今日係辛苦嘅雨戰,我D紙都濕左
特別係前期嘅畫係一路滴住雨咁畫
在豪雨當中,我和七個人塞係一個簷篷下面避雨。
因為雨點嘅原故,所以基本上睇唔到我畫左D咩
不過我覺得D雨點效果幾靚所以照KEEP。
兩點幾,藝術館下面的人開始行,我先可以轉移到一個比較大嘅地方件畫。
人群當中,有人企係電箱上面高舉美國旗。
尖沙咀站有人用鐵制扶手敲打地鐵出口的強化玻璃,有和理非用雨傘掩護。
但我覺得Lee個舉動對示威行動有害
因為個出口封左,你爆玻璃只係開路比黑警衝上黎
一係你直撞衝落個站入面快閃,一係你就裝飾下就算數
唔好做D唔做D幫POPO開路
遇見同樣在示威現埸畫畫的同行!
她是個藝術學生,表示等朋友無聊時用畫簿畫下速寫。
佢唔識聽中文,我同佢全程用英文溝通
佢畫畫下佢支筆無墨,我比幾支炭筆同擦膠佢用。
油麻地站出口被黨鐵關閉,示威者馬上用紗網,竹支和欄杆築成防線以防警察由站內衝出來。
有記者係沙網上面拍站入面嘅情況
有三個人舉著台灣的青天白日滿地紅旗站在花槽上揮舞;遠處有個美國旗手。
示威者以膠喉在路中心拉上封鎖線。
在被圍封的中銀分行木板上塗鴉的示威者
雖然示威者在破壞港鐵站,但旁邊的報紙檔依然照常營業。
因為她知道「黨鐵是恐佈襲擊的共犯」才被示威者攻擊,就算他們有攻擊行為也不會傷害其他店鋪。