［殭屍/鬼怪/打鬥］《噬魂》我由古惑仔變左做現代道士 02

剪樓主唔洗咁大把啦

我返工得呢把

你地成日討論點剪我真係好咩

梗係好

《啊武視覺》


「玩到咁大？....」啊烈看着洞裏的環境，呆住了

「不得了，侏羅紀公園咁」我也同樣目不轉睛的看著

「估唔到無常異境會發展到咁」英叔沒有我們那麼驚訝

「咁依家點走？」我問英叔

英叔看一看周圍的環境

「右邊有個山洞比較空曠，行個邊啦」英叔指著右邊的山洞

「我地慢慢行，唔好咁大動靜」啊烈說

「啱，如果刺激到佢地，到時我地真係唔洗走」英叔看着遠方的龍，吞一吞口水

嗚！！！

一聲悲啼！

我們轉身看去，原來是一條蠕蟲用觸手把一條飛龍給纏住了，蠕蟲張開牠那五瓣嘴巴，把飛龍緊緊的包住了，任飛龍怎麼拍打翅膀，還是逃不出蠕蟲的魔抓，觸手愈纏愈緊，把飛龍也勒得變形了

嗚！！！

飛龍再次發出悲慘的叫聲，然後慢慢被蠕蟲拉到口中

但最意想不到的事情發生了，飛龍往蠕蟲的體內噴出熊熊火光，令蠕蟲都「亮了」起來，蠕蟲的身體冒出了濃濃的黑煙，看來內裏都熟透了

「飛龍...贏咗？」我問

「應該係啦」英叔點頭

原本我們都以為是飛龍勝出這場生死鬥，但反轉又再次出現了

蠕蟲在臨死把嘴巴緊緊合上，五瓣嘴巴上的尖牙全都刺在飛龍的身上，最後飛龍也是敵不過蠕蟲的牙齒，倒下了

戰事的結局是兩敗俱傷

「原來佢地都會自相殘殺」我

「唔出奇，依個世界一向都係弱肉強食」啊烈轉頭就走

蠕蟲和飛龍的屍體好快就被其他魔物給處理掉，不留一點痕跡

我們繼續走往右邊的山洞，在上次的烏鴉嘴後，這次我不敢再亂說話，安靜的跟著他們前行

時間慢慢過去，一開始步入山洞時還有一些微弱的光線，現在已漆黑伸手不見五指，英叔嘗試用法術製作鬼火球，但卻不成功

「可能受到無常異境嘅影響」英叔無奈的說

我們只能靠著摸住石壁前行，而且山洞內漸變潮濕，石壁也變得濕漉漉的

不知過了多久

「你地覺唔覺得越嚟越臭？」啊烈問

「覺啊， 我以為行得耐自己有幻覺咋」我回答

「臭得好唔尋常」英叔同樣嗅到

突然！有東西在我腳邊掠過！！

「有野撩我隻腳！」我跟他說

「自己嚇自己咋嘛」啊烈問我

那東西又一次掠過我腳邊！！！

「又有啦！真係有！」

我開始緊張起上來

「嘻嘻～」

突然有笑聲響起，而且是小朋友的笑聲，這種地方怎會有小朋友？！

「聽唔聽到？！」我緊張的問

「聽到！」啊烈回應

「嘻嘻～」又來了

「邊個！」我大叫

「哈哈～」

在這種地方有着小朋友的笑聲，不是說笑， 極度心寒

「唔好玩啦！邊個！」

「嘻嘻～呼～」

越來越東西在我腳邊掠過

「喂！越嚟越多喎！！！」說真的，我有點害怕

「我都感覺到！」

「跑！！」

於是我們三人在漆黑的山洞裏奔跑起來！！

是樓主條小jer jer!
嘻嘻嘻嘻嘻嘻嘻嘻嘻嘻

一啲都唔細㗎

好主觀

今日夜少少先有文

備剪

唔好啦

《啊武視覺》


哈哈哈哈！！！！

令人心寒笑聲還是跟隨著我們，腳步聲在擠迫的山洞裏迴盪著

腳步聲的回音令山洞更顯壓抑，我們不禁加快腳步

再跑一段路後

「前面好似有出口！！」

「唔理啦！照出去先講！」

但結果不是我們所想的，等著我們的不是出口，而是一個更大的山洞，追着我們的腳步和笑聲也在我們出來的時候停下了

