分享下幾間買嘢嘅經歷先 排名不分先後
諗到邊間就講邊間
crystal天然
呢間係我喺instagram 廣告見到佢啲碧璽所以follow咗 不過最後無係呢間買碧璽 買咗堇青同坦桑
我係online shopping嘅無親自去睇同摸
不過店主算幾nice 會影幾條俾你揀 知道你大概budget 會再影 唔算會硬推貴貨
坦桑實物就無佢影俾我睇咁透 不過6xx左右一條算係咁吧 一分錢一分貨
透閃嘅寶石級坦桑好少有 之前見另一間舖嘅坦桑好靚但態度問題所以無係佢度買
依家物色緊條靚嘅希望可以一步到位
後未係佢舖頭買咗條紅紋都不錯
呢間就正正常常態度都唔錯 又有實體店 唔鐘意網購想睇實物再決定嘅朋友都可以望下
Crystal gem wxxxxx
呢間都係朋友推薦先識嘅 摩根同月亮都幾靚仔 係post有報大概價位 咁大家可以有個預算先
同埋有工作室可以上去睇貨
不過淨係幫襯咗一次 買高冰摩根 佢之後無再翻高冰貨所以暫時未再幫襯
可惜嘅係條摩根我之前唔小心勾到衫扯斷咗
買咗無幾耐咋嗰時 仲要無影過相
覺得幾抵實物真係好透好靚先400左右鬆啲
會問你手圍再幫你改 態度不錯
西九車仔
最近放低咗好多錢係呢間 入門級推薦
間唔中都會翻下貴嘢 但好快俾人搶哂 之前想買橙七諗遲半秒都無嚕
不過得兩個人做 有時whatsapp問嘢無咁快覆
要買靚貨 有時都係live搶 都係靠快 但搶完睇中第條可以俾你換 (第二條無人搶咗嘅前題下)
利申太懶唔想去門市
我自己有時咩晶都想買下嘅時候 平平哋入手可以揀呢間
明碼實價 有門市 唔洗膽戰心驚問價我覺得幾好
其他無提及係因為我無買過所以無購物經驗分享到