[腳痛勝景美食團]用12日獨遊關西 (山陰‧琴平‧天橋立‧京阪)

今年應該都唔去啦
大型運動會全部都延晒期

Between
東橫inm應該大部份都仲用緊鎖匙
得少部份新開既先用到會員卡開門

歐國盃你打算會取消定順延去

日本好多稍為舊少少既酒店都係用鎖匙
就算我去東京都試過好多次

唔會取消啦
出年繼續

東橫出門口要俾條匙counter
唔使袋住週圍走
BTW佢東京市區都未upgrade用卡

搭左大約15分鐘車就到今日第一個景點
足立美術館
連續17年成為日本第一庭園
曾獲得米芝蓮綠色指南三星評價
咁把炮點可以唔黎


如果你係冇揸車黎既話記住
係買飛前面個架拎回程接駁車籌
每個人想搭邊班回程車就拎1張
上車嗰陣司機交俾司機，佢會check
如果你想走先黎拎分分鐘冇哂
要搭的士/行路返去


又拎本Passport出黎
張入場券又變左半價，1150Yen
之後就拍QR code入去




一入到去會先見到幾個窗框
但只係幾個窗框就令到個園境好似裱左上幅畫咁
係每一個方向睇幅畫都會­唔同
再配合咁好既天氣，個feel好正



之後有一段露天行去主建築既路
會見到啲園景係經過精心設計
視覺：竹，松，紅葉樹，石，苔，人
聽覺：溪水聲，池塘聲，雀仔聲，人聲，相機聲
嗅覺：樹木既清­香，加齡臭







足立全康
因為熱愛庭園同展覽自己收藏而創立足立美術館


之後就會去到一個好似水族館咁大既地方
一入到去就真係好...多人
因為呢個景點個大名真係太響
係山陰旅行團100%會去既景點
所以唔止大陸日本團，仲會有台灣，泰國團
當然仲有我呢啲自遊行客







但因為實在係太靚+有冷氣嘆+有位坐
個個都唔想走，包括我







春夏秋冬都有唔同既景色
bookmark埋第二個季節再黎過

上次去既時候係陰天

入到去…

無敵雨景

想再近距離貼近日本最美既庭園？
請課金享用茶點


係咪全世界師奶(包括我阿媽)影相姿勢都係一樣




之後唔多講，自己感受下
用普通中階手機影相已經咁好靚 (冇執相)
現場睇靚多10倍









要打理呢個庭園都唔易
12個月都要為唔同景色做準備


繼績自己感受下庭園氣息












睇完庭園仲有個館係有好多畫作同陶藝品睇
不過好多都因為係歷史文物所以唔可以影相
但係都十分值得去睇
連我呢啲行路睇野咁快既人
都係度停留左2個半鐘

係正門行番出去有手信舖
都幾多古怪特色野買
手信舖對面就係回程接駁車等候室
架車到左俾番籌個司機就上得車

又番到安來
今次上普通車，搭1個站去米子




去到米子諗住搵野食
點知間野今日暫時休業
睇番鐘數可以上早1架去境港既JR
咁就連米子Aeon都唔行lu (松江Aeon仲大過佢)
去站前7仔買個三文治食就算



去境港就要去0號月台
設計到好有鬼太郎feel
架車都係以鬼太郎老豆做主題



車上面鬼太郎老豆四圍都係




去境港途中會經過米子機場
好多人上車同落車
但嗰日唔見有香港人，可能唔係上落機時間
但係以米子去境港咁短路都要用40幾分鐘
架車真係開得好慢



警告！以下景點疑為結界
日光日白鬼仲多過人 (事實)


去到境港站，得10幾人落車
周圍都係鬼太郎既角色



頭先搭嗰架車


行去下一個景點中間真係一個人都冇...


