一人一個你最愛嘅男/女仔

我同ex啱啱一齊個陣幾sweet幾開心 慢慢對方有情緒病 太愛佢成日比佢影響到自己情緒 最後搞到自己都瀨野 一齊個陣好辛苦 我以為可以同佢有將來 可惜最後佢唔要我 要第個 比人當左個傻仔耍在幾耐

初戀

中四一齊，一齊左2-3年，中間離離合合左好多次。
自己脾氣太大，唔識氹女仔，做錯過太多事：
一嗌交就六親不認咁款，有好幾次仲郁手打佢
唔識原諒人，佢去exchange冇去送機，因為嗌緊交
講過好難聽既說話
佢專登走上我屋企想和好，自己火遮眼係咁屌鳩佢叫佢走
中間同另一個女仔一齊左，想咁樣去激佢

而家散左大半年，佢有新男朋友，過得好開心。
我就所有人都睇唔上眼，覺得冇人比佢更好。想搵佢但已經冇權利。

無限次對不起 放在心𥚃等心死

巴打我like你個名 你咁對佢 佢真係會死心

有一日同fd放學行樓梯走緊嘅時候見到一個女仔同佢啲fd喺教員室門口傾緊計 比佢個靚樣吸引左 從朋友口中知道左佢原來係大我一年嘅姐姐 之後一路都好想揾機會揾佢但又唔知點開口好 之後嗰年嘅水運會我好如常咁拎全場總冠 點知咁啱又係佢頒獎 就喺嗰晚我鼓起勇氣fb inbox佢 依家諗翻都唔知點解可以咁夠膽 但仍好順利咁拎到佢電話 之後一傾就傾左2年
我地每日早晨開始到夜晚早抖 除左上堂之外都有keep住whatsapp 第一年嘅情人節好快就到左 我第一次整朱古力比佢 放左喺佢櫃桶 佢whatsapp我話好開心 如果親手比嘅話佢會重開心 因為咁我後悔左好耐 (想屌我冇膽就屌我啦呢個位)
佢好難約因為佢基本上係唔會同男仔單獨岀街 第一年嘅平安夜我終於約到佢 我去左溜冰 都係第一次拖住佢隻手 仍都拖住佢隻手走 但我地重未一齊到 年紀永遠都係個gap
到第二年嘅情人節 我約左佢睇戲 我都有送朱古力比佢 佢都送左件情侶衫比我 之後就係我第一次錫佢
相信咁多位睇到呢度都覺得我得米喇終於 我都以為係咁 但最後唔知點解過完個dse佢話淡左 所以成件事就完左
其實中間我表過2次白都失敗 喺佢dse之前表過最後一次都衰左 我知我on9 揀喺呢啲時候講啲咁嘅野 當然我有繼續揾佢傾計啦 但其實已經冇用 跟著我拍過2次拖 但都拍唔長 因為心入面硬係有件刺 睇親啲情侶post都係第一個諗起佢 亦都揾唔翻同佢相處嘅感覺 到依家嘅我都係放唔低 當時冇咩拍拖經驗好多錯位 依家好後悔 在有生的瞬間能遇到你竟花光所有運氣
sorry for 1999
勿相認

