強迫症又發作.....

本身我都有潔癖 但未至於好影響到自己日常生活
我既強迫症著重係成日檢查檢查 由其係電子產品
2017年左右換iphone 7plus同新電腦都煩過好耐
直到近期換左iphone12 pro max噩夢又再開始......
不斷咁去檢查app既設定有冇問題
檢查途中,要跟住次序咁去check
如果次序錯左或者比人或環境打斷就要重新黎過
有一次就係check check下 突然被個whatsapp打斷左
有時係跟岩次序check完 但無幾耐個腦又會浮現檢查仲未夠好既情況
例如:檢查中途唔小心惦到其他位....
真係好鬼辛苦已經check左差唔多一個月
究竟應唔應該再繼續聽個腦講
感覺個腦永遠都浮現出檢查中途所謂唔夠完美既情況
想問下有冇其他同類情況既巴絲可以分享下....

斷唔到尾wor

想問下如果逼自己唔check係做唔做到？
可唔可以形容下係咩感覺
我依家想像中係好似打機有條主線一定要做
但我可以揀唔做住去玩支線任 咁樣係唔係可能？

有嘗試過說服自己或者唔理...
但最後都係輸左比個腦

成日檢查 WiFi, 藍芽關左未？咁搞笑

因為個種諗法會不斷糾纏你.....
搞到個人勁唔舒服....真係好辛苦

近期唔係檢查緊呢part
不過以前都試過強迫檢查wifi 藍芽呢d

即係檢查咩

一日檢查24小時u win

我都係咁......好辛苦

會搵啲盡量寧靜既時段進行
例如:屋企冇人 深夜時段

whatsapp line message 相片 同埋電腦既某個setting(就係因為有一日突然彈左出黎)

Same. 由以前check 熄電鎖門，到而家成日check 電話setting 。
無架，你越迫自已就越不安，唯有整忙自己先唔諗呢啲

其實點解會咁....
我都想唔去捻呢啲嘢 但係真係做唔到
有冇啲咩方法去改善

症狀去到咁上下程度
就有機會蔓延去其他....

假設換番個舊電話，你會唔會都係照check?

我會
所以而家唔想換電話，就算升iOS 非必要都唔會升

以前就係要檢查到覺得完美先暫時完....

好後悔換左電話

可能都會 但應該冇而家咁辛苦
可能係感覺無咁著緊
就好似對其他人既野都唔會有咩強迫思想

用nokia 3310就唔洗檢查

雖然係
但今時今日,叫人點用...

有時真係覺得個腦唔係自己

我明 不過無你咁嚴重
好似設定 我會由頭睇到尾 每一個都要望有無用

真係好辛苦
我呢個症狀已經蔓延到其他地方 例如臨訓前會check下有冇熄曬啲燈 抽氣扇等等.... 仲會捻下啲game裡面嘅裝有冇擺返整齊....