《香港傭兵》(47)

1001 回覆

13 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

單吊西 2020-05-27 18:53:12

原來係你個柒頭

諗住影學生妹，點知有意外收穫

飛揚 2020-05-27 19:00:03

咁嗰三個學生妹正唔正呢

飛揚 2020-05-27 19:00:15

上回講到飛揚又諗起片翼呢個大人物。
因為飛揚已經見識過片翼嘅綠光一閃！
日倫估唔到飛揚見過，仲以為係神化片翼嘅傳聞。
而飛揚都講埋片翼綠光一閃後進入深層睡眠，由一尾帶走。
咁講法成件事就應該係恐怖落Order！
因為一尾從來冇人見過！傳聞就只會喺恐怖身邊，幫佢辦事！
而片翼一直都喺附近觀察，最後仲以綠光一閃毀滅CNA000試作型！
日倫點點頭：「嗯...我推測就係咁...片翼係最大可能...佢同我哋一樣潛入過軍工廠...而且可以喺千鈞一髮之間更新任務...我諗除咗佢之外...都係得恐怖同一尾...但重點都係CNA000試作型殘骸上嘅綠色粒子...」
果然...唔提出嘅話...日倫都未必會講出口...
果然...每個人都仲係有所隱瞞...
羅羅都諗一諗：「咁講法...喺你哋深層睡眠之時...片翼就以綠色精神化之下...瞬間毀滅CNA000試作型...真係一瞬間...我已經好快咁趕到嚟...之但係...只係見到你哋兩個瞓喺地上...仲有CNA000試作型殘毀...見唔到...亦感覺唔到片翼嘅氣息...但又奇怪...你話佢一閃之後...佢身上就冇晒紅色粒子...亦冇綠色粒子...乜能量都冇晒咁...好似進入咗深層睡眠咁...咁佢係點離開㗎呢？」
片翼係...點離開？
跟住嘅劇情發展又會係點呢？

準備出文

飛揚 2020-05-27 19:00:53

假如真係片翼...

佢會好似上次咁...一閃後...突然進入深層睡眠？

假如真係...

日倫諗一諗：「可能又係一尾帶佢走呢...」

係一尾...

日倫繼續講：「假如所有嘢都係由恐怖安排...再指派一尾去帶走片翼都唔出奇。」

冇錯...假如所有嘢都係由恐怖安排...我哋SPIRIT嘅唯一最高決策人...獨裁者...

風鈴 2020-05-27 19:01:09

斷

飛揚 2020-05-27 19:02:29

咁講法...上一次...要消滅所有變節行者嘅強迫委託...都係由恐怖指派片翼發出？

有必要？

雖然變節嘅都包括先行者級數...

之但係...真係事無大小都會親力親為？

唔好話親唔親自郁手...就係關注都好唔得閒...

所以話...獨裁都真係唔容易...

飛揚 2020-05-27 19:03:40

羅羅咬住唇咁諗一諗：「嗯...或者都真係...可以喺咁短時間...毀滅CNA000試作型後離開...乾淨俐落...」

一尾...同片翼...

究竟佢哋兩個有幾厲害？

淨係片翼嘅話...已經見過佢出手唔止一次...但羅羅都話未係最盡...

咁一尾呢？

佢哋兩個嘅實力...究竟會有幾恐怖...

恐怖...會比佢哋兩個加埋...更加恐怖...

飛揚 2020-05-27 19:05:05

日倫打量住我同綽姿：「咁究竟點解你哋兩個都會突然進入深層睡眠？」

『我...我都唔清楚...只係好似平時咁囉...又突然進入深層睡眠...但係綽姿呢？』我打量住綽姿...

綽姿木無表情擰擰頭...

『咁日倫呢？』我打量住日倫，『最後嘅畫面有影到啲咩嘛？』

「最後...」日倫拎拎部電話，「就係得呢啲...」

喺我哋之間播出一段立體投射全息影片...係影住我俾CNA000試作型一刀刺入胸口將我舉起...再一嘢掉落地...碌咗兩個圈趴喺地上...然後...閃一閃...畫面再閃多兩閃...黑晒...

