《香港傭兵》(47)

1001 回覆

13 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-06-04 12:33:00

各位早晨

單吊西 2020-06-04 18:07:46

收工等文

飛揚 2020-06-04 18:12:56

都準時收工啦

飛揚 2020-06-04 19:00:31

上回講到飛揚佢哋收到強迫委託。
委託內容係要滅絕西貢獻命！
邊個咁大仇口？原來係國安局！
而今次嘅報酬係得到西貢獻命嘅紋身越多越分得多Sil！
而且唔止飛揚佢哋...仲有好多好多好多SPIRIT嘅行者參與！
呢種玩法...明明就係搜獵...
竟然...會有呢種方式...
綽姿第一時間就通知茵婷留喺屋企！唔好八卦！
使用精神液之時，飛揚同綽姿都好似有針吉入腦咁...
做咩呢？點解又會咁...
羅羅提議分兩Team去搜獵～鬥多咁話～
綽姿都話好～不過就要飛揚跟佢～因為飛揚係綽姿嘅隨行者吖嘛～
羅羅就梗係想霸住飛揚哥哥㗎啦～
日倫企喺羅羅同綽姿中間：「好喇好喇...再唔快啲就真係俾人獵殺晒㗎喇...就跟解瓦咁分啦。」
“砰砰！砰！砰！”出面嘅槍聲此起彼落...
羅羅谷到就快噴紅色粒子：「哼...瓦解話事囉～」
又會咁...順攤？
仲以為羅羅會...死纏爛打...
飛揚唔係話失落...只係以為羅羅同綽姿總係貼錯門神咁...總係鍾意乜都鬥一餐...
又估唔到...今次唔鬥姐...
或者真係時間緊迫...
或者...或者...或者係...
跟住嘅劇情發展又會係點呢？

準備出文

飛揚 2020-06-04 19:01:03

日倫就一邊拉高衫領...笠起頂帽...一邊行近窗邊...打開隻窗：「咁好啦...行動。」

日倫向窗外一跳...羅羅同綽姿都拉高衫領...笠起頂帽跟上...

我都不敢怠慢...立即拉高衫領...笠起頂帽向窗外一跳...

我哋四個就由六樓俯衝落地面...

喺馬路旁邊嘅行人路著地...羅羅就立即拉住日倫跑向警署方向：「唔准跟住嚟㗎！」

望住羅羅同日倫嘅背影越跑越遠...

飛揚 2020-06-04 19:01:49

『我哋應該去邊？』望望四周...

“砰砰！砰砰！”槍聲都好遠...

「我...冇西貢獻命情報...」綽姿擰擰頭...

『咁樣...』邊度會多啲西貢獻命嘅人...

「呢啲都係調查型行者會比較清楚...唔怪之得...嗰個妖邪今次咁順攤...」綽姿好似恍然大悟...

如果單單喺街上搵西貢獻命嘅人嚟殺...唔夠多...

飛揚 2020-06-04 19:02:27

「佢一早就諗住可以借助黑影嘅情報...可惡...果然詭計多端...」

應該要...喺邊度落手...

「睇嚟要上情報庫買...」

應該要...搵到第一個...

「之但係...而家上情報庫買...一定變得好貴...」

邊度可以搵到第一個...十字路...我望住...十字路口...

飛揚 2020-06-04 19:03:18

「就算貴都要...」

正當綽姿想拎部電話出嚟...我撳一撳住佢隻手...

綽姿冇再打算拎部電話出嚟...只係企定定望住我...

我就望住十字路口方向行...行出馬路...一步一步...向住十字路口方向行...

綽姿就喺行人路上跟住我...慢慢行...同我保持一段距離...比我行得慢...

我就一步一步...一步一步...行到去十字路口嘅中間...企定...

企定定...企定定喺十字路口嘅正中心...聽一聽...留心聽一聽...

飛揚 2020-06-04 19:04:07

“砰砰！砰砰砰！”我聽到遠處有唔少槍聲...

“砰！砰砰！吱～砰砰！吱！”仲夾雜住...引擎聲...

“吱～砰！吱！砰砰！吱...”係由電發動嘅引擎聲...

我望住新墟方向...馬路嘅盡頭...一個彎位...剛好就有一架白色輕型貨車轉出嚟...

係...西貢獻命嘅輕型貨車...

“依！吱！”白色輕型貨車一轉彎出嚟...立即加速...

飛揚 2020-06-04 19:05:48

已經以高速衝咗一段距離...喺呢個距離...佢一定見到我企正喺馬路中心...

“吱！吱～”冇任何減速...冇任何偏移...直衝埋我身處嘅位置...

係想...直接撞向我嘛？

好...

我微微彎前個人...前後腳...左手放喺腰間嘅精神刀柄上...對向住㗎白色輕型貨車...

“吱～”白色輕型貨車向住我勢凶夾狼咁衝埋嚟...

