水晶撚入黎（9)

如果淨係追求品質唔理價錢有無邊間介紹
我呢個月行左好多間大多數都中上水平，無咩專賣比較靚品質既店

見到ig隻水晶好特別，有d似麥提莎咁，好想知係咩黎，會有巴絲識嗎？

當你試過一樣質數但價錢可以相差一倍以上就唔會咁諗因為發現個一倍價錢可以追求更靚

好似係美國Sedona 出產嘅岩石
係靈氣重嘅特別嘅地方（我feel唔到）
自己睇嗰度啲石有陽光嘅話應該係橙橙地色
呢種好似一隻叫做Mochi Marbles
Btw啱啱喺講故台見到你 故唔到

想知too

我諗師兄既意思應該係想追求高質, 唔介意貴d?
師兄可以分享下你行過中上水平係咩舖頭?
因為好難定義點為之中上
你係中意實體店買野嗎? 唔知道我認知既高質同師兄一唔一樣

唔該師兄啊
用你個keyword search到moqui mables, 我諗應該係同一隻石
其實外國好多礦石香港冇引入, 好想認識下
BTW我追緊幾個故, 唔知你喺邊個見到我

我都係估估下咋
因為自己覺得嗰度出名嘅通常都係淺色啲嘅
不過外國我覺得手鍊冇咁流行
通常鍾意玩原石 或者一粒粒咁買
之前見過水晶按摩
而且好多信能量嘅
會寧願自己去嗰個地方

我見日本多好多
透明嗰隻天珠自己好想要

銀仔嗰個
不過我睇愛情故事多啲

大部分其實我無睇名，見到水晶鋪就行入去望下
我個人可買可唔買既話就唔會買無咩會令我眼前一亮既鋪
不過SOGO見到條老蜜蠟好正，但雖然話可以追求品質唔理價錢
但佢個價又離撚哂地最深色個條好想要

啱啱入坑一個月

答錯左呀sad

如果信能量既話原石冇打磨過係最天然最好
但覺得手串戴上去方便過一粒粒原石拎喺身
好想試吓水晶按摩但香港唔多覺有，本身之前都有去按摩
之前去日本既時候有特登行下水晶舖
見到有塊舒俱萊原石超靚，但太貴唔捨得買
上網都見過你講既日本隻透明天珠
嗰陣都好好奇明明天珠係西藏出，但點解日本咁多
不過我就中意老天珠多d

一粒粒撚感覺爽d
之前同外國人講感覺好奇怪
聽英文好唔慣
而且好多中意自己去執多過買
按摩自己覺得麻麻 有d overrated
太貴 而且技巧用具差唔少
寧願普通Facial比啲水晶波波碌下好過
蜜蠟都係日本多啲
等我上面po啲野到左再去買多d

條老蠟好正啊
啡色係老山壇？
師兄你一入坑已經追精品啊，紫鋰又透又紫仲有貓眼
不過小心唔好曬太陽，會變淺色架

有得執原石好正喎
唔知有咩地方可以唔洗開採，而係直接有礦石/水晶可以執
我都好想去波羅的海試下會唔會執到蜜蠟
之前聽過某個時節個海會沖到蜜蠟上沙灘

唔同唔同
外國玩好多係岩石類
例如你問果條
唔洗開採
就算係通常都好細粒
見到啲人好有心機咁
拎晒工具慢慢搞
自問冇呢個心機

唔係成日叫人直接追精品
係呀老山壇
淨係運費都幾百蚊
佢係我第一條決定買
一開始諗住淨係買一條
買條幾百蚊 運費幾百蚊好似唔值

我都係鼓勵追精品架，一步到位唔洗買咁多條
高貨真係好好丁
我都分享下條拉利瑪先，雖然未係最top，但都有一半以上d紋係幾明顯，又有幾粒，玉化，以千幾黎講算幾滿意

有段時間好沉迷買左幾條精品，但手得兩隻自己好少帶3條或以上，其實應該早啲收手

可以輪流帶

我中意呢種多過top
天藍好靚
不要再說了想再買
依家閞始收單珠
想砌條獨一無二

明知自己得兩隻手戴唔哂，但真係忍唔到手
但有時喺屋企丁下晶，好有滿足感
水晶真係一個深坑黎架，依加限自己每月最多買一條
有差唔多二十條手串，計埋原石，吊墜成三十條咁滯
每次出街帶一條吊墜，三條手串，輪流戴都戴唔哂
但自己又唔中意戴太多，一黎睇落好誇張咁，二黎會好重搞到打字好攰

最後十幾廿條，每日帶一條但全部精品既話覺得好浪費

我精品得6條左右都覺太多，未計擺設