呢度就係下一個景點 - 水木茂大街
水木茂係鬼太郎既作者
因為大受歡迎，佢鄉下境港就大興土木整條主題街賀下佢
你見如佢地所願，鬼係多過人既





條街其中一個必去地方就係水木茂紀念館
介紹鬼太郎既故事同展示佢既收藏


一入到去，撒沙婆婆出黎指住我
你，過黎幫趁


買飛請拿出你的護照來
票價由700yen變成300yen，平過半價
本身我又唔係老人家
對呢啲國民動畫冇乜感覺




佢去到後面有間房會播動畫
鬼太郎既動畫大約10年就會翻炒一次
2018年就有輯新既
睇番呢張Poster都幾正路


但係呢張畫風突變...小姐你邊位？


行番出去之後，撒沙婆婆出黎撩鳩啲人
見到佢我都熱


附近有好多裝置俾你打卡
另外成條街收埋左啲印仔可以儲
儲滿左可以有張證書
但係儲印仔份野要另外俾錢買
所以我印係本簿度算 (拎黎印車站印同mark野)


右上角張Poster更加令我懷疑我係咪日光日白入左結界


涼亭公園燈柱都用番鬼太郎風格

伊勢正呀
印象中有個近鐵pass?

足立唔算多人去

其實條街都幾有特色
可惜既係今日又曬又熱
周圍太少人搞到冇乜興致
一入舖頭就會受到熱情既款待
會嚇親小毒撚
行多陣都係去番JR站坐低歎冷氣等車




鬼太郎郵筒


境港JR站出面有巴士站
呢個係境港市內循環巴士
只係100yen就可以去到境港魚市同米子機場
但係太少車


呢架就係一畑巴士去松江既特快車
只停由志園 (時間不合冇去，好似好多花睇)
松江站 (JR)，松江しんじ湖温泉站 (一畑電車總站，前一日去過)
總站係松江城大手前
我就係搭呢架去下一個行程
拎結緣完美車票就可以免左1000yen車費
剩係呢一程已經抵左2/3張Pass
搭左1日半已經回左本有突
不過一日得4班，架車計埋我得5個人上車




中途會經過江島大橋
以前日本有個廣告拍到好斜而聞名
https://www.youtube.com/watch?time_continue=30&v=Y-2tUIL_X2Q&feature=emb_logo
佢係連接鳥取同島根既高架大橋
佢個拍攝角度係對住鳥取
今次我係行島根方向感受唔到
但係條橋的確係好高




搭車中途都keep住望到海同湖
個司機揸車應該都幾享受




落車都4點半
即刻走去下一個行程 - 松江城
係咁多個城黎講佢算收得夜
收夜晚6點半，姐係我仲有2個鐘慢慢磨


堀尾吉晴，改建松江城成為呢個樣既人
本身亦係豐臣秀吉既大家臣之一


松江城入口



之前去嗰4個國寶城
上天守條路都係斜到仆街同長到仆街
但係松江城就唔算太斜


上到斜路頂就有得買飛
唔駛入到去天守入面先買
拎出你既護照享受半價優惠
(已經係第4次買飛有折)


終於去哂5個國寶城喇
呢個係最少人既一個


冇錯，本人又再一次係呢啲位撞到個頭


松江城天守頂嗰2舊魚狀既鯱虎
之前整修換左就拎出黎展出
係12個現存天守入面最大既一對


有機會真要去埋剩番既現存天守
當年明治廢城令，啲城收歸國有然後賣番出去
有啲天守俾有錢人買左番黎就拆左啲木同磚黎賣
留得低嗰啲有部分失修冧左或者當年二戰炸爆左
松江城當年廢城多得地主籌旗買番先冇拆到
而家係現存天守唯一一個正統天守閣
啲國寶城隔左400年都仲保持到原來結構同外貌
我覺得日本人保育古蹟真係好厲害





上到天守頂，國寶指定書GET
2015年先指定為國寶


天守閣望向西南可以睇到宍道湖
最衰7點先日落，冬天可能可以睇到日落


Hi Auntie你個姿勢


趁未日落，離開松江城去食飯先


興雲閣，冇入去因為就快收工

睇日落去湖邊睇啦

留名
上次去鳥取踩單車(關西廣域PASS免費租)
日光日白車站前面D街都係無人
明明地圖睇落好繁華咁

黃昏既松江城別有一番風味





睇過我上一次腳痛遊記就知我好鐘意食拉麵
今次呢一間係Tabelog搵既全島根最高分既拉麵店
麪家ひばり [Tabelog: 3.65]
間野係松江歷史館對面街，算比較易去
因為道門有啲實，我以為佢未開鎖左門
好彩聽到入面有人叫餐都大力拉先開到



