[腳痛勝景美食團]用12日獨遊關西 (山陰‧琴平‧天橋立‧京阪)

JR琴平站冇IC card，琴平電鐵站就有，應該話成條琴平電鐵都有，係香川琴平電鐵先進過JR，班次仲要好密

回程搭琴平電鐵覺得佢部賣票機好得意
反而走去買飛

我見好多打工仔都坐琴平電鐵咁
唔知係啲站返工就腳定係點

琴平電鐵途經香川商業及購物中心瓦町，亦經過縣內最大間既Aeon，以生活角度嚟講最方便居民，班次又幾分鐘一班，感覺好似其他大城市既地鐵咁

穿過門口就會一段比較平坦既路
中途有樹蔭，幾舒服



遠處樓梯底有隻金刀比羅犬像
以前有啲人上唔到黎金刀比羅宮
就會派隻狗代佢行上山
掛住個牌寫住主人名同祈願既野
所以隻狗就叫金刀比羅犬
我而家就自己一個上黎，都行到隻狗咁
呢個位隔離係馬廊
養左兩隻神馬



神馬月琴號食緊草唔理我


隔離隻野好似食完野係度轉圈
又無啦啦撞隔新牆係度叫
熱到傻左？



之後上樓梯，右邊係御守所



9點已經見到有旅行團落山
計番時間可能6點已經上山



之後都係keep住行行行唔停
行到祓戸社呢度就有位俾你坐陣飲下水
呢度係第595級




黃色個御守就幾正路
但係另外嗰個好似係小朋友畫咁
個吉祥物好似過於隨心



仲有唔夠200級，頂埋佢先
日本都有類似犯太歲既野，叫厄年
不過男女計法又唔同，好奇怪


呢度就係最後100級

我都奇怪點解琴電會全IC Card support先過JR
但琴電係鄉下私鐵黎講真係算好密
而且就算有平交道佢都揸得好撚快
架車chok到有啲暈

因為今次旅程行得太多Aeon
所以綾川嗰間唔專登去

係, 真係唔多野睇

當年日本白銀佔全世界出產好多成, 明朝既白銀好多都係來自日本

四國換左好多新玩具(車)，唔寒酸了

終於黎到今第一個景點
真。金刀比羅宮御本宮 (785級)
由第1級行上黎我都冇乜點停過
都要成半個鐘先上到黎御本宮呢個位
虧佬/行路慢等人士請預好啲時間




但今日天氣麻麻
天氣預告話下午開始微雨


金刀比羅宮總地圖


觀景台隔離就係去奥社既起點
要係呢度行多583級上去
因為feel到就快落雨
費事遇難今次就唔行上去了



無論係燈籠，門邊定屋簷都充滿著金刀比羅宮既icon
果然係御本宮


御本宮前面係賣御守既地方
最出名就係金黃色幸福御守 + 狗吊飾
因為你要行到黎呢度先有得買，下面係冇既
如果你行到奧社嗰邊
仲出左黑色天狗御守，下面包括御本宮係冇既
如果真係想儲御守既人留意呢樣野


行過少少有個狗籤抽
放低100yen就抽得，試下先




入面除左籤之外，估唔到仲有1個迷你狗牌
今次抽到小吉，有冇日文達人幫手解籤



金刀比羅宮係供奉海上交通既守護神
所以啲船廠或者新船落水前都會過黎供奉
因為呢度係總本社，好似會靈過分社
正如食飯係總店食會好味啲咁
遲啲天橋立預左會搭船，求下安全順便求好天氣



正常呢啲盤其實係驚火災用黎救火
但呢度就用黎奉納
啲水


行左半個鐘就行番落去了
你睇下真係好撚多級

春天去個時會係條櫻花隧道
好掛住日本

缸水咁污糟既？我之前去好清，仲學啲人玩1円放水面

行落去既時候都keep住有人上黎
終於唔係山陰咁少人


神馬終於抬高頭了
神馬：屌你做乜鳩？


最驚奇係都幾多鬼佬會黎呢度
呢度係外國有乜咁出名


門口見到有幾把遮嗰度就係五人百姓
因為幾百年前有五個家族對金刀比羅宮有貢獻
所以特許佢地既後人係宮入面每族擺一檔
佢地幾百年黎都係賣加美代飴，姐係糖


之前睇月曜有講呢度係有人力轎抬人上山
但都只係由0級抬到你上門口385級
之後都要靠自己既力量行上去
不過冇人入行搞到而家老人家抬老人家
今日就見唔到




雖然只係10點鐘
但係驚落雨去唔到栗林公園
所以我將成個行程加速左
而家就食lunch

てんてこ舞 [Tabelog評分：3.42]
就咁睇個牌就知佢食乜啦
黎到香川縣梗係要食正宗讃岐烏冬
有啲人見到肉烏冬有2隻寫法
但其實2隻係有唔同
肉うどん就係肉湯烏冬
肉ぶっかけ就係介乎係有湯同冇湯之間
你當係肉撈烏冬咁上下
至於叫法，學番我上個post咁
香港丸龜流程+This This This就得
總之最後幾多錢就貴客自理




肉きつねうどん + かき揚げ
呢度同大部分烏冬店一樣
水，蔥薑天婦羅碎都係自己拎

肉係牛肉，本身用醬油煮所以甜甜地
肉唔韌，味道正常

きつね姐係甜腐皮
呢塊好食過咚兵衛入面嗰塊
佢唔會死甜，有番腐皮既質感

うどん就見住個師父係門口人手搓
之後用番搓嗰碌棍+菜刀切烏冬
之後去煮，所以一定就唔係用機整既貨
的確食得出，咁熱既浸住都唔淋
仲保持住彈牙既口感
最勁係食得出烏冬嗰種香味

湯就係普通柴魚底味
但因為加左牛同きつね既甜味
比起正常會香濃左

かき揚げ就係天婦羅餅
因為間舖開冇耐所以冇乜餸揀
我見佢啱啱炸起所以就要左
成舊野有一半都係蝦
食落好脆好香口




食完見未有車就周圍鳩行下
原來仲有VAN仔送人上385級
不過成510yen，好貴下


係表參道一路直行就會去到商店街
咦？係熟悉既味道
又係一個人都冇既死城

一樓都係香港人多，不過檯檯都勁趕咁，越大檯越趕，唔知為咩
我7點未夠入去，食到9點幾，仲開左枝酒，中間食完左3檯香港人，未計2樓
第2晚去食第2間燒肉反而一檯香港人都無，平過佢d肉又唔係差過佢

落山張海報又係個阿婆係度笑

咩圖嚟

你講個座古色古香嘢我17年去見到啱啱動工
19年4月去見到起好但未裝修好

琴平都係出名CALL G? 係唔係搞錯左雄琴呀

啲水靚咁多既
我嗰陣十足廢墟浸左幾十年咁既色

琴平下午5點幾已經成個死城咁，夜生活都冇，點call g？
雄琴唔係溫泉區咩？有G call?

佢都裝修得幾似舊式旅館

雄琴以前曾經係好出名既SOAPLAND溫泉區
有本好出名既小說嫌われ松子の一生, 拍過戲拍過舞台劇
個女主角就係去過雄琴做SOAPLAND妹

不過呢個區慢慢老化無以前咁出名, 同埋當地都好想正名返呢個地方變成正經溫泉區, 努力下都慢慢多左好多外國遊客去

岡山係hx

我上次去
4檯都係香港人

不過有個識英文waitress好靚女（唔係黑妹）

而家香港仲有無直航去岡山機場？