[高中][純愛] 《如陽光伴我》 有關我和兩個女孩一隻貓的故事
尋羊冒險記
980
回覆
144 Like
6 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
無痕模式
2019-06-08 01:49:02
出文好密
謙謙君子
2019-06-08 01:55:49
絕對滿意
找一個樂天的少艾
2019-06-08 02:09:58
推完又推
小慧
2019-06-08 03:10:17
推
尋羊冒險記
2019-06-08 04:28:23
絕對滿意
睇得滿意就好!
會一路改進
推
謝謝鮑魚巴打支持
多謝歐陸巴打由一開始支持到而家
推
謝謝新讀者
推完又推
多謝巴打成日幫推
出文好密
大家睇得開心就好!
本來諗住拖長d.....可能有多d人氣.....
不過其實都係差不多,所以快快手但認真咁完左佢
當係完成左一個兒時夢想 寫完一本書
推
謝謝高雅志巴打一路支持!
尋羊冒險記
2019-06-08 07:28:59
睡前推!喜歡就留個comment或者推啦!
起身有文!
布拉姆斯
2019-06-08 07:29:59
新讀者留名。原本想一直做CD-ROM,不過巴打個故實在寫得好真實,我都唔好意思再齋睇唔推。
尋羊冒險記
2019-06-08 07:33:14
多謝你既欣賞!我會努力再寫好d
布拉姆斯
2019-06-08 07:44:32
係唔係真都好,豪特登飛去英國搵如嘅情節真係令我好感動。雖然我冇咁好彩可以遇到自己嘅「如」同「晴」,不過我都希望有一日可以感受到為自己心愛嘅人付出嘅果種青春。
很大唷焗豬扒飯
2019-06-08 11:06:00
要分別了
空白的人
2019-06-08 11:41:19
瞓醒就出左咁多
心如同豪個度真係睇到好感動
千秋王子
2019-06-08 12:49:58
有預感會..
找一個樂天的少艾
2019-06-08 13:01:28
Aimyon世界第一
2019-06-08 13:07:21
算啦唉
小慧
2019-06-08 13:51:10
繼續推
尋羊冒險記
2019-06-08 14:08:50
好開心同感激呢個故事可以感動到你,接下來既故事呢d雙方既「付出」會一直增加同改變對方,兩篇既故事都會係咁既走向,所以希望會更加touch到你。
豪大概係用光人生所有運氣,先可以換來呢兩個女仔既出現。
我相信你都一定可以遇到專屬你既「如」同「晴」,現實大概唔會係故事咁完美,就算 豪同如一齊左,晴同豪一齊左,長時間拍拖都係會有矛盾同唔夾既地方,但我覺得無野重要過真心相愛,只要努力,好多野都可以改變。
尋羊冒險記
2019-06-08 14:11:43
繼續推
算啦唉
有預感會..
仲有幾章!放心!
瞓醒就出左咁多
心如同豪個度真係睇到好感動
好似係忍左好耐一次過大爆發既愛咁
感動到你就好!
要分別了
無野傷心得過long d送機一刻....
尋羊冒險記
2019-06-08 14:19:16
75正評!
唔知爆post前可唔可以上到80
一陣3點左右有文!
