羅羅點點頭:「當我見到你俾CNA000試作型一刀刺入胸口將你舉起...再一嘢掉落地...碌咗兩個圈趴喺地上...冇幾耐就連畫面都冇埋!我就第一時間趕過嚟!」
『畫面...』冇埋?
日倫點點頭:「嗯...其實喺你用SB1炸CNA000試作型嘅時候,跟住你哋過去嗰三部Drone都同時被炸毀...好彩我早喺你哋入咗個大貨倉之時,立即飛多三部去你哋嗰邊...不過唔知點解...突然失去能源...」
『失去能源?』即係...冇電?
日倫又點點頭:「嗯...我都唔知點解...明明係滿晒能源咁飛過去...但由羅羅拎返嚟之後再三檢查...裡面嘅能源真係冇晒...係連少少都冇...真係好奇怪...」