我已經分唔到佢係有意為之地hea覆我定係點。
呢個應該係我第一個真係一見鍾情既女仔。
佢150, 我180, 上落電梯我地都會自動波行先/行後,如果唔係傾唔到計的。
街,唔係去左好多次,但我對佢既感覺就真係好強烈。
我表白過,佢拒絕過。大概係因為太心急。然而之後慢慢煲佢,同佢whatsapp 都算正常掛。
呢排唔知做乜,whatsapp 搵佢好似留言一樣,隔返一頭半個鐘先捨得覆d無營養既單字同emoji。反而snapchat 個分平步青雲,一日可以加百幾二百分。
直至今朝,我實在忍唔住,問佢一句"其實你係真忙定係hea覆?" 之後,我個whatsapp 就無再響過,然而佢就繼續同其他人snapchat。
由頭到尾講哂出黎,個人好左好多了。多謝巴打開左呢個post,俾我喺呢個樹窿擺底呢一塊心頭石。