同初戀女友一齊左一年,分左手到而家三個月。當時佢話佢只係拍過個零月拖,未算真係拍過拖。拍拖個一年其實對方都有講不下十次分手,原因係對方覺得我唔夠好,同人比較起黎冇佢口中所講既人咁叻,我自己都有提過兩次,因為我頂唔順佢係咁講分手,但最後大家都有唔捨得大家,我都唔想放手,因為我真係好愛佢。
係一月既時候佢再講分手,我都唔挽回喇,因為已經講得太多次。分左之後因為我同佢同系,有好多堂一齊上,成日都會見到。我見親佢個心都好痛放唔低,上個月下定決心追返佢,原來佢散左未夠兩個月已經鍾意左第二個人,話係工作既同事,仲表埋白,佢話個個人唔鍾意佢。我問佢可唔可以比多次機會大家,佢個時話對我冇feel 叫我追返佢。
佢當時講話我愛佢就應該要包容接受到佢心目中有第二個人,因為佢自己都係咁。約佢出去佢會出,講其他野都好開心,但當一講到起埋一齊既問題就拖得就拖,避得就避。幫佢佢唔會拒絕,佢話自己唔係收兵,佢話只係唔知朋友互相幫助既界線去到邊到,佢話只係當我朋友。咁我就問佢有冇愛過我,佢話未一齊前有,但一齊左之後就冇,當初鍾意我係因為比前一個hurt 太深,而覺得我冇傷害性,但今日唔鍾意我都係因為呢個原因。。。因為佢覺得佢已經淡忘上一個hurt 佢既人。
其實我知道佢唔愛我,就算我好愛佢事事為佢著想也好,但佢一d都唔care,換來既係一刀一刀插入我心臟。當初我幾個兄弟話 gp pj 同埋我一組,我見佢咁慘冇組就on99 嗌埋佢一組,同埋都想多d 機會同佢相處。佢個時竟然同我講又話好欣賞我兄弟,琴日約出黎傾,佢病左冇黎都冇同我講,正係同我兄弟講,總之有咩野都唔會同我講,正係會同佢講,私下都有不斷whatsapp 佢。我個心好撚痛,當我一諗到同佢地傾gp pj佢地會係我面前卿卿我我,我個心就好痛 ☹️我唔想再虐待自己,今日我忍唔住whatsapp佢,叫佢調過第二組
,佢話調組個個應該係我,但佢冇黎我地已經開始左做,我就答佢我地已經開始左做。跟住佢就冇覆到我。因為好多組都開始左做,而家叫佢搵過組係好難,但我唔叫佢走,一諗到佢地係我面前個心就好痛,佢仲要話係好欣賞佢,如果會鐘意都係鍾意佢,當初仲要係我on99介紹佢地識,一諗到個心就好似比一萬把刀插咁。我唔係想傷害佢,我咁做係為左自己見唔到就可以快d 放得低。我究竟應該點做好☹️
read
我唔講條女有幾仆街啦
不如我講d野 你跟住做
首先block佢whatsapp fb ig
收埋佢送比你d野/關於佢既物件
同你個frd(佢想溝嗰個) 講佢有幾仆街
唔理高短肥瘦都好 邊度識都好
你每日同至少5個異性whatsapp
加油