［殭屍/鬼怪/打鬥］《噬魂》我由古惑仔變左做現代道士 02

邊忽肥 蟲仔

人黎 備剪

巨龍是也

我暫時睇唔到
人來
備放大鏡 ！

「咩事？！」十方到達象山

「佢比屍線入侵，依家完全冇曬意識」英叔說

「九叔呢？」十方問

「比傀儡師捉走咗」

「今次咁大鑊嘅...咁嗱嗱聲返去先，師父等緊你地」

啊武依然背著我，洛兒跟在後

「我地要去邊？」洛兒不懂為何要到中庭

「一陣你就知啦」十方冷冷一笑

「出發」

嗖！！

到達無極門舊址

「嘩.....」洛兒被十方的傳送嚇到

「都講咗會嚇親你」啊烈說

「點解...咩事？」洛兒慌張的問

「好難解釋你聽，你當係瞬間轉移」十方邊走邊說

「師父！啊航出咗事」十方跑到大廳

「發生咩事？」天玄叔走到大門接我們

「佢比屍線入侵過身體，之後就冇醒過」英叔交代

「抬佢入嚟！」

轉身走向神壇，上香，啊武啊烈將我放在大廳的床上

上香後，天玄叔為我把脈

「脈象紊亂，有股邪氣係體內亂竄」

「師父，咁可唔可以好似上次咁，用紅龍幫佢清咗啲邪氣？」十方問

「如果可以，我會」天玄叔憂愁的說

「如果？點解係如果？」英叔不解

「我身體愈嚟愈差，同紅龍嘅連結已經斷咗...」

「咁....咁要點先可以救到佢」洛兒走上前問

「依位係？」天玄叔第一次見洛兒

「我都唔知」十方說

「佢係啊航嘅..朋友，因為擔心所以跟埋嚟」啊烈說

「咁夢晞呢？冇跟嚟？」十方問

大家聽到這問題後，都面露難色，英叔搖一搖頭

十方也明白，英叔的意思

「今次咁多人出事...」天玄叔無奈的說

「天玄叔，仲有冇其他方法可以救到𡃁仔？啊九用自己嚟換先救𡃁仔，我一定要好好睇住佢」

「有辦法嘅，不過要冒險」天玄叔說

「咩辦法？我地唔怕危險」啊烈說

「要入無常異境嘅深處，搵紅龍」

「紅龍就係無常異境入面？！」大家同樣驚訝

「當年我唔聽我師父話，闖咗入去無常異境入面，意外地撞到紅龍，同佢產生咗連結」

「咁我地依家要入去搵到佢？」英叔問

「嗯」天玄叔點頭

「咁我地行啦！」英叔轉身就想起行

「等陣」天玄叔叫停英叔

「做咩啊？要爭取時間啊」英叔焦急的說

「啊英，我知你好想救返啊航同九仔，但唔好咁心急，越急越亂大事」天玄叔搭著英叔的肩膀

「你地貿貿然就咁行入去，無常異境係極度危險嘅地方，我驚你地死咗都未揾到紅龍」

「.......」

大家腦海裏浮現出上次咬死萬歲的老鼠，的確是充滿危險的地方

「準備充足先出發，同埋我會將你地送去無常異境嘅正中心，應該會易揾啲」

「好...」英叔點點頭

在天玄叔的說服下，大家休息了一會，英叔為箭袋入滿了箭，更袋上了一大袋符紙

而天玄叔為啊武找到一個鐵護臂，十分適合他這種喜歡埋身肉搏的人

啊武則決定繼續拿著大鐵鎚

「唔重咩？仲繼續用？」十方問啊烈

「都幾㗎，但係殺傷力真係好大，對付無常異境入面嘅怪物，應該好有用」啊烈苦笑著說

「點解...我唔明你地做緊咩？真係唔洗送天航去醫院？佢塊面好似越嚟越白」洛兒不懂靈異世界的事，所以不明白他們在做什麼

「洛兒，信我，我地都好緊張，但去醫院冇用，我地依家搵緊方法去救啊航，等我地返嚟」啊烈上前跟洛兒解釋

「.......」洛兒沒說話，只點點頭

「好，行得未？」心急的英叔始終按捺不住，要起行了

「行得」啊烈啊武回應

「等陣！」十方叫停英叔

「又點啊」英叔不耐煩了

「師父叫我比你地，用嚟捉紅龍用」十方拿著幾束繩子，是粗麻繩，但上面畫上很多符咒

「好」英叔他們接過繩

出發！！

我收得好埋

收埋咗！剪唔到

收左拎唔返出黎

冇可能！啱啱仲見到！

有冇諗過佢唔係縮埋，而係納米咁大

雖然都好明顯主角好有潛能 都唔洗下下死女主激發佢嘛

無法，唔係點可以係短時間升LEV？如果你睇番第一集，最後應該乜人都死晒，得番男主角去同終極大佬隻秋，到時真係變超西4 了！

唔係故意要幫主角，係我諗依個角色個陣，佢已經注定....

