［殭屍/鬼怪/打鬥］《噬魂》我由古惑仔變左做現代道士 02

Ot

慘

我們最終都安好的回到了象山

「洛兒唔係到？」洛兒媽媽問

「Auntie 等一等，好快就見到洛兒㗎啦」我轉身致電給十方，在旁的洛兒知道她媽媽沒事後十分開心

掛電話我走向陳鯨

「你跟唔跟我地去？」我問

「唔啦，慣咗自己一個」說完後，他就轉身準備離去

「有緣再見」他走了幾步後停下來

「好，自己小心」

就這麼，只剩下我和洛兒媽媽

「你係洛兒朋友？」洛兒媽問我

「係啊，同佢係中學同學」我說

「咁都識咗好耐啦喎」

「係啊，不過唔算太熟，佢同我兄弟熟啲」我笑說

「你兄弟？」洛兒媽疑惑的看著我

「佢叫陳天航，洛兒應該係叫佢肥仔」

「哦～原來係佢，我見過佢，洛兒到依家都成日提起佢」

叩、叩、叩，敲門聲響起

「開門」是十方的聲音，我上前開門

「Auntie ，依個叫十方，係我朋友嚟，好可靠，如果我有咩事唔係到，你都可以搵佢」我為洛兒媽介紹

十方點頭打招呼

「象山都比你清得幾乾淨」十方說

「來來回回，差唔多啦」我說

「轉埋武器添喎」十方看著我的鎚斧，雙眼像發光一樣

「沿路順手執」我笑說

「你依把好野嚟！靈器！同我把畫龍戟有得比」感覺十方的口水都快滴下來

「返去比你玩下佢啦！返去先啦」我說

「好！咁返去啦」

「好」

剛剛才被十方說我清得乾淨的象山，不知從何處又冒出了大量的殭屍，我們幾經艱辛終於來到中庭

「捉實我！」我看著洛兒媽

「十方！」然後回頭叫十方

「得！」

十方作出手印，成功將我們帶回無極門，終於.....