青春往往帶住遺憾 依家你同佢分別過成點先？

佢多人追 我就冇咩興趣對其他女仔

你都多人追 有無機會再一次追番佢？

我係有選擇可以揀 但都放唔低佢就無謂拍散拖浪費其他人同自己嘅時間啦 試過揾翻佢傾計但態度已經唔同哂 同埋約唔翻佢岀尼

我理解嘅 無謂搞到其他人 要變嘅就會變 唔會番番以前果陣

曾經追過一個女仔4年都追唔到
最後佢去咗外國讀書
聽翻佢啲朋友講話佢為咗唔想我成日掛住佢而冇應承我
身邊啲朋友一直搵機會撮合我哋
無奈一切已成過去

最後點解一齊唔到嘅？

佢唔想我掛住佢而唔開心
佢真係好了解我嘅性格
佢寧願狠心放棄呢段關係都唔想我頹
不過佢又講得啱嘅 長痛不如短痛

仆街打打下又浮現番送佢機嘅情景

咩都會變 回憶唔會

曾經既最愛 拍左三年 元宵果日分左手

一年半開始對我冷淡，我無放棄仲堅持，期間不停做左好多野傷害我欺騙我，每次都話改，但最後都係無。

去完ocamp post左張相係留言同其他男仔曖昧，仲要係人地話我知，之後又post左張單獨同男仔食飯既相，仲要係同一個男仔，我問佢係咪單獨食，佢話唔係，比左十幾次機會佢都唔認，最後比我踢爆先認。

已經對愛情再無咩信心

睇落唔係你嘅錯 你係值得有更好嘅愛情嫁

同事，佢好似對所有人好冷漠，其他同事都話佢內向，放工約都好少出去，成日話返屋企陪屋企人食飯。我用左一年時間係佢身邊氹氹轉，返工由搭巴士轉搭鐵，計好啲時間就係為左撞佢，日日買早餐，由普通同事去到每隔一兩個星期就會同我出一次街咁樣，終於用我嘅無賴唔要面嘅行動打動左佢，而家一齊左三年啦

到而家望住佢時都仲係有種心動嘅感覺，連我身邊啲好朋友都話feel到我最愛個個係佢

堅持就是勝利

而家男朋友 本身好驚好憎男仔
但佢係唯一一個比到我安全感既人
係佢身邊有種好舒服既感覺
成日哄到我好開心
成日發生咩事 都第一個黎搵我
我知我佔有慾強 又成日為左小事發脾氣
佢都會忍我 有時會鬧番我 傾番個問題
如果因為我脾氣而分手 我會後悔一世
所以而家慢慢減少發脾氣
想係佢面前做個完美女朋友 唔想因爲啲少事搞到大家唔開心
我諗我永遠都搵唔到咁愛我既男仔
利申 知你有上連登 我會努力減少發脾氣 好好珍惜你 我愛你

男友回一回應

上網打機識 識左6年幾
一直覺得佢係我青春既終結
之後再識其他異性都比唔返呢種感覺我
最後努力過 都無一齊到
後尾諗返 係自己太美化佢 太美化呢段關係

當然我都move on左
但佢永遠係我心目中都有一個好重要既位置

move on到係一件好事

如果我夠成熟一點的話
應該會很不錯

中二嗰時識佢 都係因為坐隔離先會熟 一直都keep住有whatsapp 自己認為內容好曖昧 以為佢都會鍾意我 點知一次就知其實我咩都唔係
後尾中四我識咗依家男朋友 本來同佢已經冇再傾計 點知後來又開始whatsapp翻 到依家入埋大學都仲有傾
成日覺得係差我表白嗰步 雖然兩人性格其實唔係好夾 一定會分手 但真係覺得係個遺憾

可能係一次機會俾大家填補番個遺憾

小三佢留班識左佢 佢成日恰鳩我 之後每年都同班 唔知點解之後鐘意左佢 大大話話都鐘意左佢七年期間都無再識到一個人好似佢咁令我鐘意咁耐 佢知我鐘意佢 但我亦都知佢鐘意另外一個女仔 我自問唔夠人好 我無去爭取 最後佢同個女仔一齊左


畢業幾年之後傾翻計先知原來果時佢都有鐘意過我 只係無講出口 就算而家見到佢唔開心我都會好想開解佢 我仲記得佢舊電話號碼 如果你知我講緊你 你搵翻我我地傾翻計好無？

利申:藍絲
今年識第12年 最後無一齊

希望上天會俾多一次機會你地兩個

幼稚園已經識既一個女仔
去到小二小三因為轉校搬屋斷左聯繫
之後高form偶遇返佢曾經一齊過
但因為自己年紀小的不智同佢嘈
同埋自己係件無用既垃圾
放榜嗰日咁岩係佢屋企樓下見到佢
嗰陣因為唔敢面對佢 趕住走既mode 同佢say左個hi就走左 好後悔 嗰日應咁做
依家諗返起 都好耐冇見過佢

