[腳痛勝景美食團]用12日獨遊關西 (山陰‧琴平‧天橋立‧京阪)

嗰度要搭巴士去
但係個班次疏到我最後放棄左
行唔到過去

我本身係想搭1000yen巴士
但5月尾嗰陣冇聲氣
之後佢6月1號推出番囉

唔揸車的確好唔方便
但嗰度好靚好值得去
相反一開始好期待出雲大社
最後有啲失望

呢間真係超值。住開正常酒店房，唔貴又極近岡山站。
不過地庫點通岡山站？行咗幾次都搵唔到，毒撚又唔敢問人

budget 多少少可以住via inn

唔係自駕唔使諗，巴士疏到

小豆島拉麵應該係個個去親岡山都會食

無食過

商場地庫有超級市場
近超級市場升降機個位隔離有道自動門
嗰度行出去轉右一直行就去到BIC CAM地庫入口
行前少少就岡山站地下月台入口

Via inn包早餐
但係岡山大把野食
唔食又好似蝕左咁

貪佢有得添食

Via inn早餐其實麻麻，好少款。
嗰時住咗五日，基本上係麵飽同日式咖喱飯(無餸得汁)主打，再加1至2款熱/涼菜。全部都好重覆。係得一日有三文魚食。

留名睇山陰本線

留名

btw既然都會去高松行點解唔由高松機場出/入?

Day 02
因為真係唔係好訓得著
捱到6點浸多左次溫泉就checkout了

岡山早晨，晴空萬里


6點幾都冇乜早餐好食
去左屌松屋
生蛋撈飯又唔腥又滿足，正


好快食完行番去岡山站等車
早到周圍都未有人返工
今日搭やくも1号，往出雲市特急頭班車




見到LED牌出現架車資料就落去月台排隊
因為得1卡自由席，應該會幾爆
早半個鐘落到去月台都係排第4
前面都係Pass客



隔離係スーパーいなば1號，去鳥取頭班車


架車未黎到既時候已經咁多人


上車，已經8成滿
睇得出呢架車有番咁上下歷史





有條女(我估台妹)坐我前面係度自拍
費事入鏡啦，見有位就坐左去另一邊
佢都係揸山陰Pass不過佢係揸實體票
之後車務員問佢邊度落車，佢話新見
直覺同我講呢條女唔簡單
一定唔係普通人


架車有振子，過彎唔會chok chok下
而係左右平穩咁搖
沿途又係得綠色同田好舒服
本身唔夠訓既我好快訓著左
所以搭車嗰2個半鐘我都係訓下影下





搭左2個鐘，終於到達山陰既米子
去到呢度自由席得番10個人係車


搭多半個鐘就到我落腳既第一站 - 松江

去山陰寧願比多少少買山陽山陰PASS，起碼坐到指定席。唔驚無位，雖然好少會滿。

台妹可能係去新見美術館

山陰本線2両特急
自由席真係會坐到九成滿
尤其米子-鳥取段

出雲-米子段有やくも幫拖密車好多
通常1個人都坐到2個位

酒店有排都未check到in
搵locker放低就開始今日行程
買多張Pass先

呢張野叫結緣完美車票
佢係一張交通3日券，3000yen
如果你係外國遊客，只係半價1500yen
呢個地方究竟有幾咁慘...
可以3日內無限次搭乘一畑電車
以及所有松江、出雲為主要站點既區間巴士路線



之後就上松江lake liner去松江城附近食飯
結緣完美車票同山陰&岡山地區鐵路周遊券都可以免費搭
松江站前面上車，每20分鐘1班
今次試下用結緣完美車票，係俾上車既
不過全車得4個人


松江今日極度天晴


搭10個站去小泉八雲記念館前落車
反方向行前少少就係我今日既lunch
雖然10點半都未到
八雲庵 [Tabelog評分: 3.58]
呢間野係以前武家屋敷改建而成
門面好有氣派，入面好古色古香




