非常認同
由其覺得自己好廢, 但係我做得都好似已經做曬
感覺好無助, 屋企人愈係講唔洗咁急, 感覺就愈差
其實可以試下同fd傾
再唔係試下搵大學果啲心理輔導開解
我自己都試過有情緒病
同人傾下好過自己係咁諗好多
我都係求緊普通工咋
就係知mt唔易
俾啲自信自己
諗下如果你自己都唔信自己，人地老細or hr又點會信你呢
我明白心理壓力喱啲真係唔係話改就改
我自己當年抑鬱症都用咗差唔多大半年先好返啲
但喱啲時候真係你自己先幫到你自己
仲有人比人真係比死人
有時候與其不斷同人比較，不如將個focus放返落自己到
人地點生活做咩好工關我蛋治咩
有句說話我成日同自己講，【各有前因莫羨人】
咁樣自己會過得開心d
有時真係難唔同人比較
尤其入到同入唔到mt prgram真係差好遠
巴打果時因為事業？
係難㗎，需要啲時間適應
講真我今年搵工都會上linkedin睇下之前果幾年啲人係咩background
但我只會take it as a reference
就算你on paper qualification or experience 好過果啲人都唔代表你會有offer
你又唔係24小時同果個人相處，永遠唔知佢地點解會俾人請
可能佢真係做咗好多research好了解果個行業做咩，可能佢interview好過你
或者黑暗啲，可能佢識人，甚至可能佢純粹好運
與其係到妒忌人，不如諗下自己點樣可以做好啲
喱樣對自己心理影響好大
而入唔入到mt program喱啲其實無你哋諗到咁大分別
好似上面都有巴打講過mt都唔會保證你飛黃騰達，mt個名過多幾年無人會記得，記得嘅只有你嘅工作表現，到最後都係靠你自己
人生好長，唔好比一兩件事就抹殺咗你自己同你過去嘅努力
而我自己果時情緒病都唔只係事業嘅，有好多因素，雖然事業算佔大部份
果時係覺得自己做咩都做唔好搞到咩都無心機做
有幾個月係每日都行屍走肉咁，除咗食飯訓覺，做嘢係人地叫到先hea做
過咗幾個月自己覺得咁都唔係辦法先去睇醫生，發現有輕度情緒病
但其實醫生都幫唔到啲咩，最多都係引導你去諗嘢正面啲，到最後都係要靠你自己
其實每個人都有自己嘅煩惱，你依家可能煩緊無offer，到你有offer又可能會嫌唔夠好or煩升職
例如我有fd做緊ibank，佢又會驚會被人炒
問題永遠都有，點面對就要靠你自己
不過聽落搵唔到既人佔大多數