間舖都幾多位
而家都有3個人係我後面枱食緊
目測係街坊
我就一個人，所以對牆坐



あごだし白湯ラーメンあっさり (780yen)
ミニ自家製焼き豚ご飯 (250yen)
湯底係魚介豚骨白湯，魚介係用飛魚煲成
有豬骨既濃，有魚既鮮，加埋一齊好夾
但又未去到漿住個口，飲落好清爽
如果想濃啲，加100yen個湯底會加背脂
上面有舊辣肉味噌，溝埋個湯會濃啲
叉燒肉質唔錯，一咬就會散開
麵就...冇乜印象
叉燒飯就係厚切版叉燒切粒
加埋豉油好香口




食飽飽之後就係大家期待既腳痛環節
麪家ひばり -> 岸公園 (2公里)
中間keep住都有耶穌光 上帝引領我




行緊宍道湖大橋
近左湖邊之後發覺好撚大風
我仲要係逆風上斜，屌
我既目的地就係對面個公園
仲要跑住咁行，因為就快落日






好彩趕得切睇宍道湖日落



遠睇以為隻白兔變左個大叔


遠處有pair新人影緊結婚相
宍道湖日落作為日本其中一個最美既夕陽
祝佢地幸褔快樂 (但夕陽唔係解完結咩)
btw個準新娘幾靚




望落雖然唔算多人
但係你試諗下
呢度係日本都道府縣人口排包尾既 (笑)




睇到差唔多天黑就返酒店
頭先餐拉麵已經消化完畢
又去左Lawson買宵夜返去食 (夜晚7點幾)

Day 03
本身個plan係去石見銀山
因為佢係世界遺產，夠特別
但一黎JR唔太夾巴士，大家都疏班次
二黎入面啲入場費係逐間建築計，計起上黎好襟計
三黎可能朝早7點搭車，夜晚9點先返酒店
因為太難manage
所以最後都係玩番普通旅遊景點算

前一日最尾行左2公里做熱身
呢一日就行多幾倍路
汲取前一日早餐排隊排到仆街
今日6點9落去！
落到去，得幾個人食緊
所以可以瘋狂添食
可能我前一日屌鳩太多沙律醬
所以今日多左個冇沙律醬既沙律
但佢加左蕎麥麵，又幾好食喎


今日轉酒店
拎左個handcarry裝衫同手信方便放入locker
早啲行去月台昅女排自由席







再見松江



今日離開島根，去到鳥取中部
見到海邊好多風車
萬里無雲海天一色，天氣十分好




倉吉落車，見到連續2架キハ187



媽，好毒呀


放完野去locker就買Pass
係樓下巴士總站隔離既觀光案內所可買到
上次張結緣完美車票就只限出雲松江米子地區使用
今次係鳥取就有另一張叫鳥取藩乗放題手形
包假期限定去鳥取沙丘既麒麟獅子巴士 (我張JR Pass都包)
鳥取既所有路線巴士同某部分機場巴士某區域

上網睇話如果唔當日買/冇哂
個Pass只係一張印左最後使用日期既證
我今次即買即用，佢就拎哂3個款俾我揀
咁我又拎本Passport出黎
張Pass就由1800yen變成1000yen

賣Pass俾個Auntie仲好有心機
拎張地圖同時間表highlight俾我點去點搭(其實我知)
因為佢啲班次都幾搞笑 (一次10分鐘黎幾班，之後又要等30分鐘)
我又唔忍心打斷佢其實仲有1分鐘架車就開
好彩佢即刻講完，我就講句多謝就衝去巴士站
好彩上到架巴士，但係架車得我1個

因為司機Auntie冇乜野做，問我去邊
我答佢20世紀梨，佢就話明白
之後就係倉吉パークスクエア北口叫我落車
之後架車就繼續裝空氣
鄉下既人情味真好，如果你識日文既話