飛揚 2020-06-04 19:07:03

我望住白色輕型貨車越嚟越近...越駛越近...

就喺接近到...就只有兩架私家車嘅距離...肯定想兜口兜面撞埋嚟...我用力踏前一步...就以極速衝向白色輕型貨車...

好快...超快...只係一瞬間就差唔多閃到埋去白色輕型貨車身邊...

我就喺架白色輕型貨車嘅右邊車身使出居合拔刀氣刃斬...紅光刀刃亦隨即亮出...

“嗡！吱！！！”紅光刀刃將白色嘅輕型貨車右邊車身連車轆打橫斬開...

擦住咁斬過之後...“嗡！”我一個轉身...就望住架白色輕型貨車失控咁...橫瞓喺路面上...滑行住咁鏟埋石壆...

飛揚 2020-06-04 19:08:08

“砰啪！”撞埋石壆停定後...並冇發生爆炸...

可能係電動嘅關係...乜都好...冇爆到就最好...

我手持住發出紅光刀刃嘅精神刀...一步一步...一步一步向住瞓喺路面上嘅白色輕型貨車行近...

行近多幾步...仲有成個路口加一段距離...白色輕型貨車嘅車門就打開...

然後...就有三...四個西貢獻命嘅光頭佬爬出車廂...

四個西貢獻命光頭佬都手持長槍...一仆一碌咁由輕型貨車跌落地上...左搖右擺...腳軟軟咁企返起身...

飛揚 2020-06-04 19:09:05

四個西貢獻命嘅光頭佬站穩陣腳後...都同時用長槍指住我...

“砰砰砰！砰！砰！砰！”子彈就向住我飛埋嚟...

我望住一粒又一粒子彈...緩慢咁飛埋嚟我身邊...我面前...

好幾粒都唔係好準...向住身邊飛過...

我輕輕一避...一閃...已經避開幾粒...

然後又有十幾粒向住我面前飛埋嚟...

我就一邊Keep住向前行...一邊輕輕揮動精神刀...

“嗡嗡！嗡嗡嗡！”將飛埋嚟嘅子彈逐一擋住...

飛揚 2020-06-04 19:09:59

不停揮動精神刀...子彈一接觸到紅光刀刃...立即化成輕煙...

一路向前行...向住四個正向我亂槍掃射嘅西貢獻命光頭佬接近...一路揮動精神刀...

“嗡嗡嗡！嗡嗡！嗡嗡嗡！”紅光刀影閃過不停...

一粒又一粒子彈一接觸到紅光刀刃...都立即化成輕煙...

然後...差唔多...接近到差唔多距離...我冇再等佢哋再向我亂槍掃射...

我用力踏前一步...瞬間就閃到去企得最前嘅西貢獻命光頭佬面前...

飛揚 2020-06-04 19:11:08

我立即揮動手中嘅精神刀...

“嗡！嗡嗡嗡！嗡嗡！嗡！”先將西貢獻命光頭佬手上嘅長槍斬開幾件...再隨即喺佢身上斬兩刀...接住一刀橫斬落佢條頸...

頭顱隨即飛到上空中轉兩個圈...

“啪...啪啪...”人體殘骸就散落地上...

然後個頭顱都未跌落地...我就立即閃過去另外兩個西貢獻命面前...

“嗡嗡！嗡嗡嗡！嗡嗡！嗡嗡！”再將兩個西貢獻命光頭佬手上嘅長槍斬開幾件...隨即喺佢哋身上各斬兩刀...接住一刀橫斬落佢哋條頸...

飛揚 2020-06-04 19:12:12

兩個頭顱隨即飛到上空中轉兩個圈...

“啪...啪啪...”人體殘骸就散落地上...

就喺呢個時候...

「喂！你咁斬斷條頸...個紋身咪唔完整囉...」綽姿喺我身後遠處嗌過嚟...

咁樣斬斷條頸...個紋身唔...完整...

我望住仲有一個西貢獻命光頭佬...

個西貢獻命光頭佬手震震咁拎住支長槍指住我...腳軟軟咁向後退兩步：「唔好...唔好...放過我...求求你...放過我...」

飛揚 2020-06-04 19:13:12

我向住個西貢獻命光頭佬行過去...再行近兩步...

「唔好...唔好呀！！！」西貢獻命光頭佬向我亂槍掃射...

“砰砰砰！”子彈向住我飛埋嚟...

“嗡嗡嗡！”我揮動手中嘅精神刀刃...擋幾十粒子彈後再向住西貢獻命光頭佬嘅面頰橫刀一斬...

“嗡！”西貢獻命光頭佬嘅半個頭顱就飛到半空中...

「吖...吖...」西貢獻命光頭佬向前一趴...

“咚...”半個頭顱就跌到落地上...

我回頭望住綽姿：『咁樣得喇掛...』

飛揚 2020-06-04 19:14:54

今晚出完