閱語殘片
2019-09-11 02:47:17
我們跟著黃SIR前往東灣泳灘,今天好像會先玩一些團體遊戲,之後是自由時間,大約黃昏時分才會有探險活動。
吃過飯後,雖然已經很飽,但我不忘掉吞兩粒香蕉軟糖,好讓自己精神一點。
「頭先間酒樓啲嘢都幾好食。」逸哥說。
「香蕉糖仲正。」我淡淡地說。
「睇住你由中一食到中六。」逸哥笑道。
「小心蛀牙!」寶珊微笑著說。
「佢會驚咩。」小蔚瞄了我一眼說。
「你個樣仲得人驚。」我說。
小蔚瞪著我,便拉走寶珊閒聊起來。
雖然是平日,但長洲的遊客還是十分多,坦白說我也有點期待,好歹是第一次來,也想見識一下這裡到底有什麼吸引之處。
片刻之後我們便到達泳灘,在放置好個人物品後,各個班會主席就開始帶領活動。
「我哋會玩咗閃避球先,之後就係拔河!」隔壁班的班會主席喊道。
我留意到班上有幾位女同學在竊竊私語,不知道在討論什麼。
「咁熱仲玩呢啲...唔玩啦。」其中一個女生臉上露出嫌棄的表情。
「係囉仲細咩,直接自由活動啦。」另一名女生雙手抱胸道,仿佛非常不滿。
陸續有同學表示不願意參與遊戲,然後坐在一旁抗議,黃SIR和幾位班主任立刻走到一角商討。
「都最後一年,玩下有咩所謂。」逸哥顯得有點無奈,然後看著我說。
「都係嘅,當係回憶都好。」我說。
「做下運動咪幾好,睇下招仔。」小蔚笑道。
「咁招仔又真係幾瘦嘅,嘻嘻。」寶珊說。
「係喇係喇,邊夠逸哥大隻呀。」我看著逸哥,不爽地說。
最後黃SIR還是在眾人的壓力下屈服,直接給予同學自由活動的時間。
看到幾位班會主席的臉上露出失望的表情,也對的,始終他們準備遊戲都需要努力,現在又沒人參與。
要是我,應該會直接去跳海。
「咁大家自由活動啦...記得五點前去碼頭集合,到時安排咗嘢俾大家做架...唔好走咗去。」班會主席說。
於是眾人便興奮地各自離開泳灘,而我和小蔚她們則站在原地。
「我哋去邊。」我淡淡地說。
「去北帝廟影下相?」逸哥建議道。
「好喎,我想影相呀!」寶珊雙手拿起掛在胸口前的數碼相機說。
「我去邊都得。」小蔚聳聳肩道。
「招仔你呢?」逸哥問。
「冇所謂。」我攤攤手道。
「咁出發啦!」逸哥笑道。
結果,原本的班會活動,變成自由時間。
閱語殘片
2019-09-11 16:26:19
原來的團體活動變成自由時間,可是現在才十一點多,還有五個多小時才需要去碼頭集合。
「今日咁好天,把握機會影下相啦。」逸哥站在北帝廟前抬起頭說。
「小蔚,你原本間學校嘅旅行係點架?」寶珊微笑地說。
「其實冇咩特別,都係燒下嘢食。」小蔚說。
「間間學校啲旅行都係差唔多架啦,係睇下同邊個一齊玩架啫。」我淡淡地說。
「又係嘅,不過辛苦呀逸囉,要同你呢個變態佬玩足六年,真係慘。」小蔚雙手抱胸笑道。
「食屎啦你。」我白了小蔚一眼道。
逸哥和寶珊拿著電話和數碼相機在北帝廟附近拍照,小蔚則站在原地四處張望,而我當然是隨心所欲地逛起來。
逛了一會兒有點累,逸哥他們又未拍完照,我就到北帝廟下方的球場石梯邊坐下來休息。
今天也算十分炎熱,估計有三十多度,我已經滿頭大汗。
「熱到癡線......」我擦一擦汗,然後在背包拿出一顆香蕉軟糖咀嚼起來。
突然,小蔚走到我旁邊坐下。
「唔去影下相?」小蔚淡淡地說。
「冇咩興趣。」我咬著香蕉軟糖道。
「請我食一粒得唔得。」小蔚說。
「拿。」我把軟糖遞給小蔚。
「多謝。」小蔚微笑道。
我們靜靜地坐在石梯上,等待逸哥和寶珊。
「招仔。」小蔚突然別過臉看著我。
「咩料。」我說。
「你同Mandy拍過拖?」小蔚微笑道。
「下,呃...做咩咁問...」我尷尬地說。
「啱啱見到Mandy望你個眼神有啲古怪,我都係估下。」小蔚聳聳肩說。
「其實都唔算...我哋...一齊咗兩個禮拜咋。」我低下頭來,因為不太想提起這段糗事。
「怪唔之得上次問你Mandy鍾意啲咩,你會咁清楚啦。」小蔚向我投以一個質疑的眼神。
「..........」
「講笑啫,但點解會分手?」小蔚問。
「我..我..我戴綠帽。」我支支吾吾地說。
真是尷尬。
「哦...」小蔚似懂非懂地點頭。
本來以為小蔚聽到這個原因後會恥笑我,可是她又沒有,真是奇怪。
「我俾人派帽,你唔驚訝咩。」我問小蔚。
「嗯...其實Mandy份人係貪玩啲,所以都唔意外。」小蔚看著我說。
認識了小蔚一個月,雖然她為人很市儈,又嘴賤,但不得不承認她很成熟。
「不過你俾人派帽都好正常。」小蔚說。
「你係咪串緊我樣衰。」我無奈地說。
小蔚站起了起來,然後看著北帝廟。
「自己諗啦,呵呵。」
此時,逸哥和寶珊也走了過來。
「有咩咁好傾呀你哋。」逸哥搭著我說。
「佢話你好靚仔。」我指著小蔚說。
小蔚瞪了我一眼,又靦腆地別過臉。
「講呢啲,喂我哋返去沙灘好冇,去幫你哋影下寫真,等你哋Po Instagram。」逸哥笑道。
「咪搞啦...我都唔用Instagram嘅。」我說。
「咁人哋小蔚可能有用呢,係咪?」逸哥微笑地看著小蔚說。
小蔚掩嘴笑了笑,然後聳聳肩地看著我。
「是但。」我淡淡地說。
「咁我哋出發啦!喺沙灘影完之後就去買啲嘢食!再周圍行下就應該差唔多夠鐘去探險!」寶珊說。
於是我們四人便再次回到泳灘。