將啲說話內容寫出黎兼錄音讀出黎，嘗試去克服呢種恐懼。

以樓主例子我覺得你可以由淺入深試下特登自己去檢查你啲嘢，特登令自己焦慮再去感受適應佢，試下抱住一種你啊啲settings亂晒㗎啦部機壞㗎啦既心態去面對，可能有幫助，大家一齊努力！

雖然都聽過呢種暴露做法
但一直唔敢試 怕自己會頂唔順...

就好似今日為例 check到精神緊張
心臟急速跳 手出汗
之後整到個mon有小水珠
覺得check得唔完美 應該預先拎定張紙巾
而家開始又唔舒服
目前係到對抗緊唔想再check

check到想del左某個app
但個app仲有用到

check到最後 眼鏡起霧
搞到check完又唔多舒服
呢個病真係好奇怪又難頂

我明

我都係.....

如果程度去到影響日常生活 都係要考慮返睇下醫生 自己幾年前有睇開 後尾成本實在太貴(私家) 就冇再睇了 之後去藥房配返佢當時開畀我嘅藥 自己控制住劑量咁食 不過我食嘅劑量好少但唔食一兩日覺得都會有少少影響精神 其實呢啲病好難斷尾 我都想有日可以斷到尾

會唔會就係因為細個父母嘅教養方式
潛而默化覺得 唔比錯 要完美 初頭可能無乜嘢唔察覺 大個左先演化到ocd

ocd病患確實係絕大部分都同童年有關 一般患者多數童年過得唔開心或者長期有壓力 嚴重嗰啲可能有童年陰影 導致成長期間腦內血清素水平有問題

姐係食藥其實幫到？

唔識醫學上嘅嘢
但希望同你講一句 你值得擁有自己想過嘅生活

食藥係幫助到 ocd患者一般食返叫做血清素嘅藥 主要係提高返你腦內血清素水平濃度 但如果要個病斷尾最終都係要靠自己喺心靈上同精神上面嘅治療(例如冥想治療) 所以點解ocd同其他情緒病都咁難斷尾就係食藥始終治唔到本 所以好多人都長期食藥可能幾年 十年 或以上

呢個病應該同本身係咪完美主義有關...
我老母算係潔癖 細過出街玩
返到屋企要換左杉或沖涼先可以惦張床...
同埋屋企家教都幾嚴 細過出去玩
要問過屋企人 同埋唔可以太夜返...
同埋之前做過政府相關既工作
都係啲唔可以出錯既工作黎...
一出錯就有大壓力...

真係好痴線....
真係好難check到所謂既完美
惦到個mon無反應 有手汗整到落個mon
仲有剛剛既眼鏡起霧 令到自己唔肯定有冇睇清楚到.....
唉.......

樓主睇返我#343
睇完你講嘅嘢再加上你父母對你嘅成長環境影響 我都有少少理解點解你會有ocd

咁你係幾時開始會咁先