[腳痛勝景美食團]用12日獨遊關西 (山陰‧琴平‧天橋立‧京阪)

hx好似未cut岡山 冇肺炎的話

btw 如果要跟樓主個plan玩
我會揀uo廣島入 搭500yen巴士直去松江
行理係機場宅急便寄去大阪酒店

不過uo廣島唔係每日都有

如果係我就應該去KIX
之後玩陣大阪/即刻去難波搭1000yen巴士鳥取
之後開岡山山陰Pass玩4日
最後1日就係松江搭500yen去廣島
之後開廣島山口Pass玩5日
最後博多，FUK走
1000+1000+4580+500+11200
20000yen交通費包哂你玩10日

咁你咪冇晒關西果堆
不過fuk走真係好選擇

HX岡山入米子走定反轉都好正，希望佢唔好執
本來今年想岡山入大阪走去四國，無啦無啦

癡漢








岡山都正

一般嚟講ぶっかけ高湯濃過かけ，唔論材料的話個湯（汁？）濃味程度係かけ、ぶっかけ、醤油咁遞增

同埋香川縣由高松落到觀音寺個かけ大部分都係沙甸魚煮干為主嘅高湯（東邊唔知，未發掘），鰹節高湯係關西食法
所以都唔撚明香港某間所謂讚岐烏冬係邊度學返嚟嘅！黃店都要屌佢咪撚教壞人啦！！！
樓豬冇去上原屋咩？栗林公園隔籬

香川真係周圍都係烏冬，我之前去連續四日都有烏冬：上原屋、鶴丸、小豆島渡輪、長田in香の香。長田in香の香令我印象最深刻，只係一碗無任何配料既清烏冬，但好味到不得了，最簡單反而最好味

上次去十間得一間係聽到廣東話，可能淡季

最好味嗰間得醬油熱／凍烏冬

大師對烏冬好有研究
好耐之前去過はなまる食ぶっかけ覺得鹹同唔太好食
所以有陰影以後食烏冬就剩係食かけ

上原屋我都諗住去，但係就唔到時間
驚太遲去到會等太耐去唔切景點

之後沿著河邊行去琴電琴平站
沿途都係民居就唔影相了

琴電呢間私鐵2005年已經全線可以用IC Card
不過2018年先正式連網去日本交通IC Card聯盟
相反JR四國規模大咁多，2012年先開始導入
當年剩係高松同坂出2個站
但應該俾啲遊客屌到開花之後
今年3月又多左幾個站有IC Card機導入
包括琴平站，栗林公園北口站同栗林站
終於唔駛下下禁飛仔


琴電琴平係琴電琴平線既總站
架車到左先俾入閘




架車都係印住金刀比羅宮既標誌




車上面大部分都係老人家
但都算多人既


全程就算係勁多平交道同單線
但車速都係極快
1個鐘唔駛就到栗林公園站
睇個站名就知我係去栗林公園


落車轉左直行10分鐘就到栗林公園正門
好多香港人同埋隔離国同胞




因為陣間係北口走
所以而家行左門口轉右既物產館先
個人覺得多野買過高松站嗰邊
不過買得返去既野都係得烏冬


而家時間係中午12點
個天都係暗暗地
等我行完先落啦唔該
可能天氣預報話會落雨，冇乜人行
但係間唔中都係聽到幾句濃烈口音既蝗語



栗林公園都係一個造出黎既園景
以西面既紫雲山做靠山
之後山下開僻湖同種樹
用左300年就形成而家睇到既樣
佢係日本咁多個特別名勝庭園最大既一個
而且同足立美術館一樣獲得過米芝蓮綠色指南三星評價





