《香港傭兵》(47)

上回講到飛揚同日倫邊食邊討論，真係要快啲入返去先得。
連日倫都要入去特殊區？
日倫話放咗啲精神液喺特殊區裡面，唔入去都唔得。
羅羅打嚟，話綽姿醒咗喇！
日倫同飛揚立即趕返去。
飛揚Call返黃生車，四周都越嚟越多黑色裝束嘅男男女女。
係SPIRIT嘅行者？大家都係等緊返入去特殊區？
而喺馬路旁邊等車期間，都有唔少黑色裝束嘅男男女女坐Call車入嚟。
等多一陣，飛揚離遠就見到黃生架白色七人車。
當架白色七人車駛到嚟飛揚同日倫面前...停喺佢哋身邊...有著住黑色衣著嘅兩女一男落車...
飛揚同日倫等到嗰兩女一男落完車就上車...
「喂～都幾快喎～」黃生由倒後鏡望一望飛揚同日倫～閂返埋車門～
『係吖...喺呢邊食咗個飯之後...有個朋友叫我哋過去搵佢...』飛揚就同日倫扣好安全帶...
「哦～係吖？喂呢邊真係幾好生意㗎喎～就係啱啱咋嘛～啱啱呢段時間，我都喺荃灣同青衣兜咗幾轉～單單都係過嚟深井～睇嚟好多人入特殊區喎～」黃生見飛揚同日倫都扣好安全帶後...
『係吖...咁你都搵得唔少啦...』真係識得做生意...
「OK咁啦～仲多咗唔少行家過嚟搵食添～」就俾一俾油，轉個靚彎～
只係少少空檔...都要走幾轉...
跟住嘅劇情發展又會係點呢？



準備出文

今晚出完