強迫症又發作.....

冇睇醫生呀....
前幾年好嚴重果陣排公立
有轉介信都要排期一年先有得見醫生
一年後見情況好轉左就無去睇....
係近排又開始黎了....

真係好攰......
i know that feel....

有時覺得如果唔做，會凝住lorlor戀咁

就算有一次係感覺完美檢查完一樣野
訓醒第二日 個腦成日會諗野去挑剔...
或者突然遇到某啲事(通常同檢查緊既野有關)
會令到你強迫諗法又出返黎...

係....雖然上面有巴打教落
話要同check完野果種心理依賴中斷連結...
要接受呢種唔完美既痛苦感存在...同時忽視佢...
但真係唔容易做到.....

尤其是一壓力大就會

個腦唔屬於自己咁
有冇試過成功剋服到?

有冇試過一次係check得滿意
之後真係解決到?

有冇試過第二日又勾起返果樣野既強迫思維?
之後愈諗又愈唔舒服,覺得仲未夠好...

好似壓力太大都會嚴重d

其實你愈壓抑唔去諗 反而仲辛苦.....
之前有巴打講過 要接受呢種痛苦感...但同時要無視佢...
感覺每一次重複check都會愈陷愈深

我都係
要幾乎100%專心睇晒所有對白同埋人物動作

例如同一畫面 有幾個重要角色郁緊，我要 後退幾次逐個睇

如果唔係覺得少左啲野

想知道點樣先可以相信自己眼睇嘅野？
成日都諗住一句說話「眼見未為真」

同埋覺得所有野都會變
明明有大學offer , 都會覺得人地send錯第二個candidate 嘅email 俾我 / 收返個offer

如果你只有呢啲症狀
最多睇劇用多少少時間 又未至於咁困擾...
強迫症唯有盡量多啲相信自己...
話比自己聽 其實已經睇左
或者盡量將果樣野唔好睇得太重....

原來巴打仲有其他強迫症既情況
強迫症最麻煩就係會蔓延到其他地方...

由小學開始已經有...check有無執齊書要check十幾次
到而家出嚟做嘢 send email前要睇好多次有無寫錯/漏嘢
係間唔中真係太忙 時間唔容許我check咁多次個陣 先會好少少
生活上就臨瞓前check鬧鐘個啲

除咗check嘢之外 每當有啲令我介懷嘅事發生咗
個腦就會不停loop返個陣嘅場景同對話..
搞到專心唔到做嘢
如果係喺屋企無嘢做個陣 可以loop成粒鐘先停
明明知自己係咁諗都無用 但又會控制唔到
然後又會覺得自己浪費時間 好內疚
不過我隱藏得好好 身邊嘅人包括同事朋友男朋友都唔知我有強迫症好驚比人發現

有無人都會好似我咁 係咁重複諗某啲嘢？

你仲會唔會check其他野?
我同你check既野唔同...
當遇到令你介懷既野 可以控制到唔去諗?
唔諗既話會唔會唔舒服?
想知你呢類強迫思想係點樣既情況下先會loop完?
同埋loop完之後 如果又發生左相關既野
你會唔會又想再loop?

見有人一遇到唔開心既事又會開始復發......
個病應該同年齡無關
我想知要點樣先可以真正中止個病...
有時嚴重起上黎 已經失去理智
分唔清呢樣野究竟係強迫症迫使自己去做定係自己想去做既事

如果做呢啲行為嘅時候，理智上明知係多餘但唔做又會不安同感到痛苦嘅話，咁呢樣嘢就係強迫症，因為自己真係想去做嘅話係唔會感到厭煩同痛苦

點樣先中止到個病我個人都唔清楚，因為我個人仲係有一部分嘅病，不過我覺得會有另一啲嘢可以轉移到自己部分注意力

有時我睇完啲唔好嘅嘢，我個腦都會播番啲畫面出嚟，好驚自己會發生同樣嘅嘢，不過通常一有呢啲情況我就會轉移吓自己注意力，睇吓啲貓貓狗狗笑片放鬆番個人

如果真係嚴重到影響到生活嘅話，真係最好去睇醫生，其他人唔明白但我諗醫生會明

推