［殭屍/鬼怪/打鬥］《噬魂》我由古惑仔變左做現代道士 02

《旁白視覺》

幾經波折，英叔啊烈終於成功回到現世

「嗄....」英叔還未回氣

「武...」啊烈呆滯的跪在地上

看到只有他們二人，天玄叔臉上閃過一個詭異的笑容，眼珠亦有一刻閃出了光

「呃....我知你地好攰，不過介唔介意幫下手先？」此刻十方以隻身之力抵擋住四隻控屍

啊烈眼神充滿殺意，拿起鐵鎚，瞄準住其中一隻控屍的頭，一鎚揮下

咔咯！！

控屍馬上頭骨爆裂，倒在地上

「縮開！」啊烈叫

十方向後退數步，控屍本來跟十方在角力，十方突然退後，令牠們失去重心，向前一傾，啊烈握緊鐵鎚，劃出半圈

嘭！！

嘭！！

嘭！！

衝力令控屍的頸骨都折斷了，當然，在場的所有人都知道，他們不會那麼容易就死

十方上前補刀，拿著劃龍戟橫揮，在他們的心臟處劃上一刀

控屍都倒下了

「呼....終於都搞掂」十方坐在地上鬆一口氣

「嗯...」啊烈同樣坐到地上

十方再深呼吸多幾下後，拍一拍啊烈的肩膊，點一點頭，啊烈知道十方是在安慰自己，但他實在給不到反應，他看一看啊航，低下頭，眼淚默默的流下

「對唔住....係我唔能夠令你地安全返嚟」天玄叔一臉歉疚的走到啊烈面前

「唔緊要啦...已經唔緊啦」啊烈心死般的回答

「係我冇用就真....身邊..個個都出事」說完後，英叔便昏倒過去

「我扶英叔入去先」十方起來

「嗯...」天玄叔點點頭

「我都入去休息下」啊烈站起來，跟著十方的腳步

「洛兒，你想送啊航去醫院嘅話，我瞓醒陪你去，你應該都成晚冇瞓，休息下先」啊烈望向洛兒

「好啊...」洛兒點點頭，沒有多問

就這樣啊烈拖着疲累的身體進內休息，好快十方就回到大廳

「你洗唔洗入去休息下？」十方問洛兒

「唔洗啦，我想睇住肥仔」臉上滿佈睡意的洛兒拒絕休息

「其實點解佢叫肥仔，佢身形咁fit」十方不懂

「佢？佢初中個陣好鬼肥㗎，後來開始做運動先至變瘦咋嘛」洛兒說

「咁又真係睇唔出喎」十方看一看啊航

「我想問...佢係咪唔會醒？」洛兒問

「呃....唔一定，仲有方法嘅」洛兒的問題一針見血，令十方有點不知所措

「好...我明啦」洛兒低頭看著啊航

「我會努力去搵方法，只要破到佢身入面嘅邪氣，佢就會醒」天玄叔加入討論

「多謝你」洛兒強行逼出一點笑容

「師父，其實唔可以好似上次咁，試下用銅錢陣幫佢驅散啲邪氣」十方問

「冇用，上次已經證實張天嘅邪氣用普通嘅銅錢陣已經冇用」天玄叔搖頭

「......」十方無奈地看著昏迷中的啊航

「咁至少，我地要去救九叔啊」十方說

「放心，我一定會，我已經派咗幾個靈童探路，應該好快會有消息」天玄叔說

「好...」十方點點頭

「依兩日你地好好休息先，救人都需要體力」天玄叔拍一拍十方後就一拐一拐的走回房間

「依到有好多房，你睇多佢一陣都休息下啦，你都攰㗎啦」十方亦走了

剩下昏迷中的啊航和洛兒

「肥仔啊...你快啲起身啦，我等咗咁耐先見返你，你唔好掉低我」洛兒的淚悄悄流下

凌晨時份，房間中

啊烈抱腿坐在床上發呆，心裏怪責著自己，怪責自己的無能，無能力救啊航、無能力救啊武，甚至連自己父親的最後一面也沒有看到

啊烈雙拳握緊至掌心都出血了，眼裏充滿著仇恨

剪佢

今日要夜少少先有文

打緊打緊

《旁白視覺》

時間已到了兩天後

無極門依舊被一片愁雲慘霧籠罩着，眾人就算坐在同一張餐枱上吃飯也沒有人說話各吃各的

直至到...

