閱語殘片
2019-09-09 22:36:00
眾人陸續下船,在長洲碼頭上等候。
「好耐冇嚟喇。」寶珊伸一伸懶腰,微笑地說。
「我都係。」逸哥說。
「小蔚你呢?」逸哥看著小蔚說。
「兩年前嚟過一次。」小蔚若有所思地說。
此時小蔚別過臉瞄著我,仿佛在等待我說話。
「唔洗問我,我未嚟過。」我聳聳肩道。
黃SIR說現在先去皇冠大酒樓吃飯,然後才開始今天的活動,於是眾人便跟隨著幾位領隊老師,前往酒樓。
片刻之後,Mandy突然走到我們之中,然後挽著小蔚的手臂。
「蔚蔚!」Mandy興奮地說。
「Mandy?做咩過嚟嘅?」小蔚微笑道。
「掛住你呀嘛!你冇事嗎,面色唔太好咁嘅?」Mandy皺起眉頭問。
「冇事,頭先有啲暈船浪。」小蔚說。
Mandy瞇著眼睛,對逸哥和寶珊笑了笑,然後又用一個奇怪的眼神瞄了我一眼。
「我借一借走佢!一陣還返俾你哋!」說罷Mandy便把小蔚拉走。
逸哥跟我互相看著彼此,我攤攤手表示跟我無關,寶珊則在一旁抓著頭。
我們到達酒樓後,逸哥和我特意留了一個位置給小蔚,便開始吃飯。
長洲的酒樓不多,但食物質素也挺好的。
「唔知頭先Mandy帶小蔚去邊呢。」逸哥吃了一口燒賣說。
「點知佢,條友一時一樣,咁撚跳。」我不爽地說。
「睇嚟你仲好憎佢。」逸哥笑道。
「你哋講緊咩?」寶珊一頭霧水地問。
「喔冇事,食嘢食嘢。」我說。
男人不壞,女人不愛。
像我一種男人,怎會有女孩子喜歡。
何況是Mandy這些女生。
過了一會,小蔚就回來。
「唔好意思呀,頭先我堂妹有事搵我。」小蔚看著我們說。
「唔緊要。」逸哥微笑道。
「兩條女肯定唔知講咗啲乜...」我碎碎念著。
「嗯?」小蔚皺起眉頭看著我。
我搖搖頭,便叫小蔚坐下來吃東西。
「招仔。」小蔚在吃飯期間說。
「做咩。」我把一整條叉燒腸粉放進口裡。
「你呢...係咪同Mandy好熟?」
「咳!咳!咳!」小蔚突如其來的問題害我噴了數粒叉燒出來。
「做..做咩咁問,唔算好熟嘅...」我尷尬地看一看逸哥,又看著小蔚。
「係呀...冇我問下啫。」小蔚說。
「哦...」我點點頭,便繼續吃東西。
莫名其妙,又會無故問起我和Mandy,不管了,可能Mandy已經跟小蔚提及我曾經追求過她的事。