飛揚 2020-05-27 19:05:43

『就係得咁多...』就正如頭先羅羅所講...

「嗯...」日倫點點頭，「就係得咁多。」

『之後羅羅就趕過嚟...見到我哋都進入深層睡眠...』其實...有啲嘢...

「嗯...」日倫同羅羅都點點頭...

『咁即係話...綽姿都係同我差唔多時間...』我係冇講到...

「嗯...」日倫同羅羅再點點頭...

就係...藍色粒子...

飛揚 2020-05-27 19:06:43

我冇講到出嚟...就喺我趴喺地上望...望望四周...望望火海一片嘅四周...尋找綽姿嘅位置...

綽姿...企咗喺...火海之中...

我望到...綽姿嘅身影企喺火海之中...身上並冇任何紅色粒子...只有黑...黑...藍...藍...

突然...綽姿嘅黑色身影上...有一點點...一粒粒...藍色...藍色粒子...

藍色粒子...逐漸...逐漸...越嚟越多...喺綽姿身上...全身上上下下...越嚟越多藍色粒子...飄浮...飄浮...

包圍住綽姿嘅火焰...慢慢減弱...慢慢熄滅...可以再睇得清楚啲...綽姿身上...藍色...藍色嘅...粒子...

飛揚 2020-05-27 19:08:03

突然...大量藍色粒子由綽姿身上爆出...佢手上嘅精神刀柄隨即亮出...藍光刀刃...

我仲記得...我記得好清楚...喺我進入深層睡眠前一刻...

冇錯...我的確有所隱瞞...

正如頭所講...每個人都仲係有所隱瞞...

藍色嘅粒子...點解會...喺綽姿身上...

日倫諗一諗：「綜合所得嘅資料...我哋同解放軍合作...之但係片翼調查到佢哋得到我哋唔想俾佢哋得到嘅技術...就派咗綽姿去破壞及殺短白髮男人...然後再派我哋去破壞兵工廠...而解放軍喺西貢遺址被破壞後就預咗我哋會去破壞兵工廠...所以就借我哋嚟測試CNA000試作型...佢哋真係研究成功...雖然最後應該都係由片翼毀滅CNA000試作型...」

飛揚 2020-05-27 19:08:58

『佢哋已經掌握到呢方面嘅技術...就算毀滅CNA000試作型...就算破壞咗兵工廠...佢哋都總可以再整過...再起過...繼續研究...生產...』當一種科技...技術被掌握後...要量產就唔難...

「嗯...」日倫點點頭，「雖然係...但...都要一段時間...或者...同我哋嘅關係破裂後...唔會咁順利...」

同我哋嘅關係...破裂後...

日倫擰擰頭：「點都好...有樣嘢可以肯定嘅...就係我哋同解放軍已經反咗面...仲要唔係個別...係恐怖決定...今次真係麻煩...」

『嗯？』我唔明...唔明點解係恐怖決定就麻煩...

唔係恐怖決定嘅話就冇咁麻煩？

飛揚 2020-05-27 19:10:45

日倫眉頭一皺：「SPIRIT好耐都冇試過有重大方針...對上嗰次...應該就係偏重中共...主要接受警察...解放軍仲有國安局嘅委託...估唔到...今次就係同解放軍反面...話唔定...話唔定好快就到警察同國安局...唔係...應該話就算中央冇指示...警察都唔會敢同我哋有瓜葛...嗰班狗嘅臭覺最靈敏...」

班狗嘅臭覺...

就算收唔到風...都一定聞到有異味...

日倫眉頭再皺得緊啲：「而家都係睇國安局班人...」

國安局...

日倫繼續皺住眉：「國安局同解放軍話就話都係幫阿爺辦事...之但係...各懷鬼胎...」

各懷鬼胎...

日倫再諗一諗：「喺呢段時間...究竟佢哋會有咩動作呢？」

國安局...喺呢段時間...趁住我哋SPIRIT同解放軍反面...會有咩動作？

飛揚 2020-05-27 19:11:15

今晚出完