［殭屍/鬼怪/打鬥］《噬魂》我由古惑仔變左做現代道士 02

明明仲有洛兒

第一下！斬失了，他輕輕側身便躲開了

第二下！也斬失了，他向後一個筋斗避開了斬擊，更在我下巴踢上一腳

「其實本應你地唔關事，但你地偏偏要痴埋北門派嘅死剩種到，咁我就冇辦法」張天搖頭

「我唔理你同九叔佢地有咩恩怨，但你傷害到我身邊嘅人，就要付出代價！！」

「睇下點」張天笑說

我再次衝刺，舉起斧頭，打算從頭頂斬下去，奇怪的是這次張天沒有躲避，還面帶笑容

但不管了，加重力氣！斬下去！

當爬山斧斬到貼緊頭頂時，停下了，不是我想停下，而是我的身體不能動彈，像失去了控制能力一樣，我定神一看才發現，我身上佈滿了藍色的線，是屍線！！

屍線是從張天的十隻手指頭發出，他每手指一下，我的身體就跟著動一下，真的十足傀儡人偶一樣，無謂我腦袋怎控制身體去動都動不了，整個像鎖死了一樣

「冇用㗎，你點都唔會郁到」張天自信的笑著

「既然你咁好打，就變成我嘅傀儡啦！哈哈哈哈！！」

屍線在我身上蔓延，從我的四肢一直纏繞到頸上

「航！！」

啊武啊烈衝來，左右包圍著張天，其後九叔英叔從正面衝來，張天左手控制住我，用屍線把我升起，右手迎戰

先是啊烈，啊烈揮動沉重的鐵槌，但鐵槌還未揮到一半已被張天的屍線纏住，再將他推開

啊武趁張天分神，一個衝拳，成功打在張天的臉上，但張天好像毫無反應

一秒後，只見他中拳的地方發出藍光，他奸笑一下，一掌打在啊武的胸口，把啊武打得往後翻了幾個筋斗

「嘩...咳咳咳，佢啲掌咁重嘅」啊武拾回重心後說

「佢係擅長八卦掌」英叔說

同樣擅於拳腳功夫的英叔收起了弓，上前跟他過招

英叔上而下一個劈掌，打向張天的頸，張天提手擋住，再順著英叔的手推掌，英叔馬上用另一手護在胸前

成功擋住了張天的掌，然後捉住他的手，拉！將張天拉向自己，借勢批踭，這招就算批踭的力氣不大，單靠把他拉近自己的那股衝力，也有一定的傷害力

但張天也不是省油的燈，他當然知道英叔的想法，他被拉得踏前一步後，就把重心拉低，順勢蹲下，做出一個類似前壓腿的動作，避開了英叔的踭擊

然後張天轉動自己的重心，踢出掃堂腿，，英叔跳起躲避

「英叔好似同佢打成平手」啊武說

英叔跟張天打得激烈，九叔他們根本無從入手，只好在旁觀看

「唔係，張天淨係用一隻手」九叔說

「姐係英叔會輸？」啊烈問

「未知」九叔正專心的看著戰況

英叔跟張天的戰鬥還在繼續

張天將手蹺着英叔的手踭到肩胛，這反關節的招式箝制住英叔的動作，張天將英叔壓低，同時起膝，瞄準著英叔的臉

英叔借勢向前一個空翻，成功避過膝撞同時也擺脫了箝制

「師兄，到底點解你會做咗傀儡師」英叔停下戰鬥

「點解？咁不如問下點解當年師父唔救我！」張天憤恨的說

「當年發生咗咩事？」九叔問

「當年佢同師父一齊出去對付傀儡師，但佢冇返到嚟」英叔回答

「我只係受重傷暈咗，但佢完全冇諗過救我」張天憤恨的說

「師父點會唔救你，冇可能！」九叔在後說

「你憑咩講野，係現場咩？！」張天看著九叔

「做師父嘅點會唔救個徒弟」九叔說

「咁你係佢師父，你救唔救佢？」張天笑說，再看一看我

你永遠都咁快手睇到有文

等住剪你

忙到仆街 收工

依家返咩啊？

安全佬

他的手指動一動，我身上的屍線亮起藍光，繼續向我的頭蔓延

「啊！！！！」被升在半空的我痛苦大叫，雙眼開始反白，青筋暴現

躲藏了一會的洛兒此時跑出了操場

「肥仔！！」剛好看到我這樣的她，緊張得大叫

