強迫症又發作.....

加油

你病無好轉，同埋上次你睇張醫生覺得點？

張醫生有用心去聽我既苦況
仲同我詳細解釋呢個病
最後我仲share左呢個post比佢...
唔知佢有冇睇....
暫時食左幾日藥 有啲洗手行為係少左
盡量搵理由去說服自己唔需要下下都用洗手液
以前洗緊手惦到水龍頭我都會忍唔住重新用洗手液再洗
或者洗完手出黎惦到門框惦到屋企人又想重新洗過
或者洗緊手比屋企人打斷左都想重新再洗....
同埋比屋企人惦到我都會覺得好污衊
以上都盡量克服緊,呢類諗法仲未消失.....
有啲家務我都盡量交左比老母搞....
呢排都係搞少啲野比較好......
平時個人平靜左 啲強迫思想少左
未食藥前 啲強迫思想真係不斷咁黎....
就算見到野想check感覺個人都無以前咁焦慮緊張....

感同身受係未親身經歷過但係感覺就好似親身經歷過咁
但係我自己本身都有OCD嘅症狀

我而家係一發作就即刻深呼吸乜都唔諗 等個腦靜咗先停 暫時都幾有效

咁聽落食藥都有改善wo
但佢有冇話要做咩行為治療咁？

都有講過 不過應該未係時侯
而且要睇埋私家心理學家會好貴
今朝我屋企人入過我房整野
訓醒後 我都已經忍唔住又走去check

你有冇排政府睇啊 一路長期睇私家真係好貴，呢啲病又需要好長時間睇

之前拎普通私家醫生既信去排政府 要2022年尾
張醫生話再寫封信比我 睇下可唔可以加快個期

開始驚到唔係好敢掂自己部電腦
機都唔想打，成日形住形住

咁我好彩 我隔住睇排快啲
但上次聽佢講最慢都排半年

但如果之後睇心理輔導無醫生紙請唔到病假

我明 我呢排都唔想打機.....
只係碌下手遊...

我都係幾日無掂部腦 不過好彩係notebook 個病未蔓延去到desktop

見到啲資料夾 就驚驚地，聽日去睇醫生
每次請請下自己病情都忍唔住

唉 琴日比老母罵
今朝又係我間房涼杉 覺得佢又整亂左我間房某啲位
今日訓到唔想醒一諗到起身又要check野果種心情
最後訓到差唔多4點先醒 野都冇心情食
刷完牙check完先再食野 食完已經5點幾
唉 到而家都仲覺得唔開心....
呢種感覺好難頂 有冇藥可以令到我冇曬唔開心呢種情緒
本來前一隻藥食完會有啲唔開心 轉左藥之後唔開心既心情暫時唔見左
而家又出返黎

醫生有冇講食咗藥情緒會好反覆

冇呀.....

下 我聽日睇啦。唔知會開咩藥比我，希望食完唔影響我返工

應該係我既情緒有問題.....
不過食左啲藥通常會平靜啲
你係巴打定絲打?
食完啲藥幾乎冇曬性慾
不過我冇女朋友 問題唔太大...

今日直頭有啲想喊.....
覺得做人好辛苦 有啲想自殺...

絲打

有啊 每朝起身返工都好痛苦，放假就不停訓
成日都好驚

你幾點訓幾點起身
我平日深夜4點訓 但通常5點先訓著
訓到下午3點半都仲想訓
今日直頭諗起起身又要check野
唔想起身.....

不過你要預左返工可能會無咩精神
未轉藥前 開頭食日頭都有啲想訓
訓落床即刻訓得著 但食左1星期多啲就開始失眠返
日頭都唔會累
轉左藥呢一星期 明明訓到咁晏先起身
日日差唔多7-9就覺得有啲眼訓
食緊飯洗緊碗都有睡意
但過左呢個時間之後啲藥帶黎既睡意就會退....
但而家2隻藥都係深夜2點先食

平日要返工就1-2點訓 因為要check野
8點醒

放假就夜訓4點到 訓到3點😪

通常星期日轉去星期一 都會失眠或訓得唔林