秋意漸漸濃厚起來,早上起床打開窗戶時也不禁顫抖了一下。
然而逸哥在這時候致電了我。
「對唔住呀招仔,呀爸突然要我同佢去九龍食飯,我冇得托手踭。」逸哥在電話裡頭說。
「逸哥,你唔係咁大整蠱掛...」我拿著手提電話,呆呆地說。
「我都唔想,但呀爸要我去都冇得唔去。」逸哥帶點無奈地說。
不過我也明白,富家子弟就是常常要出席不同的飯局應酬。
「咁一係改期?」我說。
「唔洗啦,你同寶珊小蔚去咪得。」
「下,真咩,咪住先...寶珊會唔會都唔嚟架...定係你同寶珊夾埋玩我同小蔚...」我突然發現有點不對勁。
「屌唔係啦,我真係唔得閒,寶珊會嚟,放心。」逸哥堅定地說。
「係咪架...唔好點我喎...」我說。
「屌,呃你嘅我一世單身。」這麼狠?
「咁..咁好啦。」
不過,一皇兩后...爽。
爽...爽個屁,我們三個人肯定很奇怪。
跟寶珊又算不上很熟。
逸哥不在的話不知道可以跟寶珊說什麼。
算。
我掛掉電話,便去洗澡更衣。
在廁所出來後,發現小蔚Whatsapp了我。
「十一點樓下等?
![](https://cdn.lihkg.com/assets/faces/normal/smile.gif)
」
於是我便回了她一個「OK」。
差不多十一時,我就出門下樓。
剛走出升降機,發現小蔚居然在另一部升降機走出來,我們對視了一眼,一起笑了笑。
「乜咁啱呀招生。」小蔚笑道。
「藍小姐早晨。」我說。
今天小蔚的打扮算是比較文青,上身是淺藍色的短袖和米色薄襯衣,下身則穿了一條深藍色牛仔長褲和帆布鞋。
「幾靚。」我挺滿意地點頭道。
「係?多謝啵。」小蔚說。
於是我們便去了大快活吃早餐。