強迫症又發作.....

嘩,線多到仲要睇落好亂
強迫症發作

屋企d野要跟住個模式去擺，有唔同/比人搞過就羅羅亂

出門口前要睇晒閂好晒野未，要睇2-3次

出街鎖左門要睇幾次鎖左未

私家車鎖車要望幾多鎖左未，窗關好未，又睇幾次

天窗都唔敢開，怕無閂到

袋d野係街定時定侯睇下有無唔見野

銀包d銀紙跟number, 大小面值，新到舊，邊間銀行，跟相同方向擺

夜晚返揸巴士，拿車時睇幾次d掣較好未，到總站轉方向check個八達機，頭頂個方向岩唔岩，又睇2-3次

我有個建議，當你想重覆個行為或者思想既時候，你問下自己，重覆呢個有咩意義，重覆呢個有咩好處壞處，重覆呢個重唔重要。
跟住正常黎講，你係諗到壞處多過好處，重覆係唔重要，咁你就嘗試同自己講，咁其實我唔重覆仲好過重覆啦，總之問各種問題說服自己唔重覆。

第二個方法係搵一樣無關痛癢既「野」去代表你想重覆既野，例如當你想重覆洗手啦，就拍一次手黎代替洗手，總之搵一個你覺得舒服，好快完成既「野」去取代重覆既野，當你另外一個方法已經完全取代左重覆既野既時候，你可以試下直接唔做取代既方法。例如拍埋今次手，冇下次

第3就係當你預計，知道自己將會重覆既時候，將個諗法「斬斷」佢，例如我知道自己洗手會重覆，咁你準備洗手既時候放空自己，唔好比自己知道自己洗緊手。
唔得既話，你都醒起自己好想重覆喎，咁就直接唔重覆，走左去，斬斷重覆既諗法，跟住正常應該係心掛掛，好想去重覆番件事，再試下唔好理住，每次都咁做，跟住就會積埋好多想重覆既野，跟住你就會覺得，屌咁撚多件事要重覆，咁撚煩，唔重覆啦，因為d要重覆既野已經多到唔記得左係咩野。或者好似方法2咁搵野取代你今日或者前幾日所有想重覆既事，

唔好意思，有d長，希望幫到大家

呢d方法冇記錯係醫生教

lm

第一個方法係好嚴重既階段下應該行唔通
根本呢個時侯 好難用理智去說服個強迫症
第二個方法有時係work既 例如想睇下某個app
可以借用屋企人同你同款既手機黎試
借此黎避過變成強迫化
至於第3個係檢查最嚴重既項目下 未試過成功....

不過都可以詳細研究下可行性
都好多謝巴打你既建議

如果真係頂唔順既話
最終解決方案，睇醫生食藥
我都同個病共存左5年到，冇食藥，病情時好時壞，好在仲頂得順
如果果排壓力大，就會差d咁

開頭會有
但我係唔到眼訓個刻都唔訓
所以依家到五次個時會同自己講：夠啦 訓啦

之後好快就訓著

私家車嗰到我都好驚，要熄冷氣、熄燈、熄音樂、收鏡、閂窗、腳制P波、鎖車、泊岩唔岩位

好驚有日熄漏左會無曬電，或者架車會碌走左

每次揸完返樓下都用成20分鐘check野，唉

本來已經同個腦掙扎緊
今日仲好似比屋企人搞過部機
想死

但係如果聽日又係想再check....
咁就治標唔治本.....

推

想問睇私家係咪好貴.....
保險會唔會有得包

同埋想知啲藥有無用...
係咪只可以抒緩？定可以根治？

會唔會最後都係要靠行為認知療法

上網見人講先睇私家試下用邊隻藥對自己最好先
之後可以轉公立.........

要由認知開始處理

其實係咪真係有用?

我唔記得價錢
大概一個月一千上下？
（計埋心理治療）

保險我唔識

我自己覺得心病始終要着手解決認知問題（了解/改變自己睇法之類？）
好似打左結咁
要慢慢解開

藥物係輔助（但比較嚴重既話都應該係必須）
因為血清素唔夠之類

都唔知要點樣解開我目前既心結
諗起今次既強迫症都係因為次次check被打斷
先演變到而家咁嚴重

一開始唔知係正常
慢慢來

例如同你信得過既人傾呢個問題
唔一定係心理治療師(psychotherapist)
但佢哋應該有專業知識可以幫到手

然後試吓比較佢地同自己睇法/觀念有咩唔同，試下改變一下