[腳痛勝景美食團]用12日獨遊關西 (山陰‧琴平‧天橋立‧京阪)

費事轉酒店

我追性價比
車費貴一倍但快唔到一倍我就唔會揀

我會覺得佢九州同山陽地區機場太密
自己會搶自己生意
如果佢搞仙台秋田嗰啲
我估紅葉櫻花季會好多人

間住飛。例如一個飛一、三、五。一個飛二、四、六。
務求令你砌靚個行程又唔使日日開航班

鬼太郎條街直頭係痴撚線,一月去落細雪條街一個人都冇
打飛機裸跑都冇人見到
鳥取又係死城咁

其實去咗烏取先
再去松江落岡山會順路啲
見到你係咁行回頭路

應該有兩三成係地方政府包底

lm已經諗緊疫情完咗第一時間去返個靚日本先 但又未知去邊到好

夜晚放低backpacker 係鳥取站附近搵野食，條條街都無人

想去 但又覺得好似無景點無好既地方值得去咁

唔好呀 唔好開發東北

係難波轉完地鐵到新大阪之後
有好多樣野要做

1. 寄存行李
我玩成12日，預左買好多手信
拎左個大喼，又唔想咁多日都拎個喼四圍走
因為我Day 8返大阪
所以我拎背囊裝8日要用既野
喼就放低係寄存地方
今次用番上次獨遊既ecbo cloak book地方
揀左Crosta Shinosaka，係新大阪站地下
佢本身都係做開行李寄存可以walk in
不過驚佢full拒收
book左求個安心咁解

2. 拎Pass
今次用2張JR Pass通殺關西
第一張係山陰&岡山地區鐵路周遊券
Day 02 – Day 05用，抵到爛
仲要包埋松江line line、鳥取麒麟巴士同智頭急行
張Pass單程姬路去鳥取/岡山去米子已經回到本
山陰究竟有幾唔掂先出張咁平既Pass引遊客去

第二張係好多人都用過既關西廣域鐵路周遊券
Day 06 – Day 10用，坐到新幹線之餘仲包埋去天橋立
方便係大阪周邊四圍走既人
不過只包自由席，繁忙時間要爭位坐


3. 買新幹線飛
上一次行程所有貴車都用Pass搭
完全唔覺肉痛
但今次新大阪去岡山呢程我就要自己硬食
有諗過新快速轉普通車又或者巴士
但真係車程太耐同太夜到
所以今次大手筆親自係售票機買飛
買左張さくら指定席，6020yen
一黎平過のぞみ但時間又唔差得遠
二黎總站車乾淨少少
三黎指定席係2-2一行，座位寬過3-2既のぞみ


搞掂哂啲野有時間剩，係站外行下
見到有間舖整緊大判燒又好多人排隊
心諗實好食，咁就跟住排隊睇佢點整
師父倒完個漿之後就拎碌野剷落啲餡度
然後拎碌野用個勺刮落去啲漿度
我隔住玻璃都熱熱地
佢地之後仲要拎鋼針挑起舊野
然後徒手放去第二舊既面



買完就入站
大阪東線啱啱開冇耐就賣哂廣告咁
新大阪去奈良唔駛轉車
但記住JR奈良站係有排都未到喂鹿嗰度
遊客去喂鹿都係搭近鐵啦



好，走上月台排隊
因為7點係繁忙時間所以架車係9成滿




車程48分鐘，食少少茶點先
頭先係御座候 新大阪駅店買既大判燒
紅豆同白豆餡各要左1個(每個95yen)


白豆蓉好香，不過好一pat pat唔係我杯茶


紅豆蓉就好好多，食得出一粒粒又好沙


但總括黎講個皮冇味扣左分
而且餡同皮既比例係9比1
所以一咬落去就會爆餡，口/手感麻麻

今晚酒店好近岡山站
係商店街行5分鐘內就會到
最正係地庫直通岡山站
打風落雨都唔驚
Hotel Abest Grande Okayama



酒店係一個新商場樓上，佔地2層
我黎到都夜，商場啲舖都收左皮
當然酒店都係新開既
搭lift上6樓先係Reception




今晚訓既房，Business Capsule，250蚊
話佢係Capsule簡直係悔辱左Capsule呢個字
佢只係一間冇門冇廁所既酒店房
有大量活動空間，張床又大
枱底係夾萬俾你當儲物櫃


門係百葉門，牆比較薄
所以比其他酒店既膠囊應聲
呢個係一個好重要既缺點



因為佢係商場既間隔
一層都幾大劏到好多個房
大到連reception姐姐都費事解
直接俾張地圖你自己搵
橙色嗰啲係獨立房
Compare番我住既藍色47號
啲房真係好撚大


都係送嗰啲牙刷耳筒剃鬚刀 (遙控唔係送)


你地唔係諗住我食嗰2舊野
今晚就唔駛食飯？梗係要食
原本今晚酒店唔係住呢間

陣間講下點解

今晚食小豆島ラーメンHISHIO 岡山駅前店
[Tabelog評分：3.59]
岡山數一數二既名店
你Google個店名都見到好多人食過
有哂日中英韓文餐牌




差唔多9點都仲幾多人去食
我就坐左係收銀前面
基本上7成都係食嗰個


醤そば (780yen)
一上枱就聞到好香醬油味
係好濃既魚介醬油湯底
第一啖飲落去會有少少煮燶醬油既甘味
但之後海鮮既鮮味同甜味就出黎
面頭既豆蓉係釀過醬油既黃豆
所以混埋落湯度會令個味道更加強烈
但係都真係幾濃味下
我中途都要飲幾杯水
叉燒又係用醬油醃過之後燒
燶燶地好香口
麵就好吸湯好掛湯，麵質唔錯



番到酒店就去沖涼先
我轉呢間酒店既原因唔止係佢新開冇耐
最重點就係佢有個浴場
個浴場仲要係有溫泉浸架
250蚊有得住有溫泉浸，去邊度搵
我住6樓，所以要上樓上




溫泉禮儀
浸溫泉前要沖左涼先，落溫泉唔好搵毛巾遮
反正細到睇唔到，而且沒有人愛你
除左有普通溫泉之外仲有個炭酸泉
一浸落去全身都會出泡泡
個身又會痕痕地，可以排出毒素同美肌
出番黎個人好舒服，值得黎試

浸完溫泉食lawson炸雞做宵夜
呢隻味辣得黎香，送酒一流但我飲明治奶



雖然個電視係大，但係個牌子驚爆炸


訓到中途俾鼻鼾聲嘈聲
邊條冚家剷連我戴住耳塞都聽到你係度kurkurkur
浪費哂個溫泉

早排係大阪自駕去出雲大社
附近有個燈塔行下

睇返個名叫日御崎

樓主點解唔第二日先由大阪出發去鳥取,可以買張關西地區鐵路周遊券一日版加山陰PASS,咁樣會慳D同埋唔駛第一日就咁趕,不過第二日就要早少少起身

本身我個plan仲好
用廣域pass玩5日
之後係岡山落腳
第二日就開山陰pass玩4日
之後又落番岡山
慢慢搭番大阪再玩番京都
咁樣交通駛最少錢

但係受天氣預告影響
話我去嗰期大阪鳥取天陰島根天睛
為左靚景先急急腳改plan拗個大彎

大阪去鳥取除咗搭鐵
仲可以拎遊客優惠搭1000 yen高速巴士