強迫症又發作.....

係咪要check到自己滿意先會暫時完到

本來以為得自己先係咁怪
估唔到呢到有一堆同我一樣嘅人
我係強迫症+完美主義
自己著緊嘅野一定要in perfect state
例如一本書 啲角唔可以巢 一個相架 啲邊唔可以花
有時會唔小心掂到就會好驚自己「毁壞」左佢地
係咁諗到底頭先自己有無真係掂到 用咩力度同角度掂
最嬲自己嘅記憶無得playback咁睇返
唔可以100%肯定自己無掂到
成日諗住想再確認
就算今次確認（經過一個順序嘅流程）成功
又會好快懷疑自己同想試探佢到底係咪完美
結果因為自己「毁壞」/懷疑「毁壞」左自己嘅野而覺得自己好無價值做咩都唔可以真正咁開心到
會有類似「呢個蛋糕好食又點，我整花左個相架」咁嘅諗法
淨食左幾年SSRI 呢幾日練緊CBT 希望可以做返個正常人
而唔係一個出街同人傾計但個腦都仲諗緊屋企本書嘅怪人

唉,已經check到好煩 人都癲.....
但係成日又強迫諗住佢...
係到無限loop...
搞到平時係專心唔到做其他野.....

ocd好慘

究竟個病成因係咩.....
最近抑鬱症好似有突破性研究
話係病毒引致.....
希望強迫症都會有破解既一日

最近做緊個專題 有冇患強迫症嘅人願意做訪問？
TG可以詳細傾
https://t.me/hkgfung

寫個app出黎幫自己 想check時㩒一㩒個app就ok

我都有 我之前睇過上網資料 發作起黎 抖一啖好大既氣 再慢慢呼氣 就會有少少幫助

同埋最緊要 做下運動 唔好飲酒 早訓 會有d幫助 加油

同埋我之前都有見過社工 佢話我未算好嚴重 如果真係影響到工作同生活 佢建議排公立 有錢的話就睇私家

長期夜訓 不過冇飲酒

差好遠 試下改變習慣 我都係為左解決佢 所以逼自己健康生活 雖然斷唔到尾 但已經可以正常生活 舊時最勁個時係落完樓上番去check有無鎖門 幾次來回

唉 治標唔治本....
試過將個檢查delay幾日後進行
因為果日屋企冇人
但過左幾日 個check野念頭都係冇消失到....
直到而家都仲未解決到目前既強迫項目....

早訓有咩大幫助.....
定係你病情較輕?

同埋幾乎唔做運動.....

我個情況係 個人一精神唔好 就會loop 所以我既解決方法算係要想方法比自己精神 我都唔知我算唔算嚴重

我習慣夜訓 訓到下午先醒
日日起身果下都係好累

其實點先可以界定到係輕微定係嚴重呢？

工作上，因為成日要用Google Sheet, 好驚會hi到啲制 delete 左 / edit 左 甚至remove 人地嘅野，所以勁小心翼翼咁用，用完係咁禁 undo & Redo 睇下自己係咪只係郁到自己嗰格，無搞到人地嘅data。然後好多document / email 要send出去之前又要check好多次，就算係放左工，都會想開返 我今日send過嘅email 出黎望下我有無講錯野。

生活上，我除左要check 幾次有冇熄爐、放整齊啲野、頭頂有冇野會跌落嚟之外，每一晚臨瞓前，都要用十五分鐘去來回check十幾次鬧鐘有冇set錯，但我已經set左兩部手機 + 一部ipad，同好多巴絲一樣 check嘅過程中唔可以打斷，如果唔係要由頭開始。

我同左社工姑娘講我每晚咁樣check好辛苦好焦慮，但佢又話只係輕微程度，唔駛擔心

最慘係唔可以被打斷....
呢點真係好煩.....

仲要無限咁loop 真係人都癲....

我都係，一兩日就頂唔順reset一次
每次有少少唔順既地方就想reset，尋晚reset完入setting有兩下㩒個mon冇反應，宜家又不斷想reset
但係我set成部機㩒咁多下都係得兩次，應該係㩒唔準或者㩒得太快唔關部機事

請睇醫生
有過強迫症十年依家已經好返

公立定私家?
其實2017年果陣嚴重到想自殺
之後去排公立 點知排期一年後先見醫生....
一年之後見個情況冇咁嚴重
我就冇去睇.....