「你想點？」九叔問張天

「用你嚟換，睇下你係咪真係咁偉大」張天奸笑

「好，我同佢換，你放咗佢」九叔點頭

「九！」英叔緊張的說

九叔提一提手示意英叔不要阻止他

「嘩！好感人嘅師徒戲碼啊～」張天帶點變態的笑著

「唔好講咁多，放咗佢先」九叔走近張天

「等陣～放低你兩把劍先」張天分出屍線纏着了九叔的武器

「好」九叔鬆開手，將武器放下

英叔本想趁張天專注力集中在九叔身上時突襲，但正想行動時就失敗了

「你唔好亂郁啊，你一郁我唔知佢會點㗎」張天奸笑說

我身上的屍線閃爍著

「你老味....」英叔無奈

「好好睇住佢地」九叔看一眼英叔

「九....」

張天用屍線纏住九叔，慢慢伸延到全身

「九叔！！」啊武在後叫

「呃......」屍線已把九叔整個人包住了

「哈哈哈哈！我係守信用嘅人！比返你地」

張天把我掉走，屍線鬆開，我在地上拖行，直撞到牆上

我已失去意識，癱倒在地

「我地好快會再見～哈哈哈哈！」張天帶著九叔走了

但走到一半，突然回頭

「臨走再比啲禮物你地」這次真的走了，走時他手指動了幾下

「𡃁妹！睇住𡃁仔！」英叔望向洛兒

「好！」洛兒跑到我旁邊

「我地追！！」英叔跑向張天走的方向

啊武啊烈跟上

但當他們才跑上兩步，就有兩隻不知是控鬼還是控屍的身影擋住了

「仆街...」被擋路的英叔無奈

英叔拿出一疊符紙，飛往他們，一陣爆破聲響起，火花四濺

但作用並不大，他們拉下黑袍，露出獠牙

「就係依啲！成為控鬼嘅殭屍！」啊武說

「理得佢係咩，嗱嗱臨搞掂佢」英叔拿出弓箭

挽弓！發射！

控屍彎腰避開，用手接住了箭，往回擲，期間英叔已衝向控屍，看到箭飛回來，他跳起，在半空翻騰，避開了箭，更借勢起腳踢在其中一隻控屍的頭上

落地！一記掃堂腿！把面前的控屍掃跌了

「你地搞掂依隻」英叔衝向另一隻控屍

啊武啊烈聽到後便圍住倒下了的控屍，不知是不是緊張的緣故，英叔的動作比起平時更流暢更狠

二話不說，控屍又被英叔扭斷了頸，英叔騎上控屍的肩上，再踩上，用力扯住他的腮骨

咔咯！！

整顆頭連頸骨都被英叔扯出，然後把頭掉在地上，再向後一個空翻，落地時把頭踩碎了

過於心急的英叔忘記要把心臟也破壞就轉身想追，被扯掉頭顱的控屍還未死透，他從後捉住英叔，阻礙了英叔的行動

英叔不斷向後批踭，但並不奏效，最後英叔在箭袋拿出箭，往自己肩膀插去

在旁的啊烈啊武呆了

原來是英叔知道控屍比自己高，自己肩膀的位置就大約是他心臟的位置

果然，箭穿過了控屍的心臟，化灰了

而啊武啊烈這邊，在啊烈的輔助下啊武壓住了控屍

「喂！」英叔再在箭袋拿出一支箭，拋給啊烈

「縮！」啊烈接過箭後大叫

啊武縮開，啊烈將箭準確無誤的插進了心臟處，兩隻控屍都被解決了，英叔反手在後背拔出箭，當英叔他們跑出去時，張天經已一早跑遠，不知所蹤

「屌！！」英叔仰天大叫

你收工有文睇

咁早出文 似係要加更啦

就嚟可以㗎啦，依幾日加速打緊文

忙左成個星期 飛機都唔得閒打

咁大鑊

好似又冇成個星期既

一定冇嘅

新讀者live
樓主，我立即！屌你老母！
你寫死夢晞咁以後邊個煮飯？叫洛兒老母過嚟煮囉，好冇？
呀！！！！！！好嬲呀！！！！！

唔需要嬲架
你拎把較剪就得

破山斧斬佢jj喂喪屍

啲方法愈嚟愈殘忍啦

彊屍表示： 唔含肥撚 ！

「咁依家點？」啊烈問英叔

「返去先講」英叔說出九叔常說的話