冇閪屌

純潔嘅愛

天玄叔遲遲才從房間裏出來為英叔他們作法

「咁耐嘅師父」十方問

「幫佢地準備咗啲野」天玄叔拿著三個紅繩軸出來

「唔係比咗我地啦咩？」啊武舉起手中的符咒麻繩

「唔同，依個係比你地綁係腰，一人一個，無常異境入面嘅路每隔一段時間就會改變，你地唔會認得路

基本上你地一蕩失路就唔會出得返嚟，所以依條繩係比你地成功咗之後，順住行返嚟，

同埋如果邊個有危險，個繩軸就會震同發出紅光，咁我就會即刻扯你地返嚟，你地任何一個人都唔可以再出事」

天玄叔為他們做好出發準備後，就開始唸咒，汗水淋灕

終於，在他們面前出現了一個圈，這個圈跟上次召喚紅龍時的圈一樣

他們將繩綁好在腰間，拿好裝備

「行啦」英叔帶頭，步入圈中

「十方，幫我睇住啊航」啊武回頭跟十方說

「你班麻煩友，交比我啦」十方說

「洛兒，你想幫啊航就唔好周圍走，好危險」啊烈說

「呃.....好」洛兒點頭，然後繼續看著我



《啊武視覺》


我們到達無常異境的中心處，是一個樹林

生滿了半身過的雜草，整個空間像籠罩著一層薄薄的白霧，白霧裏飄浮着一粒粒的白點

啊烈伸手去捉住其中一粒白點

「係燒野個啲灰嚟」啊烈在手中檢查那白點

「附近有人燒野？」我問

「依到點睇都唔似有人，睇啲灰嘅量，應該係有野持續燒緊」啊烈說

「會係咩呢」我問

「我就唔會對依到啲嘢有好奇心」啊烈冷酷的說

「唔好講啦，行啦」英叔拿著弓，到處張望

我們越行越遠，綁在我們腰間的繩也放得越來越長

「依到嘅氧氣好似越嚟越薄」再走一段路後，啊烈說

「我都覺，應該係依到又轉變緊」英叔說

「到底無常異境係咩地方，點解會同我地嘅世界連接咗」啊烈把鐵鎚架在肩膀上

「如果唔計上次，今次都係我第一次入嚟，我師父同我講過，無常異境係好多年前人魔大戰個陣，人類創造出嚟封印啲妖魔鬼怪」英叔說

「嘩，人魔大戰？係唔係真㗎」我半信半疑的問

「我當年都唔信㗎」英叔回答

「依家呢」啊烈問

「信，其實我地日日都同魔搏鬥緊㗎啦，加上普通一隻老鼠入到嚟都可以變怪獸嘅地方，冇返一千幾百隻魔都冇可能」

「但天玄叔又冇講依到有魔喎」我說

「都話封印咗」啊烈說

「係喎！」我笑說

突然，前方的草叢傳來動靜

「小心！」英叔提醒我們

一黑影從草叢跳出

吱！！

跟上次一樣是被妖魔化的老鼠

牠跳向我，我蹲下避開，轉身，捉住牠的尾巴，把牠掉向一棵大樹上

牠慘叫一聲，轉向攻擊英叔

英叔退後兩步，發箭！射中了老鼠的後腿，令牠的動作沒剛剛的靈敏，啊烈見機揮動鐵鎚，準確無誤的打在他頭上

嘭！！！

老鼠直接爆頭而死


吱吱吱吱！！！！

「咩聲啊...」我望向聲音來源

「走啦！！」

我搵到啲我以前畫嘅畫係啲情景圖、人物圖，大家有冇興趣睇下

單身狗

想睇
直上啦仲講

左邊係男主，右邊係十方，有好多都唔可以post住，因為會劇透

畫得幾好喎！可以得閒POST些出來
當然在唔劇透下或劇情已出個D。
有無女角圖呢？話時話