［殭屍/鬼怪/打鬥］《噬魂》我由古惑仔變左做現代道士 02

「呃.....我都覺得係啊....但冇錯，係依到」十方再次確認地址

不過我都開始感覺周遭有著很強烈的屍氣，應該是這裏沒錯了

「咁....行啦」我說

「嗯」十方點頭

這裏那麼多房間，亦代表我們要一間一間房間打開，十分費時，我們向前行，去到第一間房，十方握著門把，我站在門前，互相點頭，開門

空房一間...原本以為是有什麼會彈出來

十方指一指下一間房間，我點頭，走到第二間房間，開門！

也是空的...

之後，第三、四、五......第八間都是空房

「呼.....會唔會真係唔係依到？」十方也顯得疑惑

「但依到真係好重屍氣」我說

「我都感覺到，但....」

突然！！

一個身材高大，肌肉發達，滿身紋身的粗獷男人撞穿了牆，抱住了十方撞到另一幅牆

「啊！！！」十方大叫並倒在地上

那粗獷男轉身看著我

「係你啦！就係你！」他看著我，表情極其猙獰

「我？我唔識你喎」我無奈地說

「啊！！」他向我衝來

我馬上跳起，腳撐後面的牆面，借力跳得更高，跨過了粗獷男，落地後我走到十方旁邊，把他扶起

「點？」我問他

「冇事」十方拍一拍自己的頭，在瓦礫中站起來

「條友玩撞穿牆」我冷笑的說

「高階殭屍....」十方從結界拿出畫龍戟戒備

看到十方那麼緊張，我也緊張一份，雙手緊握著鎚斧

「低等嘅人類」他憤怒的說

「低等？你要靠吸我地嘅血先生存到喎，邊個低等啲」我說

「收聲！」他站在原地揮拳，一團黑色的氣揮出，向我們攻來

「小心！」我們左右散開

「嘩！第一次見！」我驚訝的說

「佢係完全殭屍」十方震驚

「識啲野喎𡃁仔」粗獷男看著十方笑說

「完全殭屍？」我不懂

「都話你低等」粗獷男鄙視的看我

不知為何，感覺他是衝著我來的

「比殭屍咬或者搲傷的確會變殭屍，但能力係遠遠低過真正殭屍，亦都會一代比一代差，而要成為真正嘅殭屍，係要飲一滴傳播者嘅血」十方解釋

「傳播者？」我問

「即係我咬你，你要飲一滴我嘅血先可以轉化成完全殭屍」

「原來仲有咁嘅事.....」殭屍世界真是什麼怪事都有

粗獷男再次揮拳，我們衝前左右夾攻，黑氣在空中盤旋，我們要邊躲開邊前行

「淨係識得避！都唔知媚娘睇中你啲咩」他雙手都揮舞著黑氣

「媚娘.....上次個女人」我輕聲的自言自語

「你冇資格講佢個名！」粗獷男的神經好像被我觸動到

他以極快速度向我衝來，我躲避不及，只能用雙手護在面前，但我預計錯誤了，他身材比我高大得多，一隻手掌就捉住我的頭，想將我撞到牆上，我馬上向後舉起鎚斧，頂住牆身，然後提起雙腳，撐在他身上

但他用另隻手燃起黑氣，一拳打在我肚皮上，這一拳絕不會比頭撞牆好，我痛得瑟縮在地上

十方馬上上前營救，用畫龍戟橫攔在粗獷男面前

「要打同我打」十方一臉冷酷

「唔知死！」粗獷男伸手想捉住十方

十方用畫龍戟撥開他的手，再刺進了粗獷男的肩膀，穿過了整個身體

「哈！！上古靈器，用係你身上簡直係大材小用！」粗獷男像是沒痛楚一樣，不痛不癢的將畫龍戟在身體裏拔出

十方馬上再刺擊，每招都瞄準著心臟，但都被粗獷男一一擋住了，十方停下攻擊

站在原地深深吸一口氣

「已經攰啦？」粗獷男帶點恥笑的問十方

十方轉換了握戟的手法，眼神也不同了

咔！

畫龍戟的手握位置彈出了刺針，抽著十方的血，畫龍戟馬上滲出紅光並且震動起來

「居然驅動到靈器，又比我想像中有料喎」粗獷男蹺起雙手

幾時先出我把專武 就算唔係最勁
起碼都係件神器啦

有文

鉸剪好難喎

有咩難 可以變大變細 變型都用到咪得

我好耐之前有諗過不過好似好柒

琴日冇，今日一定出

交比你諗掂佢

諗下啦

一係鉸剪變大拆兩邊 做雙刀咁

我就係咁諗！！我係一套動漫見過

唔變大個陣要黎插人剪人

唔好剪人啦唔型啊

剪你

一啲都唔型

幾時復活埋夢晞
台豬唔唔知驚

其實大家中意夢晞定葉靈多啲

實用咪得

全都要

咁貪心？

有冇諗過把剪有隻女器靈
樓豬唔出文就會剪

我唔作出回應