閱語殘片
2019-09-06 15:03:49
讀了五年中學,第一次跟美女做同桌,當然不可以放過這個機會,趁現在多跟小蔚聊天。
「你知唔知因為你搬入嚟。」
「我成個暑假都俾啲鑽牆聲嘈住。」
在上中文課時,我跟小蔚說起這件事。
「我都唔想架喎,鬼知你住我樓下。」小蔚別過臉看著我說。
「為咗補償我嘅損失,你一陣要請我食飯。」我笑道。
「咁都得...」小蔚無奈地說。
「哎...你鍾意啦...」小蔚沒好氣地搖頭說。
「好耶!」
在小蔚去洗手間的時候,霆爺又轉過身跟我說話。
「偉哥,點解你咁易約到佢食飯?」
「唔知喎...你約唔到咩?」我托著頭說。
「屌,你俾咗佢電話我之後。」
「我日日搵佢!佢都藍剔我呀!」霆爺憤怒地說。
「呃...幫你唔到...」我尷尬地說。
霆爺無奈地轉過身,我又拿出書包裡的香蕉軟糖,咀嚼起來,此時小蔚剛剛回來。
可能是香蕉的氣味太重,吸引了小蔚的注意。
「你食緊咩?」小蔚噘起嘴問。
「香蕉糖,你試唔試下?」我把一粒香蕉軟糖遞給小蔚。
小蔚接過香蕉糖,撕開糖紙後便吃起來。
「係咪好好食呢。」我自豪地說。
「嗯...一般般~」小蔚擺出一副囂張的表情說。
「真係唔識欣賞...」
剛到午膳時間,小蔚說她先去一去洗手間,而逸哥就走到我身旁。
「喂招仔,下星期旅行要分組,一齊?」
「好呀,反正我都係一支公。」
最後一年的學校旅行是去長洲,聽說我們中六這級會有探險活動,要四人一組。
「我搵咗寶珊,你搵多一個啦。」逸哥說。
寶珊是女班長,雖然她戴著粗框眼鏡,一副學霸的樣子,但聽聞寶珊穿起便服的樣子很漂亮。
「你搵多個啦...我邊有女仔Friend呀。」
此時,窗外的小蔚撐著腰,敲了敲玻璃窗。
我跟逸哥對望了一下,仿佛知道第四個組員會是誰。