「嗯.....我已經知道九仔係邊」天玄叔開口劃破了寂靜

餐桌上的眾人，眼光都放在天玄叔身上

「依家就睇你地打算點」

「係邊，我即刻去」英叔要用雙手幫助才能撐起自己，英叔的身體在無常異境已累跨，短時間內根本不可能再戰鬥

「英叔你依家咁樣，點去」啊烈直白的說

「我得」英叔眼堅定的看著大家

「英仔，唔好逞強，你身體應付唔到，去到反而會拖累佢地」這個時候天玄叔也不得不直白一點

「......」英叔說不上話

「我、啊烈同十方去就得啦」天玄叔再說

「咁...」英叔正想說話時

「就咁話啦英叔！交比我地啦」十方說

「睇住啊航」啊烈看著英叔

「....好」這理由，英叔不得不屈服

「師父，咁九叔比張帶咗去邊」十方問

「係上水一個工廠」天玄叔說

「又係上水工廠...」啊烈無奈地輕聲說

皆因他上次就是在上水一個工廠內險遭惡靈毒手

「咩話？」十方望向啊烈

「冇...冇野」啊烈說

「天玄叔，咁我地幾時出發」啊烈問

「聽日，今日大家好好休息下」天玄叔說

「洛兒，你返去先」啊烈望向洛兒

「下，但...」洛兒剛開口

「會有危險」啊烈眼神變得凌厲

「呃....咁好啦」洛兒也屈服了

這晚，大家都很早回到房間休息，啊烈負責送洛兒回去

他們打算由象山走路到石圍角，沿路走著，啊烈主動打開話題

「洛兒，其實你係咪中意返啊航？」啊烈問洛兒

「中意返？依幾年我冇一日唔掛住佢.....呃...好似太肉麻，唔好意思」洛兒全程苦笑的說

「唔緊要，你地兩個不嬲都係咁㗎啦」啊烈笑說

「邊有啊！」洛兒也笑了

「笑返就好，啊航都唔會想你苦瓜乾咁嘅面口」啊烈說

「我想問呢....啊航同夢晞識咗好耐？」洛兒問出心中的問題

「冇你咁耐」啊烈回答

「我夠知啦！！咁即係幾耐姐！」洛兒無奈的再問

「應該係大半年左右掛，我都唔係見返佢好耐，有一段長時間我地分散咗」啊烈說

「好似係，啊航BBQ個陣都有講」洛兒點點頭

「不過估唔到佢講嘅係真嘅姐」洛兒再補一句

「我第一次聽到個陣都唔信，但依家....依家先知依個世界有咁多可能性」啊烈的表情黯淡

「我到依家都覺得好唔真實...」洛兒說

「等陣」啊烈突然停步

「咩事啊？」洛兒問

「你有冇覺得好靜？」啊烈問她

「象山夜晚不嬲都好靜㗎啦，好正常啊」洛兒說

「唔係依隻靜，係冇乜人氣」啊烈說

經歷過一連串的事情，啊烈的觸角都變得敏銳

「人氣？....」洛兒不太懂

「個到有攤血跡，小心」啊烈看到路邊的血跡，警戒起來

洛兒自覺的站到啊烈身後

「有危險嘅氣息」

啊！！！

突然！！一男子從路邊跳出！！把他們嚇得後退兩步

「王....王迪？！」洛兒嚇到了

王迪面色變得蒼白，嘴裏長出了兩隻獠牙

「佢點解會變咗殭屍？！」啊烈問

學校的畫面在洛兒腦海閃過

「佢...佢前幾日比殭屍抓傷咗」洛兒說

「前幾日到依家....大撚鑊啦」啊烈浮現出一個不祥預兆

幾秒後，陰影裏多走出幾隻殭屍

「仆街，洛兒！返轉頭！！」啊烈帶著洛兒奔跑起來

「點解會咁嘅！！」洛兒問

「殭屍傳染性係幾何級數咁上！幾日....幾日已經世界大亂啦！」啊烈說

咁早啊食蕉兄

做野啦

+1啦我都開工啦

十方嘅結界我諗起結界師，好有個畫面

聽日又凍

實不相瞞，依個角色靈感都係咁嚟

聽日係好L凍啊

唔怪得咁有畫面好正

童年回憶嚟！

眼訓

起身會凍醒曬

想放假

射波！！！

不了 星期六都要返

星期五呢？

放假啦