強迫症又發作.....

100%心同感受，我又係咁，想check有無high到個tap 啟動或者關咗某個功能，不斷上一頁又返入去或者狂向下slide refresh, 我只可以話一係就迫自己認真望實去check 耐次之後做其他嘢帶住個種唔舒服既感覺，一係就抱住一種最壞打算然後唔理既心態，我都明好辛所以只可以希望唔好trigger到個症狀。

我自己比較嚴重既地方係google drive or google photo, 兩個都放咗好多對我好重要既嘢（功課save, 人生點滴相），成日好驚自己唔小心del咗啲file, 所以只好每次用都快快手希望唔好畀時間自己引發個症狀，如果唔係又要每個file檢查啲文件。但作為身受影響一份子，我會覺得唔好諗住理性係可以說服到OCD, 因為好老實講以我擔憂既（唔小心del咗啲重要嘢）作為例子，要出現呢個情況必須係我click咗個delete button, 係佢彈個3秒復原視窗出黎個段時間唔click, 再要我自己manually 係bin 清空個回收桶先會出現我最驚個後果，講緊有3重關卡根本無咩機會發生，但即使我自己夠知呢個道理都唔會對我既焦慮有任何舒緩，所以我會話只好盡量減少抵抗，信自己，其他都無咩可以做

去睇醫生啦，相信會幫到你

利申：有強迫症多年兼見緊精神科

真係唔知點好 真係點check都唔滿意咁....
仲要check緊比人打斷真係想死.....

建議睇醫生/臨床心理

同你一樣有ocd
食緊藥+輔導
Check電器門窗係基本
仲會強迫不停諗死亡
經過高樓大廈會覺得有空中飛人砸死自己
見到石油氣罐就一定會爆炸
過海底隧道會覺得條隧道斷開
要食血清控制情緒
思想上唔好強迫自己亂諗野

之前我仲會不停check cctv
覺得屋企隻貓會有意外
心理學家提議我每日減少check嘅次數
例如每日只可以打開個app睇5次
好想睇嘅時候要話俾自己聽
其實無事發生根本唔駛睇
慢慢減少強迫嘅次數

依啲嘢真係要睇精神科先有得搞
我以前都係好嚴重強迫症，尤其係壓力大嗰陣啲強迫思想就好難用自我安慰去舒緩
好衰唔衰我仲要係做it
試過有一排係對打細階好執著，我每次揼曲之前都要確認自己係打緊細階，跟住我就會望實個caps lock同自己講個lock無開到，同埋自己無撳到個shift制
用成幾分鐘說服好自己先開始揼曲，然後如果我需要打大階，打完之後我又要重新說服返自己部電腦而家係細階mode，如果有人叫我或者我有段時間無注意著部電腦又要重新嚟過，成個工作效率低咗起碼幾十倍
仲有一種最討嚴嘅係我拎親利器嗰陣個腦都會有拎佢嚟捅人嘅image或者感覺，仲有行馬路邊我會莫名其妙咁驚自己真係會推人出馬路
由細到大都畀強迫症搞到好撚麻煩，就算同人講佢哋都唔會明
因為驚人見到我做強迫行為嗰陣當我on99咁，所以就收收埋咁去做，搞到壓力好大
但係壓力大又搞到強迫症嚴重咗無限loop
最後終於忍唔著去咗睇醫生

點樣控制減少check既次數
真心係唔check唔舒服,永遠都覺得唔夠完美咁....
要盡量唔好諗佢?

係㗎
我覺得唔check住cctv下一秒隻貓就會有意外
我都係要控制住自己
話俾自己聽
隻貓呢一刻喺屋企玩緊 無事
問下自己之前每分鐘都check住
隻貓有無試過出事？
控制住自己做呢個行為嘅密度減少
當然我覺得藥物都有幫到我

你check1次覺得唔完美
同check1000次都係唔完美
話俾自己聽呢一刻無野好check
或者5分鐘前已經check咗
要隔幾個鐘後先可以check第二次

最近我做緊mindfulness
可以上youtube search 「3分鐘呼吸法」
跟住做 等自己思緒寧靜返d

唔洗食藥？ 同驚有recond

要食藥呀。唔驚得咁多啦，實在太辛苦，睇咗醫生同心理學家好返好多

咁我覺得自己控制到就唔睇啦，食藥同有recond影響深遠

諗起17年果陣 check iphone 7plus
果陣check左差唔多成個月 最後果次覺得完美先收到科....
琴晚又忍唔住去check左....但個腦又唔肯定有冇check漏某一part
又想再check

而家我為左環境靜啲+唔比人打斷
通常係夜晚先check 不過日頭都成日會諗住...
搞到做其他野都專心唔到

同巴打你一樣驚利器

好慶幸自己知道強迫症如果發生係D冇用既地方 = 嘥心機

老老柒柒
睇醫生睇精神科
已經困擾住你

i know that feel bro

諗返起,個強迫症都跟左我10年有多
情況時好時壞 17年換電腦
頭一部搞到最後要賣左佢 再買過第二部個情況先稍好轉....
我以前都試過狂reset部手機.....

可以強迫自己保證全部連登仔都知你自殺你先去做

我都有奇奇怪怪嘅強迫症，係其中一隻手嘅其中兩隻手指掂到嘅話，另外一隻手都要掂番同一個位

有病唔去睇醫生咁好笑

你唔投胎仲搞笑

你算係好輕微....

有冇辨法令自己一定記得跟足檢查次序.....
同埋檢查完後既記憶問題.....
成日事後唔記得,之後就會有d疑似假記憶浮出黎....