［殭屍/鬼怪/打鬥］《噬魂》我由古惑仔變左做現代道士 02

三碗細牛腩河 2021-01-28 19:41:05

Ching你掉太多錢落去啦 …

食蕉啦朋友 2021-01-28 20:02:24

買黎發下夢

月牙 2021-01-29 00:27:45

天玄叔轉身，一團紫紅色的氣攻向英叔和洛兒，英叔馬上擋在洛兒的面前

「呃.....」紫紅色的氣擊中英叔的後背，英叔嘴角滲出鮮血，洛兒扶住英叔

「英...英叔你點啊？」洛兒驚慌的問

「走...快啲同你媽一齊走！」英叔推開洛兒

「唔得啊，我地一齊走！」洛兒再拉動英叔，奈何根本不夠力

「走啦...再唔走就大家都唔洗走㗎啦，如果可以...帶埋𡃁仔走」英叔說

「點可以...掉低你一個」洛兒開始不知所措得哭起來

「佢講得啱啊！再唔走就邊個都冇得走㗎啦！」天玄叔再次使出紫紅的氣，擊打到英叔身上

「啊....」英叔趴倒在地

「英叔...」洛兒想再扶起英叔

「洛兒！你聽英叔話....英叔...會冇事，起啲帶埋媽咪同啊航匿埋先，無論聽到咩聲都唔好出嚟」

洛兒忍著淚帶同媽媽和啊航離開大廳

「萬天玄...過咗咁多年，終於比我出到嚟啦」天玄叔突然說著一些奇怪的話

「天玄叔你講咩啊？」英叔撐起問

「你叫我？我到底算唔算係萬天玄...定應該話我係佢嘅一部份會適合啲」他說

「其中一部分...雙重人格....」英叔無奈的說

「聰明！」天玄叔笑說

「係幾時嘅事...殭屍」英叔扶著一旁的桌子問

「你估無極門嘅人真係失蹤？全部都係比萬天玄殺曬！當年萬天玄不自量力想帶成班徒弟去消滅新型殭屍，但結果班徒弟都相繼變成殭屍，連佢自己都比殭屍所傷，佢用最後嘅意志殺曬自己嘅徒弟，仲想將屍毒逼出體外，但就造就咗我！」

「當年竟然係咁....」英叔落寞的說

「等你地仲當佢係英雄！萬天玄只不過係一個害死曬自己徒弟嘅千古罪人！」天玄叔說

「係！佢係有錯！但佢做過嘅好事遠遠多過佢做錯嘅事！」英叔激動的說

「就係你依啲愚蠢嘅崇拜害死萬天玄，如果冇你地，佢就唔會覺得自己有咁高嘅能力，佢就唔會去送死」

「你亂講，天玄會咁做係因為佢覺得咁樣做係啱！比著係我都會咁做！」英叔說

「可惜你永遠都冇咁嘅能力！」天玄叔突然一個衝刺，去到英叔面前

英叔被天玄叔的速度嚇到，天玄叔一手捉住英叔的頭，把他掉向無極門歷代掌門的神主牌處

「仲有依班死咗嘅老野，講到自己幾勁，到自己嘅弟子有事啦，佢地又做到咩」天玄叔一臉不屑的

「天玄叔....你醒下啦...」英叔滿口鮮血的

「冇用㗎，你點叫佢都唔會聽到，我可以成功出到嚟，就代表佢大限將至，萬天玄將會係依個世界消失，取而代之嘅就係我！」

「.....」英叔無語

「不過，今日唔係我對付你，慢慢享受啦」天玄冷笑一下後就離去

腳步聲緊接而來，一個熟悉的身影走入大門，英叔看過去，先是呆一呆，之後就苦笑起來

「哈哈哈....老天爺，你真係特別識得同我講笑....」英叔苦笑加慨嘆

因為從門外進來的.....就是被控鬼化的九叔，他身穿黑袍，戴著面罩，雙眼滲透著紅光

屍線從九叔背後出現，九叔隨即動手，走向英叔，英叔從凌亂的的神主枱上起來

「啊九！」英叔叫住九叔

但九叔卻好像充耳不聞，繼續攻擊著英叔，九叔閃到英叔的側邊，一手按著英叔的額頭，用腳將英叔掃倒在地，然後再往胸口踩上一腳

英叔及時用雙手擋住，捉住了九叔的腳

「啊九！！係我啊！！」

月牙 2021-01-29 00:28:19

都係加唔到更

唉