呢種烤得都比較勁喎,唔建議買啊
其實蜜蠟咁樣烤過,d琥珀酸都已經冇哂
冇理由因為優化好盛行,就焗d消費者接受 (如果消費者追求外觀但又想平就另作別論)
因為天然雞油黃比較難有,所以商家就透過烤色滿足需求
但既然你想追求天然,就唔應該妥協
同埋天然蜜蠟真係好玩好多架
會睇到佢反花,同埋會好潤紋路會明顯左
分享下自己收藏既第一條白蜜蠟,雜比較多
有張紫外光燈相請大家指教下,問過賣家話冇注膠過
利申唔係專家,只係普通愛好者
我自己一開頭本身係比較中意白蜜蠟,所以唔擔心烤色
不過白蜜蠟就要留意水煮問題,通常要特別留意紋路
如果太均勻,攪拌紋好人工就要小心唔好買
而且蜜蠟都係可以隨時間顏色變深同包漿
推介你睇芸芸個ig,有見過佢賣帶皮色蜜蠟
不過佢本身賣玉多,蜜蠟要等佢偶爾先番貨