強迫症又發作.....

真係好煩.....
有時唔小心撞到啲野都會去check....
呢排少左check手機 不過就日常既check多左...
同埋潔癖嚴重左....
真係唔係check呢樣就check果樣....

有時會同自己講 凡事是撚但 人生更快樂
有時有啲小事想去check 會嘗試無視佢
但唔係所有既check都無視到

係咪要食成世

減藥有無變返好差

唔知

我係loop自殘既強迫思想 宜家減藥開始復發咁 明明食藥好多年我以為我自己忘記

保重

你唔識強迫思想咩

知道啊，點會唔知

唔洗咁悲觀既 唔會做 不過好痛苦

同我既情況一樣
本身擔心工作上有啲咩做錯做漏不停check，就算check 完都繼續擔心。又會驚自己唔見咗啲文件，會不停影相拍片確保自己放咗係個到。
因為驚所以會開會前同wfh會帶埋文件返去睇，依架慢慢發展日常生活經常驚自己跌嘢。

出街要離開一個地方（個地方係我停留咗一段時間或者我係個個地方開過個袋攞嘢）例如餐廳，都會影低枱面、地下、櫈確保無留低嘢。 開始唔相信自己眼睛睇到嘅嘢，同自己嘅記憶。

腦海中不斷有啲負面諗法妄想同我講，我有嘢漏有做錯。成日驚唔見嘢， 但啲嘢其實係曬到，我都係要睇多次。

人地打電話比我，一收線就懷疑自己有冇聽錯或姐講錯嘢。收工後都係處於一個發呆狀態同焦慮，因為不停仲諗緊自己有冇錯有冇做到。

一開始返緊呢份工都唔太care ，但依架好小事打錯字都會諗足好耐，重要嘅嘢錯就會更加驚恐。
已經排緊公立醫院睇病

冇

check手機如果個mon唔夠光度
都會信唔過自己....要由頭再check
你排期幾耐先見醫生?
我幾年前好嚴重 公立都要排期一年
病情急起上黎 靠公立醫院真係死得...
如果經濟上允許 私家醫生應該會好好多...
係youtube一個關於強迫症既節目中留意到一個叫張漢奇既醫生
唔知有冇人睇過同埋o唔ok

我去急症,馬上轉介去咗心理門診加精神科 ，心理門診下個月睇啦，精神科我去排期 有姑娘見咗先 ，佢比咗2個方案我。
方案一 係以後每次都睇醫生，要排好似4-5個月。
方案二 係醫生 姑娘 心理輔導咁輪住睇，第一次見會一日見曬三個，等2個月，
簡咗方案二，下個月睇啦

你衝去急症果陣點講
最近真係愈黎愈難頂 甚至情緒都開始低落
加上屋企人又唔理解我既感受
仲格硬迫我戒左啲強迫行為 完全係反效果

今日去左公立排期 結果要等一年半.....
之後去左睇私家醫生 不過個醫生就冇比建議我
只係問我既病情...之後開左3隻藥比我
3隻藥進食既時間都唔同 好煩....

我下星期轉睇新既醫生....
實在太頂唔順....set到自己既衛生標準好高
本來近期既強迫症唔係由潔癖開始
而係由check手機 電腦慢慢引發去清潔方面.....
啲症狀會蔓延....
而家食左藥,有時強迫發作時容易放低左
不過都仲未去到下下都放低到
有啲位仲係觸及到既話會覺得唔舒服....
始終每個人既強迫症項目都有唔同
我主要係check手機 電腦(所以而家某啲設定位我係唔會惦....怕引發強迫症)
同埋不斷清潔 見到地下有條頭髮都唔多舒服 仲成日會狂洗手
自己電腦位既電線如果移左位都會覺得唔安樂
如果啲插頭移左位要好用力整返岩個位(通常整完成隻手都好累同紅曬)
有時強迫症果種古怪既檢查模式同規則
真係搞到個人都癲....

話自己覺得有強迫症，會不斷做啲咩行為。
自己唔想做，但唔做唔得 會好不安好驚。
自己感覺到愈來愈嚴重，影響日常生活、工作。

通常講講下自己病情就忍唔住喊出黎
我有家人陪我去睇，所以我喊到講唔出佢就有幫手。

建議拉朋友陪你去，因為自己講出口 真係好難為情，同埋容易情緒波動講唔出口。

同埋你咩事啊巴打？

我都係咁， 愈來愈要強迫自己去check 。
我反而好古怪 對物件物品好重視，尤其係紙類文件單據 , 就算個樣野明明無用係垃圾黎, 要我掉咗佢個下 心理有好大關口, 生怕自己掉咗啲重要野。

所以掉之前會影低佢 唔知點解會咁
唔做會好不安
已經嚴重到 自己都驚
等緊6月頭見精神科，你食緊藥真係會有用？

巴打會唔會想加tg 傾下 ，https://t.me/kkcrystalk