咁你依家過成點？

沉淪緊

讀書定做野 無拍拖？

之後拍嗰一次但覺得得唔到想要既野
讀緊書

讀緊書姐 希望有人打救到你

唉 我唔知係咪自己性格搞到命運咁坎坷
曾經遇到岩自己既女仔而且同自己算熟既
但因為好怕最後連fd都冇做 想睇定d 結果咩都冇行動 依家嗰幾個女仔唔係o緊就身邊好多男仔fd 同埋同嗰幾個女仔慢慢小左聯繫
btw 我成日心底裡拿佢地同我初戀比會唔會太on9

人係避免唔到比較 某程度上你試過一樣野係好同深刻 再試其他自然會比較左

Too long dont read

我朋友係間公司做editing同負責upload 片上youtube channel ，有一日係乜一條片見到個女仔好pure種感覺好難形容於是我就膽粗粗問佢個女仔係咪你公司做，跟住佢就話係，奇怪嘅事就發生啦我剛剛畢業佢間公司又咁啱請人所以我去左apply希望可以識到個女仔，當我入去做果陣時先知原來女仔既工作性質可以唔洗公司做網上交俾老細就得，點知幾個月後拍野關係終於見到女仔真人，超開心同緊張由於小弟內向所以唔敢同佢講野，後來拍完去食飯原來先知佢係阿記diehard fans，雖然我唔係阿記fans 不過大家可以傾得好投契，之後膽粗粗攞左佢電話跟著繼續9up 乜野都講，之後佢生日我送左件阿記球衣仲有佢個名係上面


之後我fd 知道左覺得我好痴線好似拍愛情劇

咁依家點？

有試過追其他女仔嘅 但係感覺都冇咁強烈 再講邊會有女仔會睇得上我呢啲唔鍾意講野嘅人

cool cool地大把mkt啦 其實唔仲意講野嘅人係想有個嘈嘈地嘅 聽佢講就足夠

靚仔唔出聲咪cool 我呢啲路人樣 仲要唔出聲 根本就唔起眼
所以同佢相處真係好舒服 好自然 又唔洗下下都格硬諗野回應

個個係靚仔咩 你平時同fd相處都靜？

咁又唔會嘅 點都會有少少9up 但係唔會係主動講野嗰個 我知咁樣識女真係好輸蝕 但係唔知點改好

性格黎嘅 唔係缺點黎 總會有人欣賞 你都會去追女仔嘅 不過人地需要時間去認識到你

都唔知幾時先會再遇到個好似佢咁鍾意講野之餘又唔會嫌棄我有時唔應佢嘅女仔

真係唔知 但你要相信會遇到

見到咁多位巴打既經歷
令我諗返起我既最愛
其實我係一個好悶既人 有時會冷幽默 咁下d on9野咁
我知道你其實覺得我好悶 我想係度同你講對唔住
多謝你一直支持我 鼓勵我
係我讀hd果陣你教我中文 幫我拎個3返黎做返個degree仔

分左手一星期 我都仲好掛住你 但係我唔想再害你 對唔住

點解覺得係害佢？

我依加呢個男朋友係最愛
遺憾嘅係我一開始對佢唔住傷害咗佢
我同佢一齊同時又同其他仔flirt中意第個
到佢知道咗嘈交嘈得好勁想分手我就後悔
我知我係雞
不過真心之後因爲差啲失去改變咗我
依加真係一心一意對佢好愛好愛佢
亦因爲我一開始咁所以佢脾氣都變差咗
但我都會忍
因為我知當初係我做錯先
我信有日佢會信我真係一心一意靜係愛佢
感恩嘅係即使嘈幾多次都仲一齊緊
佢依然好錫我好愛我
雖然有時嘈交真係好唔開心
但有呢個男朋友我覺得自己好幸福
即使遇到更好我都靜係會揀佢
已經認定咗佢 個心已經放唔落第個
希望可以同佢一生一世

