佢好嘈 好鍾意講野 我就完全相反 唔鍾意講野 其實兩個一齊經歷過嘅野好少 我唔知點解會同佢熟到 更加唔知點解會鐘意佢 明明大家係兩個唔同世界嘅人 不過我去到最後都係唔敢同佢講 或者以後都唔會講到
可能佢都有同樣感覺呢
或者係啦 不過機會過左就唔會再有 我同佢可能唔會再有相遇嘅機會 雖然我好想同佢講我鍾意佢 但係都已經黎唔切
大家都無再聯絡?
係呀 其實都估到會因為距離而變得陌生 分開之前嗰排有諗過同佢講 但最後咪又係淆底 本來諗住好好放底咪算囉 點知我都係忘記唔到佢 先發現原來佢喺我心目中佔據左咁重要嘅地位
分開簡單抹去往事極難 有無試下拍拖果啲?
有試過追其他女仔嘅 但係感覺都冇咁強烈 再講邊會有女仔會睇得上我呢啲唔鍾意講野嘅人