[腳痛勝景美食團]用12日獨遊關西 (山陰‧琴平‧天橋立‧京阪)

食完早餐夾好時間搭巴士
因為今日係星期日，所以有麒麟獅子號
佢會比日交巴士砂丘線平啲
頭班車都會早啲，經過多啲景點
持有令牌同JR山陰&岡山地區鐵路周遊券可以免費搭
架車都幾滿要企，起碼係山陰第一次見交通工具唔夠位坐


一落車已經係沙丘隔離
行樓梯上去就係沙丘範圍
行左陣發覺，屌係喎我有帶拖鞋
但對鞋已經入左唔少沙 (唉)
即刻換番拖鞋太陽眼鏡衝上去 (好彩有帶背囊+鞋袋)


行到上去，發覺著拖鞋會磨到趾罅痛
都係赤腳算，一開始好熱但慣左就ok
好，繼續！


鳥取砂丘地形係個馬鞍型
開始點同前面最高個馬背既地勢係下坡再上斜
係地圖平面睇係300m，實際可能超過400m
行左陣已經覺得係沙漠遇難feel


啲沙好幼，上斜一踩落去就陷哂落去
呢幅相完全表現到行上馬背位有幾斜


啲人都幾好野行到咁遠
行到黎呢度已經消耗左我半支水
難怪鳥取係日本中暑比率最高既地方之一
但係冬天又係豪雪地帶，真係鬼地方



因為本人行路快過小明
用10分鐘就行到黎登頂了，遠望日本海
呢個位係對住海參威方向(不過太遠冇可能見到)


因為都比較早，仲係好少人


呢度認真唔留得耐
一黎天氣太好曬到仆街
二黎你係冇可能企係度唔郁
因為啲沙真係好撚辣腳
所以留左半個鐘飲埋嗰半枝水就落番去


我見有人想就咁瀡落去
結果佢本人最後變左碌落山食哂沙
我搵左個冇咁斜既位慢慢行落去



就咁觀察，都幾多單人遊客過黎


行番有人地帶都係沙漠遇難feel
屌，今次仲衰，水都冇


行到落谷底，發覺前面先係打大佬
行番有人地帶其實仲辛苦
首先行去馬背已經消耗你唔少意志
二黎行去馬背係暗斜落急斜上
你行番番黎就會係急斜落大暗斜上
難度分係double
我行左成20分鐘先行到番有人地帶



兩位先生你地冇野呀嘛
著恤衫西褲皮鞋行沙丘
日本連登仔？

我上次去山陰，先用1000円既「まんが王国とっとり満喫周遊パス」去晒砂丘美術館、青山剛昌故鄉館、倉吉玩具模型博物館、二十世紀梨紀念館，再用4000円既山陰pass，喺72小時內去晒松江花鳥園、由志園、堀江遊覽船、松江城、小泉八雲紀念館、鳥取花回廊、足立美術館、水木茂紀念館、夢港塔，用兩張pass盡量去晒山陰出名既收費景點

我上次係5月尾去
所以1000yen大阪去鳥取又冇
呢張pass都未出

不過我山陰咁樣玩都覺得chur
你咁樣玩交通應該都趕到痴線

我著埋鞋行又覺得無乜野
行完晒落番石地先慢慢清理

我總共玩8日，所以唔算chur，不過交通方面就要安排得相當準確，唔可以浪費時間喺等車度，所以事前準備用我勁多時間

Day 1: 米子落機
Day 2: 鳥取砂丘、2000円的士去白兔神社、柯南機場、浦富海岸、仁風閣
Day 3: 青山剛昌紀念館、倉吉玩具模型博物館、二十世紀梨紀念館、赤瓦白壁土藏
Day 4: 出雲大社、松江花鳥園
Day 5: 由志園、堀山遊覽船、松江城、小泉八雲紀念館、宍道湖睇日落
Day 6: 鳥取花回廊、足立美術館
Day 7: 水木茂紀念館、夢港塔
Day 8: 境港漁市場

由良對面間單車舖有得擺行李,唔駛9 衝

Day 1: 米子落機
Day 2: 鳥取砂丘、2000円的士去白兔神社、柯南機場、浦富海岸、仁風閣
Day 3: 青山剛昌紀念館、倉吉玩具模型博物館、二十世紀梨紀念館、赤瓦白壁土藏
Day 4: 出雲大社、松江花鳥園
Day 5: 由志園、堀山遊覽船、松江城、小泉八雲紀念館、宍道湖睇日落
Day 6: 鳥取花回廊、足立美術館
Day 7: 水木茂紀念館、夢港塔
Day 8: 境港漁市場

你Plan得好充實
你8日有21個景點，我得3日半得9個景點
但係主要係因為我預交通buffer預多左
以為自由席/巴士要預早排隊先有位坐
結果山陰真係冇人

本身白兔神社同浦富海岸我都會去
但係去完鳥取砂丘就半中暑狀態
去埋我驚我剩番嗰7日唔駛玩
所以早左半日去姬路Hea

我dun極都有沙，可能鞋鬆
返到香港阿媽洗鞋問我做乜對鞋仲咁多沙係入面

因為嗰日係超長距離移動
松江 -(JR)-> 倉吉 -(巴士)-> 由良 -(JR)-[倉吉]-(JR)->鳥取
所以考慮過locker數量同附近有冇野行黎睇
都係放倉吉穩陣少少

lm跟機

我又冇計實際去咗幾多景點，因為有啲景點都唔知當一個定分開幾個，好似鳥取砂丘同砂丘美術館基本上係一齊會去，所以我冇分開計。我都有去吹打公園，之後仲因為太多時間剩去埋倉吉鐵道紀念館、打吹回廊，但呢啲地方又咁近赤瓦白壁，都唔知計唔計埋一齊好。另外小泉八雲紀念館純粹因為想去廁所，入場費又包埋所以入去借個廁所，順便兜個圈，都冇認真參觀過