「笑聲停咗」

「冇跟到出嚟」

這裏有着莫名的一點微光，的確比剛剛山洞裏光了一點，但還未至於能看清眼前的事物

我們實在太累了，不管太多，直接攤坐在地上，算起上來，我跟啊烈也勞碌了一整天，基本上整個人都快要散開了

「英叔啊，我地休息一陣先啦，好攰啊」我跟英叔說

「都好嘅，再咁跑落去都唔係辦法」英叔靠著石壁

「你地瞓陣，我睇住」啊烈同樣靠著石壁，將鐵鎚垂直放在地上，雙手放在柄上

「好，輪流瞓陣」說完後，英叔就閉上眼睛

「嗯」啊烈點頭，然後看著洞口，生怕剛剛發出笑聲的生物會衝出來

這晚，我們三人打算輪流睡覺，令大家都可以休息一下，但不知不覺，我們三人都睡著了

直至洞外有晨光映照進來，英叔先醒來

「天光啦」英叔拍醒我們二人

「咁快天光？」我朦朧醒來

「唉...好攰」啊烈站起來

「你地...過嚟睇下」英叔叫我們

「咩事啊」我走到昨晚我們進來的洞口前，呆住了

「做咩咁嘅樣....」啊烈看到洞內的環境後也呆住了


畫面轉到無極門

無極門內的戰鬥也維持了一整夜

「嗄.....仲有？！」十方雙手捉緊畫龍戟，雙腳已累得快要半下跪

門外再進來一隻控屍

「喂啊....玩完未啊」十方都快崩潰

「方..要信佢地好快返出嚟！」天玄叔已一早累垮在地上

「都冇得唔信啦！！」十方再次揮動畫龍戟，上前迎戰

雖說十方已累透了，但在畫龍戟的加持下，兩三下功夫就把控屍收拾了

「嗄...唔得啦..吊頸都要抖下氣」十方坐到地上

這時，又一隻控屍到來

「嗄....嗄...」已戰鬥一整晚的十方已沒力再站起來

天玄叔走到十方面前

「你休息一陣先」


無常異境內

站在洞口前我們發現洞內的石壁上全都是血液，沒有任何縫隙，地上更是佈滿了不知名的屍骸，支離破碎的

「原來....琴日幅石牆濕濕地係血...」我馬上看一看手掌，果然全都是乾掉的血跡

「仲有琴日啲笑聲...」啊烈說

「諗起都心寒..」我不禁打了一個冷震

「此地不宜久留，走啦」英叔轉身

我們馬上跟上

「依個地方好似比想像中恐怖...」啊烈說

「我都覺」我和應

「冇辦法，依家冇得返轉頭」英叔說「要相信自己好快搵到紅龍」

「英叔！你過嚟睇下」啊烈站在一石牆前

原來啊烈發現了一幅壁畫

「壁畫？！姐係依到有人？」我馬上四處張望

「如果真係有人嘅話，我地琴晚應該見到啦」英叔分析說

「咁係好耐之前畫嘅？」我問

「可能」啊烈點頭

壁畫的圖案大概就是

一群人、有傷害、轉地方、一個巨大的人

「邊個畫㗎呢」

「可能之前有人闖咗入嚟，嚟到依到之後畫嘅」

「咁我諗嗰個人應該都兇多吉少」我冷冷一句

我們再繼續前行，見到令我更震驚的事

眼前的景象，絕對比起昨天的蠕蟲大戰飛龍更為誇張....

「依個係人？」我目不轉睛的看著「他」

「係....」啊烈同樣看著「他」

「唔好行咁近」英叔攔一攔住我們

在我們面前的是，一個男人被多支不明物體在口中直穿身體，身體被撐得脹起來，應該是說，被撐得不似人形

好撚攰 又忙左成日

加油啊！依個時勢有工返已經好好

咁都剪？！我打氣喎

剪樹又唔係剪你

咁好啦慢慢剪

今晚又係要夜啲先有文唔好意思，出咗去