坐低點完菜就望下四圍
簽名板掛滿成個天花邊
睇黎都幾多知名人士食過


出雲蕎麥麵係日本黎講都算出名
如果你肚餓既話可以叫割子二段/三段
你當係蕎麥麵加底咁
二段就係2個一段咁理解
因為我唔係太肚餓
所以都係食番佢最原始既招牌菜
鴨なんばん (920yen)

一拎到上枱碗野香到不得了
湯底係鴨肉清湯，但係鮮甜到不得了
我懷疑湯底落左好多菜同大蔥吊起甜味
蕎麥麵雖然浸住熱湯但唔會溶爛
仍然夾得起同有咬口，唔會一嚼就變哂糊仔
鴨肉彈牙冇血腥味，吸左湯就更加香甜
唔怪得大蔥鴨會絕種
最重要係飲完啲湯都唔會口渴
證明係真材實料



因為比預定時間早左食完
所以周圍行下先
係八雲庵入面行左一轉，都幾大下
有池塘，有另一間屋可能俾有booking既人



因為熱到就黎溶
我決定行前幾個站係個陰啲既位等車
中間行經松江城條護城河
可以搭船遊一圈



係歷史館前個站度有講日落係幾多點
聽日睇日落靠佢喇


車來了，不過全車得6個人
松江しんじ湖温泉駅落車
轉一畑電車去出雲大社





站名講到明有溫泉2個字就梗係有溫泉浸
車站旁邊有個足浴俾你浸
但係有2個妙齡女士係入面唔方便試


山陰呢邊有個缺點就係車次唔密
走左班車就要等好耐
好彩有冷氣大堂坐住等
而且除左JR大站之外
其他站同交通都係冇IC Card用
上車請抽整理券自備散銀/買飛
我買Pass既目的就係可以一見到有車就上
費時miss班次/計搭車用幾錢

等左20分鐘終於可以上車




係架車度見到有隻島根貓坐左係度
一行埋去睇，大驚
島根貓你做乜揸住隻9 (其實係勾玉)



我搭緊呢架一畑電車北松江線
一半路線都係依宍道湖而建
所以景色會一邊係湖景 (唔係屯門)
一邊係田景 (唔係屯門)



今次旅程的確比上次多左伏


北松江線另一邊總站係電鐵出雲市
姐係JR出雲市站隔離
去出雲大社就要係川跡落車
行去對面月台轉車去大社線
迎接我既係一架痛電車



出雲大社出名求乜？求緣
求乜緣？求姻緣，咪粉紅色囉
其實唔止既，人際關係、工作際遇都關緣事既
成架車都充滿住戀愛既腐臭味
地板就畫鬼腳 (冇人係對面)
車頂就搵隻貓講「歡迎你過黎求緣呢喵」



但又真係幾多女士單獨1個/成班一齊去咁


出雲大社前站，好似教堂



出雲大社前站係出雲大社同舊大社站中間
我決定行路去舊大社站先
之後搭巴士去出雲大社
行去舊大社站方向好快會見到出雲大社大鳥居
24m鋼筋白鳥居，好壯觀



行10分鐘轉個彎就到舊大社站
又係好古風既站




呢個站當年有著輝煌既歷史
係以前國鐵時期係各地參拜出雲大社既重要交通輸紐
所以個站十分大同埋係大量橫跨多縣特急既終點站
以一個落成左差唔多100年既木製站黎講
呢個站真係保養得好好
不過自從交通方便左，條線就蝕到最尾廢左線
由一畑巴士提供替代服務








好闊既查票位


好閣既月台



車站而家有出雲觀光協會用緊


有一架蒸氣火車頭，亦保養得好好

個次行完出雲大社諗住係出雲jr站行下百貨公司先返松江 點知搵極都搵唔到 仲要等左成大半個鐘先有jr返松江

不過山陰人少少係幾舒服

我比較鐘意係啲大城市出發同離開
生活機能比較好
例如落左機有時間可以行陣街買下野
食野又會多啲選擇
臨走既時候係大城市機場補買手信又會比較方便
高松嗰邊乜都冇/少選擇就唔係幾好

我又唔覺太多人搭特急
可能我專登揀非繁忙時間搭車
或者係同通勤方向相反

我覺得個站拍戲一流