回到學校時，發現洛兒抱著我瑟縮在一角，他們緊馬上上前

「洛兒，做咩事啊？」啊武問

「啱啱你地衝咗出去之後，又有幾個黑袍人嚟咗....」洛兒慌張的說

「咁你有冇受傷？」英叔問，相信其中一個原因是因為控屍也是殭屍，被殭屍弄傷很有可能變殭屍

「冇..佢地淨係..」

「執走曬所有屍走」啊烈搶先說

所有屍體是包括夢晞以及其他被控屍拋下樓的同學們

「係啊....」洛兒點頭

「執走啲屍做咩呢...」啊武疑惑

「應該得一個可能」啊烈說

「控鬼.....」

坐在洛兒雙手未離開過失去意識的我

「𡃁仔點啊？」英叔蹲下，看看我的情況

「有呼吸，不過好弱」洛兒說

「武，孭佢返去先」英叔叫啊武背起我

「返去？唔係應該送佢去醫院咩？」洛兒疑惑的問

「咁去到醫院點講？比人用法術攻擊，整暈咗？」英叔心情不好，平時的輕鬆幽默都收起了

洛兒也不懂回應，所以就沒有再問

「咁我可唔可以跟你地返去？」洛兒問

「嗯」英叔點頭

之後，啊武把同學們在地牢帶回地面，把所有同學安置好後，叮囑他們千萬不要將今晚的事情說出去

「始終有人死咗，點算」啊武的神情也沒了平時的輕浮

「我打比陳一，叫佢搞掂」啊烈說

「好」英叔點頭

啊烈拿出電話，終於有回信號

「喂，陳一」

「點啊」

「有啲野要你幫手」

「下，幫咩先？」

「我間中學，出咗事，有人死咗，但啲屍唔見曬」

「你殺人？係好嚴重嘅罪行！幫唔到你，另外，我會通緝你」

「唔係我殺，係上次貨倉個味野」

「.....又嚟？」

「大鑊過上次好多，我有兩個朋友都出咗事，所以想你幫我冚一冚啲消息，唔好比單野揚出去」

「.....點知你係咪呃我」

「唔信就算」

啊烈掛斷電話

「你做咩收線？！」啊武驚訝的問

「放心，以佢份人，佢會做野㗎啦」啊烈說

「咁返去啦」英叔走向大門，背影十分沉重

在回去的過程中，大家都變得沉默，籠罩着哀愁的氣氛，直至啊武開口劃破這寂靜

「咁我地之後要點做？.....」

「烈仔，有冇諗法？」英叔問啊烈

「返去叫十方帶我地去拉天玄叔，睇下啊航點先，之後再諗辦法搵張天出嚟，救返九叔」啊烈說

「好，同我諗嘅差唔多」英叔拿出電話

「喂，死𡃁仔，十分鐘後嚟接我地，出咗事」

「得，十分鐘後見」十方聽到出事了也沒多問

「啊武，我地要去邊啊？」洛兒問

「呃.....有啲難解釋，啊烈你答！」

「我地會去搵人幫手，但會用一個比較特別嘅方法去，可能會嚇親你」啊烈解釋

另一邊廂，同學們帶著歡喜回到學校聚會卻要帶着驚恐和遺憾離開....

他們結伴離開學校，由於是凌晨時分，道路上基本上沒有其他行人，所以他們也稍稍作出討論

「Miss Chan啊..啱啱...到底真定假」

「我都覺得好唔真實....」

「啊航佢地搏曬命嚟救我地，你話真定假？」

「咁又係....但佢女朋友好似...」

「係啊...最後一個跌落嚟嗰個」

「邊有人會估到發生啲咁嘅事」

「最估唔到佢地三個竟然會對付依啲野」

「男班長你話係咪」

王迪全程低下頭，沒說話

「王迪，做咩啊？驚親唔舒服啊？」其中一個同學上前慰問

王迪的身體抽動一下，把頭打側，慢慢抬起頭，黑色的眼珠不見了，只剩下純白的眼球，更露出兩隻尖尖的撩牙

「嘩！！走啊」

「Miss Chan快啲走！」

「啊！！！」

殺戮正無止境的蔓延開去....

唔好呀，呀航個心好撚痛啦，唔好要佢同夢晞打ok?

我腦海仲有好想法未諗到用邊個