[腳痛勝景美食團]用12日獨遊關西 (山陰‧琴平‧天橋立‧京阪)

FUK好呀
去機場又快，飛返香港又快
買藥買手信又多舖頭

如果靠公共交通好難去大山
好想去牧場

米子站有巴士去，應該唔難喎

暫時追到去完沙丘
鳥取最大問題係佢d景點同蟹季唔夾
蟹季（12-3月）去既話就冇得去浦富海岸同砂之美術館
夏天去又熱到仆街浸唔到溫泉

11月蟹季剛開始冇問題喎，我去嗰陣啱啱食到味曆あんべ一年只有兩個月供應既蟹膏飯，又剛好係農曆10月，即係出雲大社既神在月好熱鬧。係浦富海岸如果搭遊覽船就冇得坐細船穿山窿。砂之美術館1月先閉館，12月都去到啊

上次1月中去冇查清楚入唔到砂之美術館

酒店係大阪站附近
不過checkin之前要去番新大阪站拎番我個喼
唔知就睇番 #42
三之宮去新大阪搭新快速都係半個鐘
所以有時間行左陣三之宮附近既商場
都幾多動漫周邊野行
係我去完關西個半月之後
京阿尼就發生左好大件事，RIP


本身想搭特急スーパーはくと去新大阪
貪佢又快又唔多人，但係下班要等到1點
所以都係硬住頭皮排新快速




京阪神既鐵路競爭好激烈
大手私鐵為左同JR爭就瘋狂直通運轉
為左令到跨區啲人更方便搭佢
係短途大家互出無料特急鬥停少站鬥快到爭生意
隔離就係阪急神戶三宮站
路軌基本上就係貼住黎起
仲有地底既阪神神戶三宮站
三條線既特急都係去到梅田
我揸JR Pass梗係搭新快速
不過新快速真係任何時間都好撚多人


啲幕門起得有啲奇怪
係向上發展既


去完新大阪拎番個喼之後
搭スーパーはくと 1個站去大阪
關西廣域鐵路周遊券搭短途特急好爽

個海底撈成個feel好核突成個裝修都好有大陸味

有無行埋白兔海岸？

係廣島搭程船去松山都係7千。如果每日移動範圍大加會坐新幹線，係扺既

又5分鐘特急

我之前松江去玉造溫泉都試過搭5分鐘特急
唔記得有冇票務員check飛，應該唔夠時間check

返到大阪就唔轉酒店了
剩番4晚都係住HOTEL UNIZO Osaka Umeda
位置係阪急梅田站北面5分鐘路程
但單人房價錢係仲平過姬路Daiwa Roynet 3晚既價錢
平均每晚只係240蚊港紙
正常係呢個地方呢個價錢連膠囊都未必book到

不過唔好既地方就同姬路Daiwa Roynet一樣
門口冇野遮，落雨就會有啲狼狽
Checkin嗰陣又送水俾我


酒店地下有やよい軒，係我除左松屋之外既第二最愛
但呢間野好特別，係屬於酒店既餐廳
如果你酒店加早餐就會係呢度食


HOTEL UNIZO同東橫，Daiwa Roynet都係大型連鎖商務酒店
佢就比東橫新淨，房就冇Daiwa Roynet咁大
但係正常酒店有既野佢都會有齊
張床都係屬於軟硬適中嗰type，幾好訓
1個人住唔算太細，床尾梳化夠位開喼
廁所係比較西式，燈光唔係黃黃地嗰啲，好新淨




搞掂哂啲野係時候又食下午茶
貪就腳就落番樓下やよい軒
係門口食卷機禁完飛俾完錢就入得去坐
交低飛俾店員就得
呢間野同松屋都係啲和式快餐
但係佢就專長係和式家常定食
尤其係魚同菜既菜式
如果想添白飯/加水可以就咁出去拎


ロースとんかつ定食 (790yen)
因為前幾日食野太健康，冇乜點食香口野
今次就整個吉列豬扒定食
豬扒啱啱炸起，好脆又好有肉汁
點埋味噌醬會冇咁滯
冷奴就咁食都好滑，加啲醬油就濃味啲



食完飯就去下啲之前未去過既地方
今日落雨就揀Expocity行下
係隔離阪急搭京都線快速/準急/普通南茨木
之後轉Monorail去萬博紀念公園
全程冇Pass用所以都係要自己俾，1程都520yen
鬼佬真係用英文分到特急/準急/快速/快速急行？





萬博紀念公園有啲藝術品睇下
但係件野叫無題


基本上一行到出去就望到Expocity


本身想行下萬博紀念公園
但係今日落雨就唔入了，費時蝕入場費
太陽之塔：屌你呀

揸pass必做
喺大阪搭こうのとり去新大阪
車掌見我拎住張指定券上車問我係咪搭錯車

Expocity本身係一個綜合消閒活動既大溶爐
有商場同美食廣場不特止
隔離仲有水族館，有摩天輪



另外有個VS Park係玩下VR Game
不過得1條友on99就費事浪費錢玩
行到黎Expocity門口一望就望到紅彗星vs元祖高達
呢度有Gundam Square
除左台場之外呢度都應該算數一數二多野買同睇