很大唷焗豬扒飯
2019-06-08 14:56:18
話咁快就78
我覺得會上到100
尋羊冒險記
2019-06-08 15:37:03
前往機場的途中,我和心如都沒有說話,可能是知道離別在即,怕說了些甚麼令大家難不捨更難受。在這接近一個小時的車程,她沒有哭也沒有笑,只是一直用力緊緊的握著我的手不願放開,連我手心冒汗她也應該清楚感受得到。
偶爾眼神與我碰上,她雙眼就會馬上閃開,大概是知道一但對上了,她就會更難過更想哭。
這是第一次,也是惟一一次,即使沒有任何交談,心如都沒有如煙一樣飄到不知那兒,而是實實在在的在我面前,身軀以及靈魂。
那一夜的倫敦希斯路機場比平常冷清得多,凌晨時分的機場維持低限度的運作,我們找了一個沒有太多人的長椅坐下,兩個位置間沒有任何間隔。心如買了兩杯咖啡,她說她不想睡著,生怕會浪費一分一秒。
她用咖啡送了幾粒抑鬱病的藥。
「你咁樣得唔得嫁!」我緊張。
「得嫁傻,我一向都係咁。無穿無爛。」
「傻妹,食完攰就訓下啦,你今朝好早起身。」我說,她搖頭拒絕。
「我唔攰。」她說,「訓左…時間就無嫁啦。唔知道幾時先可以見返你。」
「我會努力搵錢,睇下有無機會報exchange,或者直頭去英國留學,咩都好,總之我會努力。」
「豪…其實你…真係唔使咁為我嫁…」
「可以同你喺同一個地方一齊生活係我既夢想。喺邊到都好,我都唔會放棄。你都係啊,唔可以成日唔返學嫁,唔係因為要上堂讀書,而家我想你可以接觸多啲人,可能會對你既病好啲。」我說。
「知道。如果你係倫敦讀書既話,可以搬過嚟我地Apartment住,做廳長!」
「雖然可以日日見到你,但係我唔想晚晚聽到Nancy『Oh...Shi...』、『Oh...Shi...』」
我笑著說,她跟著我一起笑,笑臉上那雙本來就累透的眼睛顯得比平時小一點。
「間屋雖然唔好住,四個人住比較細啦,而且又好舊,倫敦既樓閒閒地都有一百年歷史…落大雨既時候呢,天花同露台仲會滴水啊,好煩嫁…不過Flatmates佢地全部都好nice,有唔咩開心都會同Nancy傾,佢既反應雖然有時好浮誇,但係諗返起就會覺得sweet嫁,係好好既朋友。好似以前琳琳咁。」她倚在我的肩上,挽著我的手臂。
「咁你講心事既時候有無提起我?」
「有啊,實有提起你啦。提起你同我去迪士尼既事、唱k睇戲既事,仲有講起你喺補習學會點樣打低阿俊,點樣幫校隊入四強。」
「呢啲事,你全部都記得?」
「點可能唔記得喎,我又唔係有老人痴呆。」她說。
她倚靠在我的身旁,把整個人的力卸在我的身上,但我完全沒有感受到壓著不舒服的感覺,她大概比我相像中還要輕一點。
「你呢,你會唔會唔記得我?」她問。
「我唔會,點會唔記得你呢?就快2014年啦,上個月連iphone 5s都出左啦。只要你肯聽我電話而唔係剩係寫信既話,我地日日都可以聯絡。你可以同我分享Nancy同其他室友既事,我可以話比你知我喺中大既事。」
「我係想話…如果有一日,我再聯絡唔到你,你會唔會唔記得我?」
「點會啊,我唔會俾呢一日出現。我一定唔會令你難受。」
「我話如果啊,你答左我先啦!」她認真地說。
「…嗯,唔會,一定唔會。你永遠都會喺我心入面。」
「我唔想啊。」她說。
「啊?」
「我唔想你記得我。如果有一日,我唔再同你一齊,請你一定要忘記我。」
「點可以呢…我點可能忘記你。」
「你應承我。」
「我唔想…」我無奈地說。
「我想你應承我。」
「嗯…我應承你。」
我說,心如滿足地笑,主動輕輕親了我的咀一口。
「…我愛你。」她在我耳邊偷偷細聲說,我把臉轉向她,輕輕親了她的額一下,她放下咖啡杯在身旁,合上眼皮,沒有說話。
尋羊冒險記
2019-06-08 15:38:30
謝謝你 焗豬巴
謝謝正評既大家!
post 2我會努力諗過一個吸引少少既題目!