我之前睇過啲遊記都知山陰出名少人，所以完全冇擔心過上唔到車既問題，大安旨意交通安排全部計到啱啱好時間
係松江搭Lakeline去宍道湖時架車意外地坐滿，我要全程企喺度迫車。同埋去足立美術館本來預到啱啱好JR安來落車就即駁到免費Shuttle，但點知架Shuttle竟然坐滿，不過好彩個職員叫我搭另外一架車都去到，但就要俾200円，我唔想浪費時間等下一班Shuttle所以照搭，不過好奇怪唔知呢架係乜嘢巴士，我網上完全search唔到任何巴士路線係由安來站去足立美術館的

逃出沙漠第一樣野要做乜
當然係dun番對鞋啲沙出黎啦
持續dun同拍左對鞋10分鐘
對鞋都仲係有沙，可能沙太幼
唉，著落唔刮腳就算
隔離有個遊客中心嘆左陣冷氣



之後行番樓梯上去第二個地方



頭先上去得20人
而家起碼多左幾倍人打大佬


砂丘地圖
現在地行去馬背直線距離都300m
你真係想慢慢行哂個砂丘可以行1日
不過記住天氣好到咁既時候記住帶多幾支水


北極未必有企鵝
但鳥取砂丘真係有駱駝架
我記得1個人港紙成舊水騎一陣，不了


行5分鐘就會到搭吊車既地方
可以上去山上面既砂丘中心睇下手信同遠眺砂丘
買左來回飛 (不過蝕左，我剩係搭左1程)




雖然下面有網
但係其實都幾唔安全
好似過山車有舊野頂住你都還好
不過你坐定定唔郁就冇問題既





想影我收錢？我擺左個既表情


向山下方向個防護墊咁既死款
真心有少少不安



上到去就係砂丘中心
有餐廳同超大手信舖可以嘆住慢慢行
入面9成手信都有得試食
塞滿個膠盒俾你夾黎食
呢啲咪識為消費者著想囉
有時想送啲手信但係得個盒靚
又唔知好唔好食，最後費時得罪人就唔買
不過呢度叫鳥取砂丘
基本上食既手信都係以咖啡同二十世紀梨做重點
但係點解咁多咖啡整既手信 (朱古力, 餅乾, 曲奇)
但係冇就咁咖啡粉賣既本人突破盲點


又係令和


出面有得180度高空睇沙丘


但本人不了，係個陰位坐係度望出去算
而家缺水，所以買左支二十世紀梨水
甜甜地幾好入口，最緊要係凍

我都冇搭到架吊車，因為山下係砂之美術館既入口，沿路參觀喺出口出返嚟就已經喺山上

因為我得4日所以行啲重點景點就算
如果有時間剩我係會追下一個景點
所以去鳥取訓嗰日我3點就完哂所有行程
如果你叫我呢個時間衝去砂丘又趕唔切食晚餐
其實好多時間浪費左，結果瘋狂行Aeon買snacks

足立我專登搭頭班車
我走嗰陣去過回程籌嗰度睇過
未來2個鐘走既回程籌都拎得7788
遲到真係未必走得切
但架巴士真係未聽過

架lakeline係我係日本第一次試過成班車無撚左，睇完日落等極都無車要自己行返去JR站

架巴士好似私人小巴仔咁，只係擋風玻璃有個細細個既牌寫住「広島」，段估唔會200円去到廣島掛
去足立美術館前都停咗幾個站，司機仲同中途既乘客好熟咁傾偈，可能本身只係服務附近居民既民營小巴，唔會預俾旅客坐掛

個縣叫鳥取, 但個鳥取市好似有結界咁無咩人
最多人係沙丘, 機場, 境港同米子
對個市唯一印象係食左餐好正的午餐同城個遺址影出去好有feel

米子～広瀬線
https://www.city.yasugi.shimane.jp/kurashi/sumai/yellow-bus/yellowbus.html

鳥取城除左粒天球丸之外完全係無野睇

竟然俾巴打搵到呢條線
咁我應該睇錯咗「広瀬」做「広島」
我就係13:00班Shuttle full咗所以個職員叫我搭12:59班巴士，時間都啱晒肯定係呢班巴士了

因為果時planning想去埋月山富田城
所以有少少印象

呢架lakeline唔同月份班次時間亦唔同，頭班夕日路線時間亦唔同，會唔會你等車嗰刻啱啱變成夕日路線變咗唔經你等車嗰度？

我等果架就係夕陽路線，特登加停嫁島果班車黎
我見同站好多遊客係到鳩等，不過我要趕JR就自己行返去好在只係20分鐘

我二月去同一間嘢食午餐
都係坐同一個位