仲以為你係我女朋友
我地啱啱一齊果陣又係咁
諗番起個心都酸左酸

依加真心知錯希望你地會知
相信你女朋友都同我一樣好後悔好後悔
諗番我都好想喊唔明自己點解可以咁賤
如果當初我冇咁係咪我地依加唔會成日嘈？
真心想再同男朋友講 對唔住 我知錯 我真係好愛好愛你 唔好唔要我

繼續用愛表達自己真係真心

我都想
但我成日好易就激嬲佢
當俾佢屌又話我煩我就感覺自己可有可無完全唔重要
好驚佢對我淡唔再愛我唔想再同我一齊所以先咁易嬲
好想喊 由細到大都冇開心過甚至一直處於負能量位置
直到識到現任我先知乜嘢係開心
我好驚會失去佢然後又番去個個長期負能量狀態
如果真係咁真係唔想再生存好行屍走肉
由於同佢嘈佢說話好難聽
我真係分唔清到底佢係真心話定一時之氣？
好愛佢點解依加感覺好似佢對我淡咗定我多心？
唉

涯得過嘅 但大家要坦承係真

識左好耐同暗戀左好耐既fd
知道一定冇機會 所以冇表白過
但感覺到自己真係好鐘意佢
即使之後可能會各有各生活
但佢都會係我最愛最深刻個個

利申 sheshe

咁你依家點？

同佢由中學識到依加 六年
個時同佢個好朋友拍拖 到近畢業先散
雖然我地好似識咗好耐咁 但其實都係同個ex散咗之後先同佢熟 不過中學畢業佢同我個ex都無揾大家
到依加同佢曖昧咗兩年幾近三年
其間佢去外國讀書 但佢返黎都有約出黎食飯睇戲
我真係好鐘意佢 但佢又好似唔知咁 又無表示
呢段感情拖得太耐啦 最後我決定忘記
之後雖然遇到其他男仔
但都發覺同佢個種既感覺無人俾到我

利申 依加大家無聯絡

朋友既朋友，其實唔識但加左FB。
好耐無睇了，但近日負能量好大覺得孤寂時突然又想起佢。見返佢當時張icon，好想跟佢一齊笑

現實係完全唔識 私下無接觸？

可以咁講啦。
講靚真係大比人靚過佢，但最想有未來既就係佢

點解唔試下認識同接觸？

我同ex啱啱一齊個陣幾sweet幾開心 慢慢對方有情緒病 太愛佢成日比佢影響到自己情緒 最後搞到自己都瀨野 一齊個陣好辛苦 我以為可以同佢有將來 可惜最後佢唔要我 要第個 比人當左個傻仔耍在幾耐

咁你依家點？瀨左野有無去處理？

如果我夠成熟一點的話
應該會很不錯

detail

有個好中意既女仔 中意左半年
我一直扮無追佢 其實暗地係咁wts傾計
之後發現我個老友都中意佢 仲要早過我
但最後佢同左我老友一齊
而家係我面前成日曬 我仲好中意佢
但無辦法 只有自己知道自己幾辛苦

同佢由中學識到依加 六年
個時同佢個好朋友拍拖 到近畢業先散
雖然我地好似識咗好耐咁 但其實都係同個ex散咗之後先同佢熟 不過中學畢業佢同我個ex都無揾大家
到依加同佢曖昧咗兩年幾近三年
其間佢去外國讀書 但佢返黎都有約出黎食飯睇戲
我真係好鐘意佢 但佢又好似唔知咁 又無表示
呢段感情拖得太耐啦 最後我決定忘記
之後雖然遇到其他男仔
但都發覺同佢個種既感覺無人俾到我

利申 依加大家無聯絡

點解唔試下聯絡 真係需要你行岀一步 拖得太耐嘅都起碼知道個答案 你似係未死曬心忘記

有個好中意既女仔 中意左半年
我一直扮無追佢 其實暗地係咁wts傾計
之後發現我個老友都中意佢 仲要早過我
但最後佢同左我老友一齊
而家係我面前成日曬 我仲好中意佢
但無辦法 只有自己知道自己幾辛苦

唉 老友呢啲真係無得博

有無巴絲睇左套賤男蜜擾？ 睇完又想推番呢個post