高過高雅志
2019-06-08 15:48:21
推
尋羊冒險記
2019-06-08 15:52:42
我不知道她是不是藥力發作而睡著了,還是只是輕閉上眼。室內雖然有暖氣,但靜下來還是會冷,我把早上買的大褸披在我們的身上。
整天晚上我也沒有睡,看著人來人往走過,各種離別再重逢,重逢後又再離別,機場內的是一個個殘忍又甜蜜的故事。除了室外淅淅瀝瀝的雨聲外,深夜時分的希斯路基本都可以算是一個寧靜的環境,大概大家在為離別而沉默,為分開而作最後的準備。
偶爾靜下來,我會聽到心如輕輕的呼吸聲,她睡得很沉很安詳。我想有進入夢境的能力,那麼我就可以肯定她的所有夢內都有我。就算有怪獸襲擊地球還是面對青少年應否猛鬼的審判,我都可以在身旁守護著她,直到消失天與地。
心如起來的時候是凌晨四時多,她醒來後第一眼看到的就是我。
「嗯…傻仔…你無訓到?」她睡眼說。
「無啊,一陣有排訓啦。如果我訓左發生咩事咁點。」
「會有咩事喎?」
「我唔知,我剩係知我好想保護你。」
「嘿,你仲保護左我既幾條頭髮。」她抬起幾條她留在我肩上的頭髮線。
「吾…咁樣算係保護失敗左,我下次會注意嫁啦!」
「講笑咩你!係啦…我頭先發夢見到你啊。」她說。
「我喺夢入面係你男朋友?」我問。
她搖搖頭。
「啊,我地咁快發展到做兩公婆…」
「嘿,都唔係啊!」她用手指輕輕點了我的臉頰一下。
「吾…咁我係咩?」我有點失望的追問。
「唔話你知!」她偷笑。
離別在即,我們買了兩個三文治,心如倒掉變酸了的咖啡,又買了一杯新的。
短短兩日的見面時間,成就了我當時人生中最快樂又最難過的一個旅程。之後我和我最愛的女孩就會分開一萬公里,直至我能夠重新儲到足夠的金錢。
「如…我差唔多要入閘啦。」我說。
「嗯…唔緊要啦…我都差唔多要返學啦。」她聲音抖震的說,「係啦...我有野要俾你啊...」
她從袋中拿出一隻啡色的Fossil手錶遞給我,然後細心的為我戴上。
「送俾你嫁。先前覺得靚所以買…唔知你會唔會鐘意。你返去考試記住要戴錶,大學同中學唔同,Lecture Hall唔一定有鐘嫁。」
錶上顯示的不是英國時間,她一早細心的為我調教至香港時間。
「多謝...我好鐘意。不過我想將時鐘較返喺英國既時間…咁樣我一睇隻錶就會知道倫敦係幾點。」
「嗯,好啦。傻瓜。」她用兩隻小手細心的為我調著,
直至現在,我都保留著她所調的時間,在某種意義上,將她的觸感永遠保存在我的手錶上。
我張開雙臂,再一次將她緊緊的抱住。
「傻妹,我好快會返嚟搵你。唔會再猶疑。我會努力返工儲錢,我一定、一定會返嚟。」我嗚咽,強忍著眼淚,連聲音都變了。
「嗯。傻仔。我會等你。」她咽哽,努力忍著不哭。
尋羊冒險記
2019-06-08 16:02:25
我輕柔地親吻著眼前的這個女孩,我希望可以永遠永遠記得她唇上的那種觸感、那種香氣,永遠永遠的保存她給我的溫柔和愛。
她的身如受傷的小孩一樣抖震著,她的淚一點一點的從眼睛到面頰、再滑下鼻翼,再沾在我的臉上。我為她輕抹著那些淚、親吻著她的淚,將我身上所有的愛和溫暖全心全意的傳向她的那邊,希望藉讓令她變得舒服一點。
我強擺出一副笑容大力揮手向她道別。
這一別,大概要好一些時間才可以重新見面,我們雙方都知道這件事,只是雙方都不願將這些話說出口。即使只是要與這個女孩分開一天,對我來說就已經像是被火燒一樣難過。
走進閘內的一刻,我壓抑已久的淚如泉湧現,把我積存在心中早已滿瀉的痛和悲倒出來。
但無論如何哭、如何叫,那些令我的心如玻璃一樣碎開的痛一點都沒有減輕、一點都沒有。
在閘內與外面可以接觸到的最後一刻,我很想回首看看心如那可愛的臉。
但我不敢回頭,不敢回望,不敢讓心如看到我這個樣子,然後令她更傷心。我只能夠獨個兒低頭飲泣著,如果我不想再令這個女孩哭,又怎可以在她面前哭呢?
我一定可以。一定會回來的。
如,你一定要等我。
(第負四章 綿綿 完)
尋羊冒險記
2019-06-08 16:04:16
大家休息一下,
負三章前會有,
心如的日記(二) 做間場。
希望大家會睇落去等落去!
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
第 39 頁
第 40 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