閱語殘片
2019-09-06 15:25:20
「食咩呀變態佬。」小蔚白了我一眼說。
如果可以的,當然是吃你。
「A餐,可樂。」我笑道。
「去搵位啦你,一陣冇位就企喺度食架喇。」小蔚推了我一下。
我找了張空桌坐下,然後等待小蔚,沿途看到寶珊在我身邊經過。
「Hello,招仔?」寶珊向我揮揮手。
「喂Hi,一個人?」我問。
「唔係呀我同Friend食。」寶珊微笑地說。
「係啵聽呀逸講我哋旅行會一組。」寶珊說。
「係呀,仲有小蔚。」
「哦...好啦!我去買飯先。」寶珊若有所思地點點頭,便離開了。
此時,小蔚剛好與寶珊擦身而過,小蔚用一個奇怪的眼神瞄了寶珊一眼,然後坐下來。
「乜你都有女仔朋友。」小蔚皺起眉頭說。
「唔熟架。」我聳聳肩道。
「哦。」小蔚點點頭說。
「同你最熟。」我笑道。
「唉去死啦你。」小蔚白了我一眼說。
我們一邊吃飯,一邊聊天旅行的事。
「你知下星期旅行要分組架可。」我看著小蔚說。
「知呀,不過我冇組。」
「我哋一組啦。」我說。
「唔係四個人一組咩。」小蔚掩著嘴巴說。
「仲有逸哥同寶珊囉。」
「哦...原來想藉機溝女班長。」小蔚向我報以一個古惑的眼神。
「屌梗係唔係,寶珊係逸哥搵架。」
「咁點解你要搵我。」小蔚托著下巴說。
「呃...咪...驚你唔識人,順便叫埋你。」我支支吾吾地說。
我不會告訴你,我也有私心的,呵呵。
「咁好死...?唔似你喎。」小蔚偷笑地說。
「超,我不嬲好,係你唔識欣賞。」
「聽住先啦。」小蔚沒好氣地說。