是咁的，我係一個記錄示威嘅畫家

今次繪畫我覺得自已炒炒地粉
因為過往我都係畫大局為主，人物主要抓個形態畫幾筆就搞掂
但今次行動反而無咩遠景同大局可以畫，我開始集中係個別示威者上面
需要繪畫人嘅細節

人嘅五官，肢體嘅比例，衣服嘅摺痕等等都係需要注意
而LeeD都係我過往畫遠景好少會處理嘅野

係畫室畫人像我有時間慢慢雕琢
出到黎速寫我就要一筆到位，無時間比我慢慢執

係，一筆到位只需要幾秒時間
但點樣畫Lee筆就需要幾年,甚至幾十年時間準備同練習

不過我無打算逃避
可以畫到幾多就畫幾多，可以練到幾多就幾多
共勉之

多謝你！

光復香港，時代革命
五大訴求，缺一不可

是咁的，觀塘係死地
雖然我有相熟嘅Game鋪可以避難，但係無地鐵嘅情況下都係早走早著
所以我破記錄咁快咁走佬


因應監控燈柱可能會偷偷地運作，在ＡＰＭ派發錫紙的兩個少女

現埸有幾個人也收了錫紙並包好他的信用卡和電話


在遊行起點駿業街公園對開的商埸一樓畫向起點
有媒體準備報道，也有人架設流動連儂牆

有個阿伯話我畫得好靚，跟住佢用Ｄ我聽唔明嘅方言鬧班遊行人士，話佢地搞死香港。
我意識到可能係一個福建幫，所以我用更誇張嘅口吻同佢講野
話共產黨會派特工黎搞掂班示威者，叫佢快Ｄ走唔好比監控燈柱影到相，廢事佢上大陸比人捉。
跟住佢唔信，我見同佢溝通唔到，我只有同樓下街站同ＦＡ講隔離商埸有一個福建佬想落黎搞事。


有人以手推車運送冰箱，向遊行人士派發支裝凍水，和「以未開嘅支裝水換取凍水」

可惜在我繪畫中途他已經推走了車，否則我也會去換一支

有趣的兩個人

他們操普通話，配戴紅色共產黨布帶，不停叫遊行人士關注他們。
不過看出他們沒有惡意，但沒有留下任何聯絡方法或其他有效的「關注方法」。

據我理解，他們的祖輩是共產黨倉黨黨員，但是在派系鬥爭輸掉，而走來香港「支持一國兩制」
今鑊連共產黨都Connect
如果ON9議政搵到佢地嘅話，隨時會有「真共產黨人」出黎介班建制嘅票

在海濱長廊外的行人道遊行的遊行人士
不少人都擔遮擋鏡頭


時間地點保密
有一班勇武兄弟整理緊裝備同休息緊


接著我聽到了「Mega Box放了催淚彈」
因為沒有地鐵，我已經做好撤離的心理準備

在一個不明的十字路口（後來對比地圖才知道是勵業街和衛業街交界的大十字路口）

看到一班示威者聚集，相信前方一定有示威者的防線，在極遠處向左轉的天橋相信就是警察防線

原本在十字路口上開始繪畫，不過聽到有人叫「跑」
我就向後退了半條街才回頭繼續畫
雖然有Ｄ驚，但警察一時三刻係衝唔到過黎，起碼前面同後面都有班示威者頂住。
而現埸記錄嘅人恐怕只有我一個人，所以我有記錄Lee條戰線的使命，見到咩就畫咩

係前線畫完一幅畫之後，我諗緊走唔走
跟住我見到巴士埋站，所以就上車撤離

係車上面見到有班勇武係地下欄杆度放左一堆蛋。
我唔知佢想點玩，不過架車就開走左睇唔清楚，九秒九大約畫左少少野出黎就算。


撤離左之後，我收到風話大埔有人搞人鍊
來源係FaceBook一個百幾人回應嘅Post

結果搞手見無咩人黎就走佬，淨低一個妹妹仔同佢執手尾同Ｄ人講個活動取消左

我見無人鍊畫，就去連儂隨道求其畫左位手足
用多Ｄ時間執下Ｄ細節

靈魂畫師推

走住佬咁樣畫畫

我好似係大埔嗰次見過你

好正！

想join您tgt
身邊無人係畫畫之人，又唔敢自己一個

基本上我次次都係度
我係隱藏NPC

【眾籌 Google 廣告】 本地文宣 : 多媒體廣告
https://lih.kg/aeNRkvU

是咁的，今日落雨好難搵到啱位安心作畫
好多時都係係一邊避雨一邊畫
錯過左幾件值得記錄，但未被任何人記錄嘅野
例如塗鴉同埋整路障。

不過今日都畫左一Ｄ野

開始前葵涌廣埸的食街，
店鋪如常營業，大量遊行人士買了不少小食醫肚

老實說，示威者不但不會破壞店鋪，而且過門都係客。
其他地方的食店（例如大埔遊行）又何必急於拉閘？

係葵涌廣埸的大橋望向運動埸，通往工業區的遊行路線已經塞滿了示威者。
他們冒雨前進，全部都擔起雨傘


我穿過了運動埸，隨意找了一個的士站避雨，順便繪畫遊行隊伍

在中訊電訊大廈避雨的遊行人士和記者
以及外面的遊行隊伍


到達荃灣後，聽到前面傳來「如心廣埸出黑旗」的消息，情況急速惡化。
望向旁邊的樹林後面已有幾架著燈的警車，警車前有用竹支搭建的路障。

示威者用竹支搭建另一重路障，有外國記者拍照記錄，我提醒他要將人面模糊才可以發佈。

在爵悅庭地下花槽坐下休息的街坊和示威者對話
與急速崩壞的前線仿佛是兩個世界


收到「遊行終點三個方向都有警察包抄」，「青衣橋有警察封路」，「前面有水炮車」等各種告急消息後，我即刻搵路走。

我原本打算搭的巴士，卻要經過警察防線才能去到，那麼當然是行不通。
那只能原路拆返，上山係葵盛隨使上了一架通往九龍的巴士撤離。

連我撤離都有難度，比我更晚走的人也應該更難走了。
結果夜晚就係荃灣死戰同埋大圍捕

由於我多次帶畫板出去，我唔能夠Black Board加入示威者，甚至連口罩都無辦法遮蔽我嘅身份，所以連載都廢事載。
因此我無辦法上前線，我有自已能夠做嘅野要做…但我做嘅野真係有意思咩？我都開始懷疑了。

前線唔需要一張畫，比起一張畫佢地更需要一幅指令前進後撤嘅旗。
比起一張畫，佢地更需要一句標語。
比起一張畫，佢地更想要魔法燃料。

我只能夠記錄唔能夠拍照記錄嘅野，最適合記錄示威者嘅細節
例如勇武派的肖像，示威者同記者嘅休息片段，同埋一Ｄ唔能夠比人知道嘅義舉或者策劃行動的片段
但有幾可真係比我見到？而我又有至少一分鐘時間比我畫底？
雖然上幾次真係比我捉到幾張只能夠畫底嘅野，但佢地係咪真係需要被記錄？連我都答唔到。

巴打好有口德

gichi