栗林公園既icon就係南湖既偃月橋
呢個位特別多人
因為成個園最靚係呢個位





隔離有個山仔可以俾你影落去條橋
不過夏天睇庭園就有唔好處就係周圍太綠
如果秋天有楓葉/有多啲唔同既野襯下會好啲

香港都冇得食，唯有google食譜自己買料煲湯
一福個湯聲稱用煮干同鯖節但係仲未整到佢凍湯都有嘅煙燻味，唔知係買嘅鯖節唔得定係要溝鰹節

頭先條橋係園東南面
我今次係北口走，係園既西北面
姐係要行成1公里


呢個出口好靜，周圍都係住宅
但佢隔離就係JR栗林公園北口站
一落車就直接係JR高松站



不過呢程關西廣域Pass都係唔包
而且當時又未有IC Card機
所以都係要禁飛仔
2個站210yen都幾貴
琴電去高松都係190yen



呢個站係細站，所有特急都會飛站
就好似呢架うずしお咁


普通車就係呢啲
JR四國真係好撚窮
非繁忙時間1個鐘1班


終於番到現代文明世界
又可以用番張Pass番本州
當時係瀨戶內國際藝術祭
但因為plan唔掂點樣1日盡量行哂小豆島+附近幾個島
所以都係留番下次四國深度遊去




番到岡山先2點幾，未到食飯時間
去左倉敷行多陣街
北口個鐘樓原來搭正會有音樂+有野彈出黎
不過已經feel到雨粉，好彩走得快


Ario有個超大又冇乜人既美食廣場
可以坐係度hea


本旅程特別推介飲品
Kirin Lemon / Kirin Lemon Zero
以前飲開茶
但係呢次旅程氣溫往往超過30度
飲啲甜野+有氣既野既會舒服好多
之後嗰幾日都係keep住買黎飲


放學放工時間搭車好多人
於是就搭やくも番岡山
貪佢唔停站10分就到又唔駛同人迫
Pass客搭短途特急既特權

中華そば こびき [Tabelog評分：3.59]
好不容易先等到佢6點開門
間野係Day 1住嗰間酒店既後面2條街，都幾易搵
入面得8個位，全bar枱望住師父整野
我去到既時候已經有對老夫婦排我前面
所以應該都幾多人知
間野menu好簡單，湯底得煮干し同濃厚味噌
入門口嗰陣係食券機俾錢，交張飛俾師父就坐低等
睇住師父整拉麵真係無上既享受




味玉濃厚味噌ラーメン [並盛] (780yen)
點解叫呢個？因為對老夫婦都係食呢個
因為驚濃厚得滯所以叫並就算
叫大盛唔駛加錢，好抵食

就咁睇圖都聞到碗野好香
講到明濃厚，湯底係濃到掛碗
飲到底味有煮干し，但加左味噌令佢更濃
望落碗野好似好油，但食落唔覺
油+味噌冇令到個湯好滯，反而飲落好滑口
可能有粟米同芽菜令到個湯清甜左
食食下覺得個湯應該落左啲香辛料
食完個身暖哂

麵就係佢自製既，望落好似幼少少既油麵
實際上好掛湯好爽口，食落好香麥味

味玉蛋係半流心，賣相味道滿分
叉燒用低溫慢煮，有豬同雞叉燒
舊雞叉燒我仲以為係麵筋吸湯
2隻都好滑有肉汁好有肉味
吸埋啲湯都唔會搶走個原味

同金澤麺屋大河既赤味噌らーめん黎比
麺屋大河贏在濃得黎凍左都對味道冇影響
呢一間食到最後個湯凍左少少
就feel到有啲滯，飲唔哂個湯



食完6點半，間野已經滿座了
之後返姬路執行李，聽日轉酒店


Day 07完

上次去山陰+山陽去同走都FUK

之前冬天去4點幾就日落
宍道湖都多人set腳架影日落
可能夏天山陰少d本地人去

下次再去山陰可能要去下大山 唔係既話都真係幾悶

山陽北四國有張瀨戶PASS
可惜冇全四國

藝術祭春季26號last day⋯⋯睇返啲相發現27號朝冇嘢做去咗食上原屋

栗林公園個JR站都中過一次伏

如果係高松玩一日可以踩單車，100円踩6個鐘抵到黐線，高松仲要有好多單車徑好易踩

Day 08
今日係轉酒店日
所以係冇景點同自由行程
都係飲飲食食行下街就算
因為前7日都去左好多地方
而家25升背囊裝滿7日衫褲
10kg handcarry (上機size極限)裝滿手信
日本啲包裝盒真係太誇張
點知就係拎住咁多野既一日
連個天都唔鐘意我落狗屎
所以跑去7-11買把大遮
好彩酒店有個借遮俾我買遮