洛兒一早已在準備迎接我們，看到母親後馬上飛撲緊抱著她

「媽！好彩你冇事咋！」洛兒眼泛淚光

「傻女，冇事仲喊咩啊」洛兒媽為洛兒擦去眼淚

我們安排好房間安頓好她們母女倆後，就聚集一起商議接下來該怎麼應對

「我同你地一齊去」多休息了一兩天，英叔的情況經已轉好一點，但還是手腳還是會抖

「英叔...你聽話啦，留係到，睇住洛兒同佢啊媽」我搭著英叔的肩膀

「你地兩個仲後生！可能一去冇回㗎！依啲野交比我依啲老野啦」英叔激動的說

「就係因為我地後生，我地先要去，你地前半生搏鬥咗咁耐，依家係時候到我地啦」十方加入說服英叔

「但係...」英叔正想開口

「啊英，你聽佢地講啦，我地兩個老野就留係到幫手睇住無極門」天玄叔一說，英叔也沒再反駁

於是，拯救九叔的任務就落在我和十方身上

「烈，你洗唔洗休息一下先？」十方問我

「唔洗，爭取時間，依家出發都得，不過比我補給返啲符先」我說

「好，咁半個鐘後出發」十方也回房準備

英叔走到我身邊

「烈仔，我由你眼神睇得出，你成個人唔同曬，應該借到法啦」英叔雙手搭著我肩膀

「嗯！借到啦」我點頭

「咁啊九就交比你啦，但應承我，一定平返嚟！」英叔的眼慢慢變紅

「得！我應承你！」我拍拍英叔

「好」英叔點頭，笑說

「烈，行得」十方已準備好出發

「好」

「英叔、天玄叔，咁我地行啦」

出發！！

根據天玄叔的情報，九叔被困在上水的一間工廠，我和十方上網搜查一下後，這一間工廠是一間名為段氏集團旗下的工廠

又係姓段呢條仆街

段狗

好耐之前，其中一集嘅內容：

段天上下打量著男人，心裏思考著可能性

「好！合作愉快」段天伸出手，男人亦伸出手

誰會猜到一次握手，會將世界推近滅亡

「你叫咩名？」段天問他

「我叫張天」他露出一個意味深長的笑容

依個叫法幾好！

個世界仲未夠亂？

就係合作先搞到咁亂

啊 … 原來係兩條仆街 …

依季主要嘅奸角就係佢地兩個

又儲文

一次過爽睇！

一次過剪郁爽

唔好咁啦

4個鐘

收咗啦

我渴望放工的心與月巴蕉兄同在

你都好快收工㗎啦！！

文啊 ！！！

我們一邊前行一邊繼續搜索資料，當然少不了斬殺沿路的殭屍

「段氏.....我記得啊航講過佢地對付過一隻叫段一凡嘅殭屍」我想起啊航的話

「我都記得佢講過有一隻叫段天嘅殭屍....」十方也說

「唔係掛...殭屍都有集團？」我疑惑

「我睇下佢仲有冇講咩」十方繼續滑著手機

「佢依到話，段氏集團創辦人叫段天...係一個突然出現嘅一個超級富豪，佢第一次出現係商業界就係用高價收購咗信和旗下嘅荃新天地，之後依個段天就一直係商界打滾，不斷以低價買入高價賣出的方法賺錢，佢嘅身家係幾年內以倍數咁上」

「一隻富豪殭屍.....仲要係商業奇才」我無奈地說

「唔止啊，佢仲要同啲高官好熟，經常一齊出出入入...」十方說

「高官...哈，香港真係玩撚完，狼狽為奸」我由無奈轉為冷笑

「香港不嬲都冇得救㗎啦，垃圾政府，殭屍危機爆發咁耐，一句都冇出過聲」十方有點憤怒

「算啦，靠自己啦」我說

「識唔識揸電單車？」十方突然問我

「我之前係台灣住，點會唔識」我笑說

然後十方就帶我到象山的停車場，電單車的泊車位

「點解你會有架車係到.....」我一臉疑惑的問

「咁總有啲地方係法術唔方便去嘅，同埋最重要電單車型！」十方自豪的看著自己那輛電單車

十方坐上電單車，我正上坐上後座時

「你做咩？！」他錯愕的看著我

「唔通我行去上水啊？」我也錯愕我看著他

「隔離個部啦！」他把車匙拋給我

「有兩部你唔早講！」我接過車匙

「咪問咗你識唔識揸囉！」

「點會估到你有兩部先得㗎！」

「上車啦！」十方帶上頭盔啟動引擎

轟轟轟轟

十方離開停車場，我跟在其後

這次路上沒遇上大問題，基本上都是一些低級殭屍和一些屍化道士，陳鯨不在，我並沒有收集精石，令我意外的是，十方居然也不知道有精石這回事

「你係邊到聽返嚟？」十方問我

「去救洛兒啊媽個陣，識咗條友，佢話我知」我說

「真係聽都未聽過，連師父都冇同我講過」十方感到新奇

「雖然條友話冇咩副作用，但係我見佢食多幾粒之後就成個人標曬冷汗，青筋暴現，同埋啲功力始終係人地嘅，所以我冇食到」

「依個時候唔好亂試野啦，上車啦，我地就到」十方把手上的精石拋走，然後就騎回電單車上

我們已進入了上水工廠區，周遭全都是工場，但這裏出奇地寧靜，附近一隻殭屍都沒有

「又會靜到咁」十方下車

「我估係有兇猛嘅野走曬係因為有更兇猛嘅野係到」我看著我們要去的那工廠

那工廠的樓頂站著無數的烏鴉，黑色一片，令人感到十分不安

「入去啦」我看著十方

十方點頭，我們二人深呼吸一口氣，握緊武器，步入工廠範圍

工廠內的環境跟我想差別頗大，我原本以為會是擺滿貨物的殘破貨倉，誰不知內裏竟是一條窄小的走廊，兩旁是一間的房間

「十方...我地有冇嚟錯地方...」我疑惑的問

又唔中

六合彩？