官方新聞稿
八達通將可在 iPhone 和 Apple Watch 上使用
(香港,2019年7月11日)八達通卡有限公司一向致力提供創新的支付服務,以配合客戶多元化支付需要,公司宣布今年稍後,客戶將可在 iPhone 或 Apple Watch 上透過 Apple Pay ,使用八達通支付公共交通及零售交易。公司會於稍後公布更多詳情。
FAQ 常見問題
1. 點樣加張八達通落iPhone?
可以轉移實體卡,將張八達通卡拍落機背就得;或者買一張虛擬卡,不過Apple Pay要有一張信用卡先,用嚟畀按金。
2. 轉咗落iPhone之後,張實體卡仲有冇得用?
實體卡一經轉移即時作廢,虛擬卡亦唔可以轉返落實體卡。
3. 按金點算?有冇得負錢?
同普通租用版八達通一樣有50蚊按金,轉移實體卡會自動變成虛擬按金;只要交易前餘額係正數(即係$0.1或以上)就可以負錢,負數限制唔清楚,不過普通租版八達通最多可以負$35,三叔Smart Octopus就可以負足$50;最高儲值額係$1,000。
4. 嘟卡畀錢使唔使解鎖或者驗證?
如果set做特快交通卡(Express Transit Card)就唔使用Face ID、Touch ID或者密碼驗證,好似真八達通噉直接放埋讀卡器就得,mon都唔使著。如果冇set就要每次都要驗證咗先。
5. 會唔會影響其他Apple Pay信用卡?
如果你set咗八達通做特快交通卡,八達通就會成為你嘅預設交易卡,每次都會彈出嚟。如果想用返信用卡畀錢就要手動選擇同驗證。
6. 自動增值、月票、大廈出入嗰啲有冇影響?
以上同大部份其他原有服務都會自動轉落虛擬卡,另外如果買全新嘅虛擬卡亦可以正常登記服務。
轉移唔到嘅服務包括:
• 停車場時租/月租服務
• 港鐵泊車轉乘計劃
7. 點樣增值?
只要唔係插卡式嘅增值地點都可以為Apple Pay八達通增值,另外亦可以用Apple Pay內嘅信用卡增值(見Q7),或者經八達通app用O! ePay/轉數快轉賬。
8. 可唔可以用信用卡增值?有冇手續費?
可以用Apple Pay裏面嘅信用卡增值,有人話現階段只支援銀聯提款卡;手續費方面就要等八達通公布。
9. 有邊幾代iPhone/Apple Watch支援?
•
iPhone 8或以上
•
Apple Watch Series 3或以上
•
日本版iPhone 7/Apple Watch Series 2
詳細睇下圖:
XS/XR特設慳電模式,冇電死機之後5個鐘內都用到特快交通卡;非日版嘅iPhone 7都有可能support,等八達通公布。
10. iPhone同Apple Watch可唔可以用同一張卡?
唔得,如果兩邊都想用就要有兩張。
11. 將張八達通卡放咗落手機咪好易畀人追縱?
Apple Pay交易係會將你部機嘅裝置帳戶號碼share畀系統,換言之八達通會知道張卡屬於你部機。
12. 會唔會畀人嘟走晒我啲錢?
八達通機係要商業登記,O! ePay拍卡過數都要登記帳戶。而且拍卡畀錢iPhone會第一時間通知同震機,比起傳統實體八達通更勝一籌。
13. 唔見咗部電話點算?
可以經iCloud鎖機,張卡會即時停用。之後可以打畀八達通報失,補領之後可以用八達通app加返落Apple Wallet。
(註:只適用於個人八達通或者有申請自動增值嘅八達通。不記名八達通報失後只可退款,冇得補發。)
14. 換電話、洗機會唔會冇咗張八達通?
唔會,張卡跟你account而唔係跟機,可以喺同一帳戶嘅iPhone/Apple Watch之間轉移,就算delete咗都可以隨時restore。
15. 點樣退卡?
上八達通個網填份form,佢會將餘額同按金一齊加埋,寄張支票或者退款信畀你。三年內冇用之後會逐年扣15蚊行政費。
16. 支援邊種八達通卡?
•
不記名租用版成人/長者八達通
•
個人租用版成人/長者八達通
必須印有9位數字嘅八達通號碼(8個數字加1個括號內數字,例如
12345678(9))
以下個人八達通
唔支援:
• 年齡在12歲以下的個人八達通
• 附有殘疾人士及學生優惠的個人八達通
• 員工個人八達通
• 已購買羅湖/落馬洲/廸士尼月票的個人八達通
(註:過咗期嘅學生身分八達通等於成人八達通,可以轉移)
另外銷售版八達通(包括特別版八達通、別注版八達通、迷你八達通等)、銀行聯營八達通等等全部唔得。
17. 幾時出呀屌你老母
最大機會9月中後期同iOS 13一齊出。iOS 13 beta入面,港版Apple Pay加卡嗰頁已經多咗「交通卡」同「乘搭交通工具」嘅字眼,所以應該好快正式推出。
上個post:https://lih.kg/1331975