連劇情同畫面都處理唔好
點可能只問立場不問質素
就算佢入面玩唔同symbol點明示暗示政治立場都好,都改唔到成套戲本質上太差劣。
劇情鬆散,對白節拍奇怪,過場突兀,對白同演員生硬,行為動機不足,角色塑造欠奉,劇情舖排明顯冇節奏感,打戲唔好睇都算,作為喜劇,連笑位都唔算成功,上面講到有咩手法咁撚勁真心想賜教,老實講,無論係對白上嘅安排,抑或一個場景嘅笑點安排都好撚低手
唯一可幸之處係黃子華都明白喜劇係人生中黑暗面嘅反諷,但兩個角色嘅行為動機完全係推砌出嚟,絲毫感受唔到佢哋嘅爭扎,本來個劇本同畫面理應可以處理好好多,男女主角各自有動機去救贖自己,結果因為要用喜劇手法做串連而冇哂成件事,劇情放埋一邊,論喜劇,喜劇令到觀眾笑就叫成功,但係成套戲笑點嘅安排從節奏、笑話本身同表達手法都不濟,重覆又老套嘅笑話,難為哂一班好演員,就算農夫、蝦頭同周家怡演技點成熟都好,都救唔返咁爛嘅劇本同表達手法,四個字總結:慘不忍睹
如果班黃屍帶要睇好黃好本土嘅電影
香港其實有好多,唔使係到扮哂突然支持本土文化,好撚嘔心,如果真係支持嘅,獅子山上就唔會連落撚咗都冇人知
單問政治隱喻同表達手法,
我寧願睇多幾次三夫,都唔想睇多一次呢套戲
以戲論戲,至少三夫呢類先鋒電影明買明賣,完全唔理市場玩到盡,唔似呢套扮高手故弄玄虛,完全平衡唔到商業同編導個自我,淪為一堆有香港明星嘅場景,仲要係長達接近2個鐘。
anyway,
若然只問立場,結果只會導致劣幣驅逐良幣