《香港傭兵》(47)

斷

“沙 沙 沙”我哋四個就喺鋪咗唔少碎沙石嘅路邊行...

行多幾步...再行多兩步...離遠望住班手持長槍...Full Gear嘅解放軍士兵...

我哋四個都一直好平常咁...行到去差唔多小巴站...好似平時行過警察路障咁...向住解放軍嘅路障行過去...

“沙 沙 沙”離遠望住由特殊區出入深井嘅解放軍路障...解放軍嘅軍車...企喺度駐守嘅解放軍士兵...再望一望過去...停泊喺路障前面...林雪架紅Van...

真係好...啱啱好有車...

泊得喺度嘅話...即係未滿客...仲喺度等緊客...係唔知夠唔夠位姐...

照咁睇...真係...真係要入去嘅都差唔多入晒...我哋...應該就係最後一批...

就算唔係最後一批...都應該過咗頭一批人潮...

“沙 沙 沙”我哋四個就Keep住步速...好平常咁行過去...行到去路障前...突然...

「停！」一個駐守喺路障前...手持長槍...Full Gear嘅解放軍士兵截停我哋！

搞咩吖...而家先嚟截查？唔係吖化...

日倫立即帶住微笑，指住林雪架紅Van：「兵大哥～我們都住在特殊區...想回家...趕不上...又要等了...」

解放軍士兵揮揮手：「已經禁止出入！」

已經禁止出入？！又會咁快...

日倫摸摸頭：「麻煩兵大哥通容一下...通容一下...」

「都說了禁止出入！」解放軍士兵用長槍指指我哋，「走！走呀！」

真係煩麻...又會喺呢個時候...

「走呀！不要逗留在這裡！」

點好呢...身上又冇精神液...

「立即離開！」

就喺呢個時候...我見到林雪落咗車...行緊過嚟：「兵大哥...兵大哥...就讓他們四個過來吧...我車上還有空位呢...」

第一次聽林雪講普通話...仲要一粒粗口都冇爆到...

另一個解放軍士兵立即用槍指住林雪：「不要過來！走！立即離開！別好管閒事！」

林雪行前多兩步就企喺度：「屌你老臭化閪吖...好撚聲好鳩氣都唔柒得㗎喎...」

又變返爛口嘅林雪...

「說甚麼？！」解放軍士兵再用槍指兩指林雪，「要說就說國語！」

點好呢...而家應該點好呢...

「國你老母乳癌就有你老母個臭閪份呀！」

解放軍唔俾我哋過...我哋返唔到入去...

「你他媽的說甚麼？！沒有文化的港燦！」

身上又冇精神液...就只有...匕首...

「我屌你老母屌得好撚High呀戇撚鳩鳩！用支砲指指指...好鳩威呀？！你咁樣係唔會令到我驚㗎！」

匕首...對手只係解放軍...就算只係得匕首...都綽綽有餘...

就喺我正打算由大髀拔出匕首之時...

我感覺到...有人由背後行近...

“沙 沙 沙”我仲聽到...喺碎沙石上行緊嘅腳步聲...

當腳步聲越嚟越接近...差唔到行到嚟身邊之時...

「讓他們過！」一把嚴肅嘅男人聲...

我回頭一望...就望到一個大約五十歲... 左邊面仲有一條刀疤...著晒軍服...胸前勁多章嘅軍人...

係...解放軍嘅屠總司令...

「係！總司令！」在場嘅所有解放軍士兵都立即肅立！向屠總司令敬禮！

估唔到...屠總司令呢啲咁大粒嘅人物...都會走咗嚟前線...

我以為淨係識得匿埋喺基地入面...藏頭露尾咁用立體投射影像指手劃腳...

企到咁出唔怕死咩？

屠總司令行到嚟我面前，狗眼看人低咁打量住我：「咪即管入去囉...咁想死唔通唔俾你死咩...」

嚇鬼吖...大笨象...

屠總司令再噴多兩啖口水：「唔怕話埋俾你哋聽...過兩日我就成隊軍隊鏟入去！鏟平你哋！你哋咪入去囉...入去等死啦...」

『多謝喎...屠總司令...』我冇再理佢咁多...頭也不回咁望住路障入口行過去...

羅羅、日倫同綽姿就跟喺我身後...同我一齊喺幾個解放軍士兵面前行過...行過路障...行到嚟林雪面前...

正如頭先林雪所講...咁樣係唔會令到我驚㗎...

今晚出完

三句預告

[Day 23－殺戮特區] PART 09

跟喺林雪身後...向住紅Van行多兩步...

日倫向住林雪背脊講：「頭先唔該晒喎。」

可能飛揚就係令三合出現嘅關鍵

見到林雪諗起之前國足個訪問

問啲人點睇國足（嗰陣好似比人炒）

個肥佬用廣東話屌到仆街

記者聽唔明叫佢用普通話

即刻話踢得好好呀

已經將[Day 23－殺戮特區] PART 08 Upload上Facebook同紙言

今晚慢咗啲喎

越嚟越接近真相

林雪嘅特色嚟㗎嘛

大致定大至

通融定通容
煩麻定麻煩

係咪漏咗個母字

謝校對

再謝校對

再再謝校對

說好的最後校對中呢

我校對咗幾次都仲係有錯字㗎
所以都係靠大家多多幫手改正

月月罵得你好啱