閱語殘片
2019-09-24 23:36:25
「叮」升降機門打開。
「早晨呀小蔚。」我說。
此時此刻的小蔚靠在一旁低下頭,雙手抓緊書包的肩帶,好像沒注意到我般。
「小蔚?」直到我拍拍她,才反應過來。
「呃,招仔。」小蔚緩緩抬頭,微笑道。
「你...對眼做咩咁腫?」我一邊按下關門鍵,一邊看著小蔚說。
「琴晚瞓得麻麻哋...」小蔚搖搖頭說。
「哦...你...琴晚去咗邊嚟?」昨晚小蔚離開自修室後,沒有跟我一起回家,而是叫我先回去。
「琴晚?我....我返咗港島嗰邊...」小蔚眼神閃縮地說。
「返去探屋企人?」我問。
「係呀.....招仔我哋去食早餐好冇?我想食雪菜米!」小蔚微笑起來,抓住我的手臂問。
「好呀。」我看看手錶,仍然有很多時間,便跟小蔚去大快活吃早餐。
小蔚似乎已經沒有什麼事,那就好了。
前往大快活途中,小蔚叫我電話拿出來。
說要替我安裝Instagram。
「玩下IG啦,你個小毒毒。」
「唔好喇掛...」我無奈地說。
「嚟啦,你唔想睇我啲相?」小蔚突然挽著我,瞇起雙眼笑道。
咦,似乎又很吸引。
會不會有些很性感的照片?
但我真的對玩Instagram沒興趣。
「唔啦...我...」
「拎嚟。」小蔚忽然女王上身,用命令的口吻吩咐我把電話給她。
我吞一吞口水,便把電話遞給小蔚。
真是拿她沒辦法。
「一陣食嘢再幫你申請個Account。」小蔚伸一伸脷說。
「係嘅係嘅。」我點頭道。
吃過早餐,我們便踏上返校的路。
「banana_051?」我看著電話說。
「係呀,你咁鍾意食香蕉糖,咪幫你改呢個名囉,密碼係你手提電話。」小蔚雙手抱胸道。
「哦...唔該喎。」我笑道。
「洗乜客氣。」小蔚輕拍我說。
回到課室時,我才記起一件事。
我的電話數據只剩下數百MB。
午膳時,我偷偷地拿出電話,查看Instagram的檔案大小。
「一百MB.........」
「我屌....」