呢部漫畫真係稱得上鬥智(賭博)漫畫嘅顛峰,
從迷宮篇開始直入主線,
場場賭局不失水準之餘仲十分精彩;
分境中伏筆百出,
尤其係詭計多端嘅鐵塔篇同變化莫測嘅Air Poker篇。
而其中加插暴力同命定論的深刻見解,轉折稱得上自然流𣈱,敍事方式如蜜蜂的隱喻同角色臨死嘅抽象意境都係別出心裁。
男主角貘同配角梶、馬高嘅人物塑造好成功,奸角如革命家、捨隈悟同拉羅亦都係各有性格同野心,另外仲有各有特色嘅主持人同硬佬伽羅,之間嘅互動同關係亦都係非常有趣。
不過可惜嘅係:
1.結尾雖然唔算爛,但可以再elaborate多啲
2.早期畫功差,要靠劇情托住,但後期可以話靚到痴線
3.打鬥方面早期較亂,但後期就一氣呵成同靚好多;雖然唔係戰鬥漫,但係戰力體系唔清晰