買完遮順便屌左個松屋早餐先返酒店
今日第一個行程就係食Lunch
慢慢係酒店睇下新聞學日文
睇到個個台都生中繼話川崎有人隨機殺人
好彩我唔係東京附近


同上次極限挑戰一樣
我又係拖住一大堆行李黎到神戶
旅行路線會經過神戶點會唔順便食神戶牛
上次食最平價神戶牛 - 神戶牛拉麵
今次budget充足啲，梗係要食好啲
就係食第二平價既神戶牛 - 神戶牛丼
你叫我俾成萬yen都係食幾粒神戶牛
仲要未必食得飽，呢一刻未接受到

汲取左上次係三之宮去新神戶既悲劇
想知多啲睇番之前個Post

[極限挑戰]用10日獨遊半個日本 #65
https://lihkg.com/thread/1957043/page/3

今次食Lunch間舖係新神戶同三之宮中間
所以我醒目，搭新幹線去新神戶行番落去
雖然係落雨+有行李，但都算好行

神戸牛丼 広重 [Tabelog評分：3.62]
間野11點開門，10:30有2個人排
因為真係撚大雨驚Handcarry濕哂
所以行番落十字路口間Lawson避下雨先



10:50，多左2個師奶排，總共4個人係我前面
如果你覺得好似好少人就錯了
間舖得10個位架咋，我已經係中間
可能今日落雨所以冇乜遊客黎
上網啲人講唔開門前早半個鐘去排就要等好耐


準時11點，老闆開閘俾人入
入面只有2行對牆既枱
叫我地順住咁坐
而近門口個位因為開門有雨飛入黎
老闆收走左嗰個位
呢度餐牌好簡單得4樣野
並，大盛，蛋，啤酒
然後，沒有就然後了


老闆俾左杯冰茶同毛巾俾我
問我要點乜，之後就轉去問下一個
9個人點哂佢就去廚房煮牛丼
唔好諗住佢好似扑野家咁
掟啲牛肉落個汁之後撈上黎喎
佢真係逐碗逐碗咁煮
梗係啦，呢啲係神戶牛喎，有哂證書
我排第5，11點入舖頭，11點半先輪到我有得食
趕時間真係唔好黎，包你後悔


牛丼[大盛] + 卵 (1800yen)
其實老闆煮緊牛既時候
全間舖已經好香醬油味同牛油味
個飯黎到既時候個味道更加強烈
首先佢比我認識既神戶牛有啲唔同
平時見到神戶牛好重油花
一粒粒煎一煎就出哂油冇左一半重量
呢隻就係火鍋薄切，係一塊塊
而且係肉既部分佔比較多
所以食落去唔會成口油
但係又唔會好韌，係好林一咬就斷咁

味道上佢冇乜加到啲額外既調味料
就係牛既香味，甜甜地既焦香醬油味，係咁多
上面放左紫蘇葉，幾塊煮牛肉嗰陣落去吸哂味好淋既大蔥，一舊青椒
係食緊充滿油香既神戶牛既候可以消滯
但講到明係丼，當然係要連飯一齊食
原來牛肉底鋪左層炒林左既洋蔥
吸哂牛肉流落既肉汁同油
加埋洋蔥本身好甜，加埋牛肉同飯齊食
真係好好食

打埋隻蛋撈埋落去，不得了
始終牛肉煮過就會有鞋既感覺
落左蛋就令到牛肉變滑
冇左鞋既感覺之餘仲有蛋香味
嗰下真係好食眼淚都流埋出黎咁滯

菜湯就係普通菜既清湯
食完飯飲可清一清味蕾





食完出舖頭都係12點未到
出面已經排左20人

唔該比我去埋兩星期東北先好搞呢d

係喎有瀨戶內Pass
不過連續5日要差唔多18000yen
性價比好低
如果係14日任選5日就唔同講法喇