岩岩check到中鼻竇癌（你問我答）#2

你嘅生命好寶貴
唔好咁易放棄
諗吓身邊愛你嘅人
諗吓呢半世人一路走來嘅經歷
關關難過關關過
加油！

香港都幾多地方唔錯架

支持你
無乜獨特意見可以比你
希望你加油，唔好覺得孤獨

連登有愛

五個月都好多啦，
夠時間同fd講88
我無問眼科個面係第幾期
不過自己有數得計，所以做手術對我黎講真係無好處...
我反而好想知，由初期到依家後期，其實需時太約幾耐
因為如果係1-2年時間，咁就真係關呢大半年野事
但如果3-4年先養成咁，咁可能就同我飲食習慣有關
我其實都拖左好耐，明白既

好想樓主好翻

唔可以幫你決定 但我明白你

點解會惡化得咁快？

between, 加油，希望有奇蹟

只能夠尊重你所有決定雖然每個朋友都唔想無咗你

有同事中過胃癌，佢都話照X光片見到一點變成銀仔size只係幾日嘅事

樓主
無論點 尊重你決定

樓主，
雖然我真人唔識你，
不過都好替你難過，你只係後生過我少少。

我唔知你有無宗教信仰，如果無既話希望你可以考慮下返下教會認識下福音，當了解和認信後，我地將來天家再見。

人在地上的生命很短暫，死後在天堂的才是永恒。

我尊重你的如果你有其他宗教信仰或無興趣返咁可以當我無講過。

你好，透過朋友談天得知佢哋睇到連登上面呢件事，特意來想同你講兩句。無法想像你依家面對既問題，當下心情如何，仲有你身邊其他煩擾的事情。無論你做咩決定，最終面對結果既係你自己，請謹慎考慮之餘，最想問你一句當下你想做咩？就去做啦！無論你最終決定係咩。可能有啲人會講，開開心心過埋佢，但係生活最終都係你自己面對！呢到講嘢，你或許得到慰籍，講支持、安慰說話，我相信各位都會願意！
作為一個沒有這種經歷既人，當然會認為世界充滿希望，或許會有奇蹟，但係作為當事人，正經歷人生最黑暗時期，當中既痛苦真係得你自己最明白。你嘗試望望身邊關心你既人，或許過去有不愉快經歷，面對人生重大難關、黑暗，可以有身邊人陪伴，或許會令你有唔同想法😊抱歉！不能幫你做決定，確實不忍你後來要痛苦承受其他人幫你做決定既後果！

樓主
唔知可以講咩，anyway, 支持

其實我鼻塞一路都覺得唔明顯
最主要係個鼻歪，所以先去睇
咁你見過我應該都明白點解我唔會做手術
雖然唔係靚仔，但都算係五官端正掛
但係已經將我見客份工收皮
仲要冇一隻眼

可以轉做call center啊...其實好多銀行都仲請緊...入左先再claim員工醫療啦…

如果你真係相關醫護
希望你望下自己註冊個本code of ethics

你係醫生？
坦白講，我好多謝你哋添
本身我以為係鼻咽癌可能3-4期
只係個預期比我想像中更差
但係都好多謝你地咁快幫我搵咗個原因出嚟
仲話俾我聽仲有幾耐時間到
上面仲有個姑娘同我講仲有5個月
但我自己預再差D ，3-4個月都已經好多
淨係呢樣對我來講已經好好
俾我不幸嘅人更多，可能一個意外連講再見機會都冇
如果嚟緊覆診講嘅結果，同我而家想像嘅都係差唔多
咁我就會堅持自己選擇
當然我覺得而家情況都係惡化緊
所以做唔做我覺得情況都係差唔多
我對我人生都冇乜遺憾嘅
其實我暫時嘅心情都仲係幾好
不過好似好多朋友都接受唔到咁
可能我咁耐以來已經預咗係唔過40-50歲
只係而家再早少少，但我都接受到
我亦都有幫自己計
就算今次好返，唔會復發，休2年
但我覺得嚟緊嘅5-10年我都會因為內臟嘅問題而入院
因為我本身已經係一個好唔健康嘅人

題外話
我覺得你哋醫生真係好犀利，少D IQ都唔得
可能面對嘅係好多都係長者
我見到有個眼科醫生同一個女人做檢查
佢問個女人睇唔睇到呢邊個點嘅時候
叫佢個頭唔好郁，叫佢答睇到定睇唔到
之後個女人係都要郁個頭過去睇
佢仲要加多句（咁我唔另個頭過去點樣睇呀）
之後個醫生燥燥地同佢講，咁點同你測試？
個女人個心態好似係覺得睇唔到就會扣分
我當時睇到真係好想笑忍得好辛苦
如果係我嘅話應該即場發脾氣唔Q睇佢
再串多佢一句咁你去邊度都睇到啦，個頭周圍另咪得囉

醫生唔係做半日仙
life expectancy 係一個gross assumption
現實有好多末期癌症 接受治療之後有好多本來預期壽命好短但係都過咗幾年仲存在緊

早一排先喺YouTube見到有個人話佢末期胃癌醫生話佢得返幾個月但係佢而家已經過咗好幾年咁樣
咁當然係生活上要有好多嘅調整
你唔會同一個冇患過癌病嘅人生活一樣

咁當然現實入面都有好多例如唔想切除乳房所以選擇唔去醫乳癌嘅人
你有自由選擇既權利
其實你覺得值得同願意就無咩問題
最重要係日子過得有意義同開心就ok

利申而家工作既地方做high dose chemo
見過有唔少人其實個病嘅prognosis 唔好
重劑量嘅化療都係搏一搏
其實個治療嘅過程係一定會好辛苦
所以唔需要上網靠其他人嘅正負皮左右自己
你自己諗清楚左就OK

好想再強調 係你自己 點樣諗

加油

其實咁都唔好咁講
我覺得如果你真係跟足程序
咁當然唔可以鼓勵病人去死
但係企係病人嘅立場，就完全係兩回事
如果你同我講做完手術，原來我唔係盲咗一隻眼
係盲咗兩隻，你仲鼓勵我生存落去？
可能你會覺得我仲有手有腳OK
但係其實我嘅立場已經係摧毁咗我一世
你仲要我生存其實喺度虐待緊我
更何況醫院有更多半身不遂嘅病人呢
只係我嘅情況我會好多謝佢咁樣同我講仲有幾耐
而唔係同我講你仲有1%機會生存，所以你應該努力落去

你個情況我覺得完全冇問題
如果我本身中咗肺癌胃癌大腸癌
我諗我會努力去醫，就算係第三期
但係而家嘅情況就完全相反，係面部同眼