岩岩check到中鼻竇癌（你問我答）#2

巴打第幾期
祝福你
好難做決定

明白你心情

同你差唔多大，中過急性白血病，之後淋巴癌3期，暫叫康復中，但我感覺到我都唔會有好耐，生死有命，咩決定都好，唔好比自己留低遺憾

我成日諗，要我死但同我講仲有時間，可以做想做嘅嘢，係就係早d，都已經比好多人好，起碼可以有個準備，嘆下又好，同朋友真正盡情咁玩，食好食嘅野、買想買嘅野(平時唔捨得洗嘅錢)，已經比好多人勞碌一生，茶記凍飲$3都要慳唔捨得嘅人，但突然有意外而離開嘅人幸福百倍

但最後我有機會都會一試，那怕醫生話得30%，我都要去，因為我已經冇遺憾

除非醫生宣布再冇任何野可以做，咁我就會好好安排自己最後嘅’大事’

我不怕戰敗，我怕不戰而敗

我廿歲頭發現有基因病，外國案例可以試換骨髓，但失敗，最後仲引發急性白血病，再換骨髓成功，之後隔左年幾有淋巴癌，我諗都係基因問題多

3期係已擴散

可能道高一尺，魔高一丈
一個問題被解決，但亦有可能衍生出多一個問題

坦白講，如果係肺癌胃癌大腸癌呢D，我都會努力去醫
但呢個係頭部，我真係接受唔到.....

明白每個人接受程度唔同

與其痛苦活著，不如享受最後一刻崔燦

希望奇蹟會出現喺巴打身上
加油

X光只係 two dimensions，好受角度影響，唔可能幾日就差咁遠。

我都覺得樓主要問清楚所謂毀容係去到乜嘢程度，整形手術又可以幫到幾多。有冇呢方面較先進國家如韓國、美國。

另一方面都要問醫生估計手術加後續醫療成功 (如5年存活率)機會有幾大，再作取捨。

工作就將來再算，搵啲唔使對人嘅工種。

巴打你星期五睇完醫生
希望你會聽到好消息
聽埋先決定
我希望咁大件事好好同父母商量下

點都好，絲打都會陪著你走

如果要毀容入棺材無得留個最好印象俾心愛的人
係慘過死

加油呀巴打!!

巴打你兩個post 我追晒，
發現你唔做手術嘅意志堅定咗。

你唔止一次強調如果係其他部位嘅癌症，你都會盡力去醫。但係鼻竇癌，要切除左眼同毁容，所以令你卻步。

睇得出你唔怕皮肉之苦，但接受唔到以後無晒生活質素。生理同心理密不可分，假如你完全無動力去挑戰呢個手術，我讚成你用最舒服嘅方式去過埋剩下嘅日子。

希望你唔好誤會，我唔係建議你「放棄自己」。
盡力完成心願，無遺憾，有尊嚴咁走，先唔係「放棄自己」。

樓上有人問咩叫「尊嚴」。
响MK 巴嘅角度嚟講，就係唔想咁後生就毁容，唔想受歧視眼光。就算醫返好，都要面對住漫長嘅後遺症等等。 我個人覺得呢d係 MK巴嘅尊嚴。

支持你，祝福你。

唔做=仲可以享受幾年時間（估算）

得罪講句
幾年<<你係預幾年後死? 定有幾年quality life?
如果你如幾年後死, 咁你有quality life既時間不多
癌上哂腦的話, 根本頭痛到孖啡止痛都無用
根住你可能會唔認得人, 零治理能力etc...

我預呢半年至一年
咁如果做手術時，佢已經發現上腦呢？
咁我到時求生不得，求死不能

其實有無諗過去瑞士安樂死?

如果預半年至一年
俾我會唔做
睇下有無得電細少少個瘤
等有quality of life, 通常電療副作用細好多
之後再差落去就安樂死算(預番要廿幾萬)

點解要咁多$死？

安樂死唔係話想死就死到
要好多評估
但如果你有日要行到這步眾籌俾你安樂死
我會支持的
自殺要好大勇氣，燒炭死的人屍首腐爛得好快
無一種自殺方式係完美

我媽都係鼻竇癌先50歲
醫生都唔知咩原因點解有
發現個時已經第4期 醫生話做手術都無用
因為擴散左好多地方
所以要靠電療化療
電療完真係有縮細個鼻粒腫瘤
化療副作用好大 但係過左之後
個人精神左 食到野
建議巴打電療化療左先決定做唔做手術

我其實發現左2個原因可能有關
就係木製傢私
我2-3年前淘寶訂過一樣木製產品，其實都唔算屬於傢私
只係我用完一次後一直放係我房，可能同甲醛有關
另外都係2-3年前，我淘過一支清潔牆身噴霧，噴房牆身
我只係諗到可能同呢2樣野有關係可能令我吸入中招
如果唔係就係呢大半年個3萬隻做既後果

但可能我差D，因為我已經入侵左眼

你聽日問下醫生係咪關事