呢度少人得黎又多野行
如果想睇大牌子但唔係執著要outlet掃平貨既話
呢度應該好行過你去心齋橋難波嗰邊好多
幾年前去過臨空城嗰邊直頭群魔亂舞


入面有間Calbee Plus可以食即炸薯片
想當年係東京站同竹下通排到傻
呢度冇乜人，即叫即炸
今次試佢高湯醬油味
薯片熱辣辣，好有關西風味




行左2個鐘就返酒店附近遊蕩
梅田作為關西其中一個最旺既區
大就不在話下，人真係多到不得了
如果叫我12日剩係行梅田地面都未必行得哂
仲有地底梅田迷宮


最後都係決定去附近超市買平野食算
第二朝要好撚早起身去天橋立


Day 08完

期待天橋立之章，之前想去但嫌稍遠冇去到...

Day 09
本身前一日落狗屎
都有啲驚呢日去唔去得成天橋立
因為天氣唔好風景唔靚我就唔搭咁耐車
可能hea下行下心齋橋就算
但係前一晚睇天氣報告話呢日多雲時晴
既然係咁頂硬上啦，聽日一定會好天既
再賭上本人晴天娃娃屬性+係金刀比羅宮求行程順利
希望在明天呀嘛

今日係天橋立一日遊
係大阪同京都都有火車到


6點鐘就要出門口
一黎行過去JR站要15分鐘
二黎我要排サンダーバード1号自由席
有特急唔通唔坐咩

到左京都之後行左去買早餐
行到番黎自由席已經排到咁
前面都好多香港人排隊



好彩架車自由席都夠坐
霸到個窗口位食早餐
早餐就係志津屋買
ミックスサンド [Beef and Omelet] (540yen)
呢間野啲麵包望落都幾靚
當然賣相同價錢成正比既
呢個混合三文治有2隻味
牛扒三文治就係佢其中一個招牌貨
食落都幾滿足，唔會一咬就得陣空氣咁
但味道就比較普通，麵衣你都睇得出好厚下
反而個蛋三文治有驚喜
蛋好香好甜，厚得黎唔會太鞋
跟住有啲青瓜同沙律醬令到個味道好fresh



本身去到園部附近
個天都係多雲濛濛地


一到福知山，萬里無雲



一落車就望到たんごリレー1号
不過架野係丹鐵個月台上車



呢架係丹鐵其中一架特別版 - 丹後の海
KTR8000形氣動車，水戶岡銳治重新設計
最容易睇到既特色就係木系，Pattern同特製Logo
九州新幹線800系列車，九州七星號列車都係佢設計




隔離嗰架紅色野就係KTR300形氣動車
係2星期前啱啱新車落地


查飛嗰陣俾個Pass車長查
跟住佢問我「Tenchori？」
當刻我聽唔明，但係見到個個都答係就係啦
諗左一陣原來佢係用蝗語問我係咪天橋立落車
但係我見佢對鬼佬都係問「Tenchori？」
不過如果佢用英文同我講Amanohashidate我都唔會聽得明

就快到天橋立，勁好天


落車影下架車先
就咁睇就知道呢度好撚好天





去完山陰之後再一次黎到日本海呢邊
都係同一個感覺 - 好曬
計番我6點出門口
黎到呢度都要9點半

兩年前搭丹鐵架車好殘
依家咁靚嘅

Tenchori

聲明
我放出黎所有相都係手機影出黎冇執過既
個天真係咁藍，啲水真係咁清
利申：Sony Xperia 10 Plus

首先行左去智恩寺
規模比較細，冇感



之後行左去迴旋橋
望落啲水度
嘩清到見到水底啲海草




條迴旋橋去到某啲時間有船要過就會轉
但係其實又冇特別，所以唔等佢轉了


天橋立本體就係一條好窄長既沙地
全長2.4km
呢度有好多唔同Package既Pass俾人買
有啲包搭船去對岸，有啲包單車踩過去
上面種左好多松樹
以前啲詩人冇野做作下詩
將唔同形態既松樹改做唔同既名
搞到好多棵都有朵



日本三景成就達成



10點鐘開始行，都幾多人選擇行
起碼多過山陰啦



雖然呢度係曬，但一啲都唔熱
因為都keep住有涼風吹黎
加上係海邊，都唔會熱得去邊
嘩，真係好靚
水清沙幼，海天一色，真係不枉此生

LM

其實呢個唔係蝗語
係日文音讀同訓讀嘅分別

之前喺神戶食過間明石燒， 章魚餡唔算太特別，但佢另外有隻紫蘇加海鮮味， 浸落去個高湯到好好味，