岩岩check到中鼻竇癌（你問我答）#2

MK、我今日見腫瘤科醫生，驗组織结果出左，話係腎癌番發轉移到鼻，要食標靶藥，2個星期一萬，如果加免疫治療就一個月六萬，我就食標靶先，再申請支助。😭

好貴呀，如果我都類似咁，基本上我必定放棄

醫生話報左社工找我、應該審查批就二至三星期批倒、不過唔知審查上限資產幾多先批、我先食兩星期先試試有乜副作用先。
-

而家撒馬利亞基金可以分期付款買藥
屋企經濟如何？
有乜事上蘋果日報眾籌

今日交文件给社工，都唔知批唔批，我的強積金己拿出來，都唔知幾多資產先批。

社工姑娘話食8個月藥，藥費十八萬附近，應該自資萬五元附近，其他應該都資助倒，係關愛基金，萬伍元我的醫保都claim倒。

標靶藥資肋批了，自己出多一仟元附近攪掂。食左幾日無乜反應。

祝福
希望聽到你個瘤細左的消息

你地幾個都要加油.....我希望好多年後可以係呢個post見到你地仍然健健康康咁留言

mk如果磁力共振结果出左，無擴散其他地方，應該肯做手術和治療好番機會好大，如果不做，電療、化療又無乜用、免疫治療和標靶又貴，都不知點算，我估醫生都會叫你做手術多，你過幾日都應該要見醫生，睇吓點做算，還後生珍惜生命。想清楚？

其實如果保倒隻眼做手術傷口好番都應該唔會好難看，同醫生商量下點樣可以保隻眼最緊要。

MK巴 最近見點

前幾日去完聖保碌照ct同mri
個姑娘講野幾好笑幾得意
我之前已經照過，所以知D流程，但佢照簡單講我知
我話未照過mri，佢又慢慢解釋，話部機勁共勁共，叫我唔好驚
最近還可以掛，都係食緊中藥，每日生食蒜
呢2日塊面左邊個瘤位，有D紅，唔知叫唔叫紅疹，又唔痛唔痕
其實都係正正常常生活咁無乜特別
活得幾開心

訓棺材咁 訓咗落牀 唔好開眼

最緊要就係正常生活
唔好諗太多

㨂唔落正評定負評
自己人生自己㨂
祝君安好

無睇晒post，我爸都有過鼻烟癌，好彩係唔駛咁大手術，都醫到半條人命。前幾年又差啲中風，之後睇咗個支那中醫

Ok 廢柴唔知點放tg link，不如巴打放

你比個名我，我加你就ok

巴打加油
我只係有情緒病 幾年前已經成日會想自殺咁啦
但係見到你地咁樂觀 我都要努力咁過好每一日
希望呢個post可以開到100 1000

Btw 樓主家下有無諗住做手術果d?

由頭到尾都冇

我覺得做人一定要樂觀
唔係話要好積極咁樣面對任何問題
係個人面對任何問題嘅時候，都盡量開心同放鬆去面對
遇到挫折後，你可以唔開心，但一定要盡快放返低唔開心嘅心情
喺香港就一定個個都難捱，捱得辛唔辛苦可能大家冇得揀，但選擇乜嘢心態去捱係我地仲可以揀
我都有朋友有抑鬱，又係自殺嗰啲問題
咁個個人遇到嘅問題都唔同，我唔可以話佢決定啱定錯
但我都希望嗰啲朋友樂觀啲面對任何問題
冇必要去尋死，因為好多時佢哋都會諗埋一邊
或者淨係需要一個人去開解佢哋